કોરોના મહામારીનો સામનો કરતા કરતા આખરે તે દિવસ આવી ગયા છે. અમદાવાદમાં આજથી કોરોના રસીકરણનો પ્રારંભ થઈ ગયો છે. ત્યારે અસારવા સિવિલ હોસ્પિટલમાં રાજ્યના મુખ્યમંત્રીએ પ્રારંભ કરાવ્યો હતો. હાલ વેક્સિન લેવાના લઈને નર્સિંગ સ્ટાફ, ડોક્ટરોમાં ચિંતાનો માહોલ છે. આ ચિંતાને હળવી કરવા માટે સિવિલ હોસ્પિટલના બે તબીબે સૌપ્રથમ રસી લીધી હતી. અમદાવાદ સિવિલ હોસ્પિટલના જે.વી.મોદી અને ડો.એચ.પી.ભાલોડિયા નામના બે ડોક્ટર્સએ સૌ પ્રથમ કોરોનાની રસી લીધી હતી.

વેકસીનને લઈને રાજ્યમાં તૈયારીઓ પુરજોશમાં ચાલી રહી છે. ત્યારે અનેક તજજ્ઞોની ટીમે વેકસીન કોને લેવાય અને કોણ ના લઇ શકે? તેના માટે અમદાવાદ સિવિલના ડો. રાકેશ જોશીએ માર્ગદર્શન આપ્યું છે. તેમણે જણાવ્યું કે, ધાત્રીમાતાઓ અને ગંભીર દર્દીઓ કોરોના વેક્સિન નહિ લઈ શકે. 18 વર્ષથી નાના બાળકોને પણ વેક્સિન નહીં મળે. એટલું જ નહીં, ગંભીર ઓપરેશન કરેલા લોકોને પણ પ્રથમ ફેઝમાં વેક્સિનનો પ્રથમ ડોઝ નહિ મળે.

ડો. રાકેશ જોશીએ માર્ગદર્શનમાં જણાવ્યું કે, વેકસીનેશન સમયે થોડી તકલીફ થાય તો ગભરાવવા જેવું કંઈ જ નથી. તમામ સેન્ટરો પર તેના માટેની પૂરતી તૈયારીઓ પણ રાખવામાં આવી છે. કેન્દ્ર સરકારની ગાઈડલાઈનમાં આવતા લોકોને જ પ્રથમ દિવસે એટલે કે આજે વેકસીન અપાશે. વધુમાં વધુ લોકો વેકસીન લે તેવી તેમને લોકોને અમારી અપીલ છે. જે લોકોએ રજિસ્ટ્રેશન ના કરાવ્યું હોય તેઓ ઝડપી રીતે ઓનલાઈન રજિસ્ટ્રેશન કરાવી લે.

અમદાવાદ રહેતા યુવકે સાયબર ક્રાઇમમાં ફરિયાદ નોંધાવી હતી કે ગત તા.4 સપ્ટેમ્બરના રોજ તેના મિત્રના ફોનમાં ફોન આવ્યો હતો અને ફોન કરનારે પોતાની ઓળખ રાજકોટ ક્રાઇમબ્રાંચના પીએસઆઇ દિગ્વિજયસિંહ જાડેજા તરીકે આપી હતી અને ફોન કરનાર યુવકના મિત્રએ કોઇ છોકરીના બીભત્સ ફોટા પોતાના ફેસબુક આઇડીથી વાયરલ કર્યાનો આરોપ મુક્યો હતો અને તેને ધમકાવી યુવકને કોન્ફરન્સ કોલમાં લીધો હતો. પીએસઆઇ જાડેજાના નામે ફોન કરનારે યુવકને કહ્યું હતું કે, છોકરીના ફોટા વાયરલ કર્યા છે એ માટે ફેસબુક આઇડીની માહિતી વેરીફાય કરવી પડશે તેમ કહી યુવકના મોબાઇલમાં આવેલો ઓટીપી માગી લીધો હતો.

ઓટીપી મળતા જ પીએસઆઇ જાડેજા નામધારી શખ્સે યુવકનું તીનપત્તી ગેમનું એકાઉન્ટ ખોલી તેમાંથી 650 કરોડ ચીપ્સ ટ્રાન્સફર કરી લીધી હતી. આ અંગે યુવકે અમદાવાદ સાયબર ક્રાઈમ પોલીસ સ્ટેશનમાં ફરિયાદ નોંધાવતા પોલીસે તપાસ શરૂ કરતા આરોપીના મોબાઇલનું લોકેશન વડોદરા મળતા અમદાવાદ પોલીસની ટીમ વડોદરા દોડી ગઇ હતી અને વડોદરામાં ભાયલી વાસણા રોડ પર શ્રીમ ગેલેક્સી ટાવરમાં રહેતા ધાર્મિક રસિક પાબારી (ઉ.વ.23)ને ઝડપી લીધો હતો.

પોલીસે યુવકને જે નંબર પરથી ફોન કર્યો હતો તે પણ આરોપી પાસેથી કબ્જે કર્યો હતો. પોલીસ સૂત્રોએ જણાવ્યું હતું કે, જામનગરના પટેલ કોલોનીનો વતની ધાર્મિક પાબારીએ ધોરણ 10 સુધી અભ્યાસ કર્યો છે તીનપત્તી ગેમ પરથી વધુ ચીપ્સ ધરાવનારની માહિતી મેળવી બાદમાં તેની ફેસબુક પ્રોફાઇલ ચેક કરતો હતો અને તેનો કોન્ટેક કરી આઇડીનો એક્સેસ મેળવી તીનપત્તીના એકાઉન્ટમાંથી ચીપ્સ ટ્રાન્સફર કરી ગેઇમની ચીપ્સ વેચી દેતો હતો. દોઢવર્ષથી પોતે આવી છેતરપિંડી કરતો હોવાની પણ કેફિયત આપી હતી.

સુરતના લિંબાયત વિધાનસભાના ધારાસભ્ય સંગીતા પાટીલ ફરી એક વખત વિવાદમાં સપડાયા છે. ધારાસભ્ય સંગીતા પાટીલનો એક વીડિયો સોશિયલ મીડિયામાં વાઈરલ થયો છે. જેમાં તેમણે વિવાદિત નિવેદન આપ્યું છે. ભાજપના એક સંમેલનમાં તેમણે કાર્યકરોને જણાવ્યું કે, રાત્રી કર્ફ્યૂ સમયે પોલીસ પકડે તો પેજ પ્રમુખનું કાર્ડ બતાવો. આમ છતાં પોલીસ છોડે નહીં, તો મને ફોન કરો. આ વીડિયો ત્રણ દિવસ જૂનો હોવાનું અનુમાન છે.

વાઈરલ થયેલા વીડિયોમાં લિંબાયતના ધારાસભ્ય સંગીતા પાટીલ ભાજપના પેજ પ્રમુખોને રાત્રીના સમયે ફરવાની છૂટ આપી રહ્યા છે. જેથી તેમની ટીકાઓ થઇ રહી છે. જાણે કોરોનાના નિયમો માત્ર જનતા માટે બનાવવામાં આવ્યા હોય, તેવી રીતે ધારાસભ્ય કહે છે કે, રાત્રી કર્ફ્યૂ સમયે પોલીસ પકડે તો પેજ પ્રમુખનું કાર્ડ બતાવો. વધુમાં તેમણે જણાવ્યું કે, પોલીસ છોડી નહીં તો મને ફોન કરો.