Connect with us

શહેર

સાંસદ પૂનમબેનના પ્રયાસો સફળ જામનગર મુંબઇ વચ્ચેની ફ્લાઇટ બંધ નહી થાય

ખબર ગુજરાત

પ્રકાશિત

on

સંસદસભ્ય પૂનમબેનમાડમના પ્રયાસો સફળ રહેતા જામનગર મુંબઇ વચ્ચેની ફ્લાઇટ હવે બંધ નહી થાય. કેન્દ્રીય ઉડ્ડયન મંત્રીને જામનગરના સંસદસભ્ય પૂનમબેન માડમએ રજુઆત કરતા જામનગર-મુંબઇ ફ્લાઇટ રાબેતા મુજબ ઉડશે અને બંધ કરવાનો નિર્ણય મોકુફ રાખવામાં આવ્યો છે.

ઉલ્લેખનીય છે કે જામનગર મુંબઇ વચ્ચેની વિમાની સેવા આગામી દિવસોથી બે મહિના માટે બંધ કરવા નિર્ણય લેવાયો હતો જેથી નોંધપાત્ર સંખ્યાના મુસાફરો-બીઝનેસમેન-હેલ્થ રીલેટેડ પ્રવાસીઓ-વિદેશ જનારા પ્રવાસીઓ-ધંધા રોજગાર સામાજીક પ્રવાસ વગેરે સાથે સંકળાયેલા ખુબ મોટી સંખ્યામા આ હવાઇ સેવાના મુસાફરો તરફથી આ ફ્લાઇટ શરૂ રાખવા માંગણી ઉઠી હતી જે બાબતને સંસદસભ્ય પૂનમબેન માડમએ ગંભીરતાથી લઇ કેન્દ્ર સરકારના ઉડ્ડયન મંત્રી હરદીપસિંઘને વિગતવાર રજુઆત કરી ફ્લાઇટ ક્ધટીન્યુ રહે તેવી મુસાફરોના હિતમા માંગણી કરી હતી જેના પગલે ઉડ્ડયનમંત્રી હરદીપસિંઘપુરી એ જામનગર મુંબઇ ફ્લાઇટ બંધ કરવાના નિર્ણયને મોકુફ રાખવા જરૂરી સુચનાઓ આપી છે. જેથી મુસાફરોમાં રાહતની લાગણી ફેલાઇ છે તેમજ 12-જામનગર લોકસભાના સંસદસભ્ય પૂનમબેન માડમએ ઉડ્ડયનમંત્રી હરદીપસિંઘજી અને કેન્દ્ર સરકારનો આભાર વ્યક્ત કર્યો છે.

શહેર

જામનગરમાં મુખ્યમંત્રી મહિલા ઉત્કર્ષ યોજનાનું લોકાર્પણ કરાયું

મુખ્યમંત્રી દ્વારા ઇ-લોકાર્પણ કરાયું : જામનગર ટાઉનહોલ ખાતે પૂર્વમંત્રી વસુબેન ત્રિવેદીના અધ્યક્ષસ્થાને કાર્યક્રમ યોજાયો : શહેરના સાત સ્વસહાય જૂથો સાથે બેંકોએ એમઓયુ કર્યા

ખબર ગુજરાત

પ્રકાશિત

on

ગુજરાત આત્મનિર્ભર પેકેજ અંતર્ગત મુખ્યમંત્રી મહિલા ઉત્કર્ષ યોજનાનું મુખ્યમંત્રી વિજયભાઈ રૂપાણીના હસ્તે ઇ-લોકાર્પણ કરવામાં આવ્યું હતું. મુખ્યમંત્રી મહિલા ઉત્કર્ષ યોજના હેઠળ ગુજરાતના 1 લાખ લાયેબીલીટી એન્ડ અર્નીંગ ગ્રુપ બનાવવામાં આવશે. જેમાં એક ગ્રુપમાં 10બહેનો આર્થિક ઉપાર્જનની પ્રવૃત્તિમાં જોડાશે. આમ આ યોજના થકી ગુજરાતની મહિલાઓને આત્મનિર્ભર બનાવવાની નેમ સાથે મુખ્યમંત્રીએ ગઇકાલે આ યોજનાનું ઇ-લોન્ચિંગ કર્યું હતું. જેમાં જામનગર ખાતે આ યોજનાના લોકાર્પણ પ્રસંગે શહેરમાં 7 સ્વસહાય જુથની લોન મંજૂર થઈ કરવામાં આવી હતી, જેના માટે જામનગરની વિવિધ ક્રેડિટ સોસાયટીઓ-સહકારી બેંકો સાથે એમ.ઓ.યુ કર્યા હતા અને આ સાત સ્વસહાય જુથોને ટાઉનહોલ ખાતેના કાર્યક્રમમાં મહાનુભાવોના હસ્તે લોન મંજૂર અંગેના પત્રોની ફાઈલ સોંપવામાં આવી હતી.


આ ઇ-લોન્ચિંગ પ્રસંગે મુખ્યમંત્રીએ કહ્યું હતું કે, ભારતીય સંસ્કૃતિમાં મહિલાઓ સન્માનનીય અને પૂજનીય સ્થાન ધરાવે છે. હાલના સમયમાં આ સ્ત્રીઓ પુરુષ સમોવડી બનીને સત્તામાં, નોકરીમાં દરેક સ્થાને તે આગળ વધી છે. દેશના વિકાસમાં સ્ત્રીઓનું પણ પુરુષ જેટલું યોગદાન છે. મુખ્યમંત્રી મહિલા ઉત્કર્ષ યોજના દ્વારા અનેક બહેનોને આર્થિક ટેકો મળશે. અગાઉ બેંકમાં ખાતું ખોલાવવાની પણ અઘરી પ્રક્રિયા હતી ત્યારે આજે શૂન્ય બેલેન્સથી પણ બેન્ક એકાઉન્ટ ખૂલે છે. અનેક બહેનોની આત્મનિર્ભર થવાની નેમને સાકાર કરવા રાજ્ય સરકારે આ યોજના થકી ઝીરો ટકા વ્યાજથી આ જૂથોને એક લાખ રૂપિયાની સહાય જાહેર કરી છે. આત્મનિર્ભર ભારતની કલ્પનાને સાકાર કરવામાં બહેનોનું આત્મનિર્ભર બનવા તરફ અગ્રેસર બનવું પ્રથમ પગલું છે.

જામનગર ખાતેના આ કાર્યક્રમમાં પૂર્વ મંત્રી વસુબેન ત્રિવેદીએ જણાવ્યું હતું કે, કેન્દ્ર સરકાર અને રાજ્ય સરકાર અનેક યોજનાઓ લાવી લોકોને સહાય રૂપ બની રહી છે. કોરોનાના કાળમાં આ લડાઈ જીતવા માટે સક્ષમ બનાવવાની આવશ્યકતા છે ત્યારે આત્મનિર્ભર પેકેજ અંતર્ગત દરેક બહેનો આત્મનિર્ભર બનવા, માનસિક અને શારીરિક રીતે સક્ષમ બનવા આ કોરોનાના કાળમાં પણ સંઘર્ષ કરી રહ્યા છે. આ યોજના થકી મહિલાઓએ પગભર થવાનો પ્રયાસ કરવાનો છે. મહિલાઓ સશક્ત બને પરિવારને સક્ષમ બનાવે તે માટે મહિલાઓને આત્મનિર્ભર બનવું જરૂરી છે. આ યોજના થકી મહિલાઓ આત્મનિર્ભર બની પોતાના ઘરને, સમાજને આગળ વધારી રાષ્ટ્રના વિકાસમાં યોગદાન આપી શકશે તેમ પુર્વ મંત્રીએ વિશ્ર્વાસ વ્યક્ત કર્યો હતો. આ કાર્યક્રમમાં મેયર હસમુખભાઈ જેઠવા, ડેપ્યુટી મેયર કરસનભાઈ કરમુર, સ્ટેન્ડિંગ કમિટી ચેરમેન સુભાષભાઈ જોશી, શહેર ભાજપ પ્રમુખ હસમુખભાઈ હિંડોચા, દંડક જડીબેન સરવૈયા, કમિશનર સતીશ પટેલ, ડેપ્યુટી કમિશનર વસ્તાણી, અન્ય કોર્પોરેટરો અને બહોળી સંખ્યામાં મહિલાઓ ઉપસ્થિત રહ્યા હતા.

 

વધુ વાંચો

શહેર

ભારતીય જનતા પાર્ટી જામનગર મહાનગર દ્વારા ઈ-બુકનું લોન્ચિંગ

ખબર ગુજરાત

પ્રકાશિત

on

વિશ્વ મહામારી કોરોના લોકડાઉન દરમિયાન પક્ષના પ્રત્યેક કાર્યકર્તા, પ્રત્યેક ચૂંટાયેલ સભ્યો, નેતા, શહેર સંગઠનના હોદેદારો, વિવિધ મોરચાના પદાધિકારીઓએ પ્રજાહિત અર્થે અનેકવિધ કામગીરી કરી, આ તમામ કામગીરીની આંકડાકીય માહિતી, લાભાર્થીઓના મંતવ્યો સહીતના અહેવાલને ડિજિટલ ઈ-બુકના સ્વરૂપે રજુ કરી શહેર ભાજપ કાર્યાલયે લોન્ચ કરવામાં આવેલ હતી. આ તબક્કે શહેર અધ્યક્ષ હસમુખ હિંડોચા, મહામંત્રી ધર્મરાજસિંહ જાડેજા, ડો. વિમલ કગથરા, કૃષિમંત્રી આર.સી.ફળદુ, રાજ્યમંત્રી ધમેન્દ્રસિંહ જાડેજા (હકુભા), સાંસદ પૂનમબેન માડમ, મેયર હસમુખ જેઠવા, ડે મેયર કરશન કરમુર, સ્ટે.કમિટી ચેરમેન સુભાષ જોશી, પૂર્વપ્રમુખ હિતેનભાઈ ભટ્ટ, મુકેશ દશાણી, ધીરુભાઈ કનખરા ઉપાધ્યક્ષ ખુમાનસિંહ સરવૈયા, ગોપાલભાઈ સોરઠીયા, એસ.એમ.આઈ.ટી. વિભાગના પારસ ઘેલાણી, અશ્વિનભાઈ કોઠારી સહીત વોર્ડ પ્રમુખો તથા કાર્યકર્તાઓ વેબમિટિંગ થકી કાર્યક્રમમાં ઉપસ્થિત રહ્યા હતા. આ તબક્કે ગુજરાત પ્રદેશ ઉપાધ્યક્ષ ગોરધનભાઇ ઝડફીયા દ્વારા ઉદબોધન કરવામાં આવેલ. ભાજપ મીડિયા વિભાગના આશિષભાઈ કંટારીયા તથા ભાર્ગવ ઠાકરની યાદીમાં જણાવવામાં આવ્યું છે.

વધુ વાંચો

શહેર

ધ્રોલમાં દિનદહાડે હત્યા નિપજાવનાર મુખ્ય સૂત્રધાર સહિતના બે શખ્સો ઝડપાયા

છ માસ અગાઉ ટોલનાકાની બોલાચાલી અને જમીનના પ્લોટના પૈસાની લેતી-દેતી મામલે યુવાનની ફાયરીંગ કરી હત્યા : ચાર શખ્સો અગાઉ ઝડપાયા : ઝડપાયેલા બે શખ્સો પાસેથી ત્રણ પિસ્તોલ અને મોબાઇલ કબજે કરતું આરઆર સેલ-એલસીબી

ખબર ગુજરાત

પ્રકાશિત

on

ધ્રોલ ગામમાં ત્રિકોણબાગ પાસે ગત માર્ચ માસમાં યુવાન ઉપર ફાયરીંગ કરી હત્યાના પ્રયાસમાં સંડોવાયેલા બે શખ્સોને આરઆર સેલ અને જામનગર એલસીબીએ ત્રણ પિસ્તોલ સાથે ઝડપી લઇ વધુ પૂછપરછ હાથ ધરી હતી.
બનાવ અંગેની વિગત મુજબ છ માસ પૂર્વે ધ્રોલ ગામમાં ત્રિકોણ બાગ પાસે દિવ્યરાજસિંહ ઉર્ફે દિવુભા જદુવિરસિંહ જાડેજા નામના યુવાન ઉપર જીજે-03 જેઆર-8218 નંબરની સ્વિફટ કારમાં આવેલા અનિરુધ્ધસિંહ સોઢા અને મુસ્તાક પઠાણ તથા બે અજાણ્યા સહિતના ચાર શખ્સોએ આડેધડ ફાયરીંગ કરી હત્યાનો પ્રયાસ કર્યો હતો. આ હુમલામાં દિવ્યરાજસિંહનું મોત નિપજતાં બનાવ હત્યામાં પલ્ટાયો હતો.

આ હત્યાના બનાવમાં પોલીસે અનિરુધ્ધસિંહ સોઢા, મુસ્તાક રફીક પઠાણ, અજીત વિરપાલસિંહ ઠાકુર અને અખિલેશ ઉર્ફે બબલુ શ્રીરામઉદાર ઠાકુર નામના ચાર શખ્સોની ધરપકડ કરવામાં આવી હતી. તેમજ આ ઘટનાનો મુખ્ય સૂત્રધાર ઓમદેવસિંહ ગણપતસિંહ જાડેજા અને નરેન્દ્રસિંહ ઉર્ફે કાનો કાળુભા જાડેજા નામના બે શખ્સો ફરાર હોય જેની શોધખોળ માટે પોલીસે ચક્રો ગતિમાન કર્યા હતાં.

દરમિયાન રાજકોટ રેન્જ ડીઆઇજી સંદીપસિંહના માર્ગદર્શન હેઠળ જિલ્લા પોલીસ વડા શ્ર્વેતા શ્રીમાળીની સૂચનાથી સાઇબર સેલ પીઆઇ આર.એ. દોડીયા, એલસીબી પીઆઇ એમ.જે. જલુ તેમજ એલસીબી અને આરઆર સેલના સ્ટાફની જુદી જુદી પાંચ ટીમો બનાવવામાં આવી હતી અને આ હત્યાના બે આરોપીને ઝડપી લેવા ચક્રો ગતિમાન કર્યા હતાં. દરમિયાન આ બંને શખ્સો જામનગરથી રાજકોટ થઇ ચોટીલા આવવાની મળેલી બાતમીના આધારે પોલીસે ચોટીલાથી જસદણ પરના માર્ગ પર વોચ ગોઠવી મુખ્ય સૂત્રધાર ઓમદેવસિંહ ગણપતસિંહ જાડેજા અને નરેન્દ્રસિંહ ઉર્ફે કાનો કાળુભા જાડેજા (રે. બંને હાડાટોડા) નામના બંને શખ્સોને આંતરીને તલાસી લેતાં તેના કબજામાંથી ત્રણ પિસ્તોલ અને મોબાઇલ ફોન મળી આવતાં કબજે કર્યા હતાં.

વધુમાં મળતી વિગત મુજબ મૃતક દિવ્યરાજસિંહ જદુવિરસિંહ જાડેજા અને અનિરુધ્ધસિંહ સોઢાને પડધરી ટોલનાકે વાહનોનો ટોલ ન ઉઘરાવવા બાબતે બોલાચાલી થઇ હતી અને તેમજ આ બંને વચ્ચે જમીનના પ્લોટના રૂા. 50 લાખની લેતી-દેતીના વિવાદમાં અનિરુધ્ધસિંહ સહિતનાઓએ દિવ્યરાજસિંહની હત્યા નિપજાવી હતી. જેમાં શૂટરો બોલાવી રેકી કરાવનાર ઓમદેવસિંહ જાડેજા અને મૃતકની ગતિવિધિઓ ઉપર વોચ રાખી રેકી કરનાર નરેન્દ્રસિંહ નામના બંને શખ્સોને આજે આરઆર સેલ અને એલસીબીએ ઝડપી લીધા હતાં તેમજ અગાઉ અનિરુધ્ધસિંહ ઉર્ફે અનોપસિંહ વિશુભા સોઢા (મુખ્ય આરોપી), મુસ્તાક રફીક પઠાણ (ફાયરીંગ કરનાર), અખિલેશ ઉર્ફે બબલુ શ્રીરામદાસ ઠાકુર (ફાયરીંગ કરનાર) અને અજીતસિંહ વિરપાલસિંગ ઠાકુર (હથિયાર સપ્લાય કરનાર) નામના ચાર શખ્સોને અગાઉ દબોચી લેવામાં આવ્યા હતાં. હજી આ ઘટનામાં ફાયરીંગ કરનાર ત્રીજો શખ્સ રોહિતસિંહ ઉર્ફે સોનુસિંગ રાપ્રસાદસિંગ ઠાકુર (ઉત્તરપ્રદેશ) ફરાર હોય જેની શોધખોળ માટે પોલીસે ચક્રો ગતિમાન કર્યા હતાં અને ઝડપાયેલા મુખ્ય સૂત્રધાર સહિતના બે શખ્સોની રિમાન્ડ મેળવવા અદાલતમાં રજૂ કરવા કાર્યવાહી હાથ ધરી હતી.

વધુ વાંચો
Advertisement

ટ્રેન્ડીંગ