Connect with us

શહેર

જામનગરમાં વકરી રહેલા કોરોના સંક્રમણ વચ્ચે જામ્યુકોનું તંત્ર દિશા વિહીન

સંક્રમીતોની યાદીમાં એક ને એક નામ રીપીટ થાય છે : મોતના આંકડાને લઇને પણ અસમંજસની સ્થિતિ : જામ્યુકોના તંત્રની કામગીરીની સમીક્ષા પણ જરૂરી

ખબર ગુજરાત

પ્રકાશિત

on

રાજયના મુખ્યમંત્રી, નાયબ મુખ્યમંત્રી, આરોગ્ય સચિવ સહિતના અધિકારીઓ આજે જામનગરમાં  કોરોનાના વધતા સંક્રમણને  લઇને સમિક્ષા કરવા માટે આવી રહ્યા છે. ત્યારે શહેરમાં કોરોના સંક્રમણને કાબુમાં લેવામાં જામ્યુકોનું આરોગ્ય તંત્ર દિશા વિહીન બન્યું હોય તેવું જણાય રહ્યું છે. શહેરમાં કોરોના સંક્રમીતોની સંખ્યા, કોરોનાને કારણે થયેલા મોતની સંખ્યા, કોરોના સંક્રમણના એનાલીસીસ વગેરે બાબતોને લઇને જામ્યુકોના આરોગ્ય તંત્ર દ્વારા જાહેર કરતા આંકડાઓમાં ભારે વિરોધાભાસ પ્રર્વતી રહ્યો છે.

જામનગરમાં કોરોના સંક્રમણને નાથવામાં જામ્યુકોનું આરોગ્ય તંત્ર બરાબરનું ગોટે ચઢયું છે. તંત્ર દ્વારા જાહેર કરવામાં આવતાં કોરોના પોઝીટીવ દર્દીઓના લિસ્ટમાં પણ ગોટાળા જોવા મળી રહ્યા છે. એક ને એક દર્દીઓના નામ રીપીટ કરવામાં આવી રહ્યા છે. જયારે કોરોના સબંધિત કામગીરીના સમરી રીપોર્ટમાં પણ ભારે અનિયમિતતા પ્રવર્તી રહી છે. ગઇકાલ શુક્રવારની કોરોના સમરી આજે શનિવારે બપોરે એક વાગ્યા સુધી જાહેર કરવામાં આવી નથી.  જયારે હોસ્પિટલમાં કોરોનાને કારણે થતાં મોત અંગે પણ કોઇ જ સ્પષ્ટતા કરવામાં આવતી નથી. કોરોનાને કારણે થતાં મોતને લઇને શહેરના મીડિયામાં દરરોજ જુદાં-જુદાં આંકડાઓ આવી રહ્યા છે. જેને કારણે લોકોમાં અસમંજસની સ્થિતિ પ્રવર્તી રહી છે.  આરોગ્ય તંત્ર માં સંકલનનો સંદતર અભાવ હોય તેવી સ્થિતિ નિર્માણ પામી રહી છે.

શહેરમાં કોરોના સંક્રમણની સ્થિતિ ચિંતા જનક હોવા છતાં જામ્યુકોના આરોગ્ય અધિકારી નિષ્કીય જણાય રહ્યા છે. એક માત્ર જિલ્લા કલેકટર દ્વારા સમયાતરે લોકોને શહેરની સ્થિતિની જાણકારી આપી કોરોનાથી સાવધ રહેવા માટેની અપીલ કરવામાં આવી રહી છે. અને જામ્યુકોના તંત્રની નિષ્ફળતાને ઢાકવાનો પ્રયાસ કરવામાં આવી રહ્યો છે. આજે મુખ્યમંત્રી શહેરની સ્થિતિની સમીક્ષા કરી જ રહ્યા છે. ત્યારે જામ્યુકોના આરોગ્ય તંત્રની કારગીરીની સમીક્ષા થવી પણ ખુબ જ જરૂરી બની છે.

શહેર

ભારતીય જનતા પાર્ટી જામનગર મહાનગર દ્વારા ઈ-બુકનું લોન્ચિંગ

ખબર ગુજરાત

પ્રકાશિત

on

વિશ્વ મહામારી કોરોના લોકડાઉન દરમિયાન પક્ષના પ્રત્યેક કાર્યકર્તા, પ્રત્યેક ચૂંટાયેલ સભ્યો, નેતા, શહેર સંગઠનના હોદેદારો, વિવિધ મોરચાના પદાધિકારીઓએ પ્રજાહિત અર્થે અનેકવિધ કામગીરી કરી, આ તમામ કામગીરીની આંકડાકીય માહિતી, લાભાર્થીઓના મંતવ્યો સહીતના અહેવાલને ડિજિટલ ઈ-બુકના સ્વરૂપે રજુ કરી શહેર ભાજપ કાર્યાલયે લોન્ચ કરવામાં આવેલ હતી. આ તબક્કે શહેર અધ્યક્ષ હસમુખ હિંડોચા, મહામંત્રી ધર્મરાજસિંહ જાડેજા, ડો. વિમલ કગથરા, કૃષિમંત્રી આર.સી.ફળદુ, રાજ્યમંત્રી ધમેન્દ્રસિંહ જાડેજા (હકુભા), સાંસદ પૂનમબેન માડમ, મેયર હસમુખ જેઠવા, ડે મેયર કરશન કરમુર, સ્ટે.કમિટી ચેરમેન સુભાષ જોશી, પૂર્વપ્રમુખ હિતેનભાઈ ભટ્ટ, મુકેશ દશાણી, ધીરુભાઈ કનખરા ઉપાધ્યક્ષ ખુમાનસિંહ સરવૈયા, ગોપાલભાઈ સોરઠીયા, એસ.એમ.આઈ.ટી. વિભાગના પારસ ઘેલાણી, અશ્વિનભાઈ કોઠારી સહીત વોર્ડ પ્રમુખો તથા કાર્યકર્તાઓ વેબમિટિંગ થકી કાર્યક્રમમાં ઉપસ્થિત રહ્યા હતા. આ તબક્કે ગુજરાત પ્રદેશ ઉપાધ્યક્ષ ગોરધનભાઇ ઝડફીયા દ્વારા ઉદબોધન કરવામાં આવેલ. ભાજપ મીડિયા વિભાગના આશિષભાઈ કંટારીયા તથા ભાર્ગવ ઠાકરની યાદીમાં જણાવવામાં આવ્યું છે.

વધુ વાંચો

શહેર

ધ્રોલમાં દિનદહાડે હત્યા નિપજાવનાર મુખ્ય સૂત્રધાર સહિતના બે શખ્સો ઝડપાયા

છ માસ અગાઉ ટોલનાકાની બોલાચાલી અને જમીનના પ્લોટના પૈસાની લેતી-દેતી મામલે યુવાનની ફાયરીંગ કરી હત્યા : ચાર શખ્સો અગાઉ ઝડપાયા : ઝડપાયેલા બે શખ્સો પાસેથી ત્રણ પિસ્તોલ અને મોબાઇલ કબજે કરતું આરઆર સેલ-એલસીબી

ખબર ગુજરાત

પ્રકાશિત

on

ધ્રોલ ગામમાં ત્રિકોણબાગ પાસે ગત માર્ચ માસમાં યુવાન ઉપર ફાયરીંગ કરી હત્યાના પ્રયાસમાં સંડોવાયેલા બે શખ્સોને આરઆર સેલ અને જામનગર એલસીબીએ ત્રણ પિસ્તોલ સાથે ઝડપી લઇ વધુ પૂછપરછ હાથ ધરી હતી.
બનાવ અંગેની વિગત મુજબ છ માસ પૂર્વે ધ્રોલ ગામમાં ત્રિકોણ બાગ પાસે દિવ્યરાજસિંહ ઉર્ફે દિવુભા જદુવિરસિંહ જાડેજા નામના યુવાન ઉપર જીજે-03 જેઆર-8218 નંબરની સ્વિફટ કારમાં આવેલા અનિરુધ્ધસિંહ સોઢા અને મુસ્તાક પઠાણ તથા બે અજાણ્યા સહિતના ચાર શખ્સોએ આડેધડ ફાયરીંગ કરી હત્યાનો પ્રયાસ કર્યો હતો. આ હુમલામાં દિવ્યરાજસિંહનું મોત નિપજતાં બનાવ હત્યામાં પલ્ટાયો હતો.

આ હત્યાના બનાવમાં પોલીસે અનિરુધ્ધસિંહ સોઢા, મુસ્તાક રફીક પઠાણ, અજીત વિરપાલસિંહ ઠાકુર અને અખિલેશ ઉર્ફે બબલુ શ્રીરામઉદાર ઠાકુર નામના ચાર શખ્સોની ધરપકડ કરવામાં આવી હતી. તેમજ આ ઘટનાનો મુખ્ય સૂત્રધાર ઓમદેવસિંહ ગણપતસિંહ જાડેજા અને નરેન્દ્રસિંહ ઉર્ફે કાનો કાળુભા જાડેજા નામના બે શખ્સો ફરાર હોય જેની શોધખોળ માટે પોલીસે ચક્રો ગતિમાન કર્યા હતાં.

દરમિયાન રાજકોટ રેન્જ ડીઆઇજી સંદીપસિંહના માર્ગદર્શન હેઠળ જિલ્લા પોલીસ વડા શ્ર્વેતા શ્રીમાળીની સૂચનાથી સાઇબર સેલ પીઆઇ આર.એ. દોડીયા, એલસીબી પીઆઇ એમ.જે. જલુ તેમજ એલસીબી અને આરઆર સેલના સ્ટાફની જુદી જુદી પાંચ ટીમો બનાવવામાં આવી હતી અને આ હત્યાના બે આરોપીને ઝડપી લેવા ચક્રો ગતિમાન કર્યા હતાં. દરમિયાન આ બંને શખ્સો જામનગરથી રાજકોટ થઇ ચોટીલા આવવાની મળેલી બાતમીના આધારે પોલીસે ચોટીલાથી જસદણ પરના માર્ગ પર વોચ ગોઠવી મુખ્ય સૂત્રધાર ઓમદેવસિંહ ગણપતસિંહ જાડેજા અને નરેન્દ્રસિંહ ઉર્ફે કાનો કાળુભા જાડેજા (રે. બંને હાડાટોડા) નામના બંને શખ્સોને આંતરીને તલાસી લેતાં તેના કબજામાંથી ત્રણ પિસ્તોલ અને મોબાઇલ ફોન મળી આવતાં કબજે કર્યા હતાં.

વધુમાં મળતી વિગત મુજબ મૃતક દિવ્યરાજસિંહ જદુવિરસિંહ જાડેજા અને અનિરુધ્ધસિંહ સોઢાને પડધરી ટોલનાકે વાહનોનો ટોલ ન ઉઘરાવવા બાબતે બોલાચાલી થઇ હતી અને તેમજ આ બંને વચ્ચે જમીનના પ્લોટના રૂા. 50 લાખની લેતી-દેતીના વિવાદમાં અનિરુધ્ધસિંહ સહિતનાઓએ દિવ્યરાજસિંહની હત્યા નિપજાવી હતી. જેમાં શૂટરો બોલાવી રેકી કરાવનાર ઓમદેવસિંહ જાડેજા અને મૃતકની ગતિવિધિઓ ઉપર વોચ રાખી રેકી કરનાર નરેન્દ્રસિંહ નામના બંને શખ્સોને આજે આરઆર સેલ અને એલસીબીએ ઝડપી લીધા હતાં તેમજ અગાઉ અનિરુધ્ધસિંહ ઉર્ફે અનોપસિંહ વિશુભા સોઢા (મુખ્ય આરોપી), મુસ્તાક રફીક પઠાણ (ફાયરીંગ કરનાર), અખિલેશ ઉર્ફે બબલુ શ્રીરામદાસ ઠાકુર (ફાયરીંગ કરનાર) અને અજીતસિંહ વિરપાલસિંગ ઠાકુર (હથિયાર સપ્લાય કરનાર) નામના ચાર શખ્સોને અગાઉ દબોચી લેવામાં આવ્યા હતાં. હજી આ ઘટનામાં ફાયરીંગ કરનાર ત્રીજો શખ્સ રોહિતસિંહ ઉર્ફે સોનુસિંગ રાપ્રસાદસિંગ ઠાકુર (ઉત્તરપ્રદેશ) ફરાર હોય જેની શોધખોળ માટે પોલીસે ચક્રો ગતિમાન કર્યા હતાં અને ઝડપાયેલા મુખ્ય સૂત્રધાર સહિતના બે શખ્સોની રિમાન્ડ મેળવવા અદાલતમાં રજૂ કરવા કાર્યવાહી હાથ ધરી હતી.

વધુ વાંચો

શહેર

મંજૂર થયેલા સ્મશાનના ત્વરીત નિર્માણ માટે આવેદન

મંજૂર થયેલા સ્મશાનના ત્વરીત નિર્માણ માટે આવેદન

ખબર ગુજરાત

પ્રકાશિત

on

જામનગરમાં લાલપુર બાયપાસ પાસે મંજૂર થયેલા સ્મશાનના તુંરત નિર્માણ માટે ગઇકાલ થી ત્રણ દિવસના ધરણાં ઉપવાસ પર બેસેલા વોર્ડ નં.15ના કોર્પોરેટર દેવશી આહિરના આંદોલનનાં સમર્થનમાં વિપક્ષના નેતા અલ્તાફ ખફી, ધારાસભ્ય વિક્રમ માડમ, શહેર ક્રોંગ્રેસના કાર્યકારી પ્રમુખ દિગુભા જાડેજા, કોર્પોરેટર જેનબ ખફી તેમજ અન્ય કોર્પોરેટરો જોડાયા હતા. તેમજ આ મુદ્ે ડી.એમ.સીને આવેદન પાઠવી તાકીદે સ્મશાન નિર્માણની કાર્યવાહી કરવામાં નહી આવે તો આગામી દિવસોમાં વધુ જલદ આંદોલન કરવાની ચેતવણી આપવામાં આવી છે.

વધુ વાંચો
Advertisement

ટ્રેન્ડીંગ