Connect with us

રાષ્ટ્રીય

આવતીકાલથી બદલાઇ રહેલા આ નિયમો જાણવા જરૂરી છે…

ખબર ગુજરાત

પ્રકાશિત

on

1 ઓકટોબરથી કેટલાંક નિયમોમાં ફેરફાર થઇ રહ્યા છે. આ નિયમો આપના રોજબરોજના જીવન સાથે સંકળાયેલા છે. ત્યારે આ નિયમો અંગેની જાણકારી રાખવી જરૂરી છે. આવતીકાલથી થઇ રહેલા કેટલાક મુખ્ય ફેરફારો નીચે મુજબ છે.

  • વાહન ચલાવતી વખતે હવે લાઇસન્સ અને રજિસ્ટ્રેશન ડોક્યુમેન્ટ્સ સાથે રાખવાની જરૂર નહીં પડે. તેમની સોફ્ટ કોપી પણ માન્ય ગણાશે. મોટર વાહન અધિનિયમ, 1989માં સુધારા અંતર્ગત વાહનના ડોક્યુમેન્ટ્સની આઇટી પોર્ટલ દ્વારા જાળવણી થશે.
  • વાહન ચલાવતી વખતે રૂટ નેવિગેશન માટે મોબાઇલ ફોનનો ઉપયોગ કરી શકાશે. ડ્રાઇવરનું ધ્યાન ભંગ ન થવું જોઈએ. મોબાઇલ પર વાત કરવા બદલ 5 હજાર રૂ. સુધીનો દંડ થઈ શકશે.
  • બજારમાં વેચાતી ખુલ્લી મીઠાઇ માટે વેપારીએ એના ઉપયોગ માટેની એક્સપાયરી ડેટ દર્શાવવી પડશે. ખાદ્ય નિયામક એફએસએસએઆઇએ એ ફરજિયાત કરી દીધું છે.
  • વીમા નિયંત્રક ઇરડાના નવા નિયમો મુજબ પોલિસીધારકે સતત 8 વર્ષ પ્રીમિયમ ચૂકવ્યું હોય તો કંપનીઓ ક્લેમ રિજેક્ટ નહીં કરી શકે. વધુ બીમારીઓ પણ કવર થશે. જોકે એને કારણે પ્રીમિયમ વધી શકે છે.
  • વિદેશમાં સંતાનોને કે સંબંધીઓને નાણાં મોકલો કે પ્રોપર્ટી ખરીદો તો જે-તે રકમ પર 5 ટકા ટીસીએસ ચૂકવવો પડશે. ફાઇનાન્સ એક્ટ, 2020 મુજબ લિબરલાઇઝ્ડ રિમિટન્સ સ્કીમ હેઠળ વાર્ષિક 2.5 લાખ ડોલર સુધીની રકમ વિદેશ મોકલી શકાય છે. એને ટીસીએસના દાયરામાં લવાઈ છે.
  •  હવે સરસવનું તેલ (સરસિયું) શુદ્ધ મળશે. એફએસએસએઆઇએ એમાં બીજાં તેલ મિલાવવા પર રોક લગાવી દીધી છે. અત્યારસુધી એમાં રાઇસ બ્રાન ઓઇલ કે સસ્તાં તેલ મિલાવાતાં હતાં.
  • કેન્દ્ર સરકારે કલર ટીવીના એસેમ્બલિંગમાં વપરાતા ઓપન સેલ કમ્પોનન્ટની આયાત પર 5 ટકા કસ્ટમ ડ્યૂટી બહાલ કરી દીધી છે. તેના પર સરકારે એક વર્ષની છૂટ આપી હતી.
  • ઓનલાઇન મીટિંગ માટે ગૂગલ મીટનો ઉપયોગ મર્યાદિત થશે. ફ્રી યુઝર મહત્તમ 60 મિનિટ મીટિંગ કરી શકશે. પેઇડ યુઝર્સ એનાથી લાંબી મીટિંગ કરી શકશે.
  • એલપીજી (રાંધણગેસ) કનેક્શન વિનામૂલ્યે મેળવવાની પ્રક્રિયા 30 સપ્ટેમ્બરે પૂરી થઈ રહી છે. કોરોનાને કારણે આ તારીખ લંબાવાઈ હતી.

રાષ્ટ્રીય

4 સિવાયની તમામ બેન્કોમાંથી સરકાર ખસી જશે : નવો નિર્ણય

ખબર ગુજરાત

પ્રકાશિત

on

દેશમાં રાષ્ટ્રિયકૃત્ત બેન્કોનું ખાનગીકરણ ઝડપથી આગળ વધશે. ખાનગીકરણ કરવા માટેની પ્રક્રિયામાં જયાં-જયાં અવરોધ દેખાઇ રહયા છે તે અવરોધોને દૂર કરવા સરકાર ઝડપથી કામગીરી કરી રહી છે. આ માટે જરૂર પડયે રિઝર્વ બેન્કના નિયમોમાં પણ ફેરફાર કરવામાં આવે તેવી શકયતા છે. સૂત્રોના જણાવ્યા પ્રમાણે સરકાર વધુમાં વધુ 4 રાષ્ટ્રિયકૃત્ત બેન્કો પર પોતાનો અંકુશ રાખશે. બાકીની તમામ બેન્કોનું વિલિનીકરણ અને બાદમાં ખાનગીકરણ હાથ ધરવામાં આવશે. એવું અત્યારે જણાઇ રહ્યું છે.

રાષ્ટ્રિયકૃત્ત બેન્કોને ખાનગી હાથોમાં સોંપવા માટે જયારે બોલીઓ આમંત્રિત કરવામાં આવશે તે પહેલાં આ પ્રક્રિયામાંથી સરકાર ખસી જશે એવું જાણવા મળે છે. ખાનગીકરણને આકર્ષક બનાવવા માટે બોલીઓ નિમંત્રિત કરવાની બાબતમાં કેન્દ્ર સરકાર બેન્કોના કામકાજમાં દખલ નહીં કરે એવી યોજના વિચારવામાં આવી રહી છે. આ માટે રિઝર્વ બેન્કના નિયમોમાં ફેરફાર કરવામાં આવશે. બેન્કોના કામકાજમાં સરકાર માથુ નહીં મારે અને બેન્કોના વ્યવહારમાંથી પણ સરકાર ખસી જશે. બાદમાં માત્ર બેન્કો અને ગ્રાહકો વચ્ચે વ્યવહાર રહેશે.

હાલમાં પ્રધાનમંત્રી કાર્યાલય, નાણાંમંત્રાલય અને રિઝર્વ બેન્ક વચ્ચે આ પ્રકારનો વિચાર વિનિમય ચાલી રહ્યો હોવાનું જણાવીને સૂત્રોએ ઉમેર્યું છે કે, કંઇ બેન્કમાં સરકારની વધુમાં વધુ કેટલી ભાગીદારી રાખવી ? તે મુદે ચર્ચાઓ ચાલી રહી છે. આ મુદે દેશના ચોકકસ અર્થશાસ્ત્રીઓ સાથે પણ સરકાર વાટાઘાટો કરી રહી છે. આગામી દિવસોમાં ઓછામાં ઓછી છ અથવા તેથી વધુ બેન્કોનું ખાનગીકરણ કરવા માટેની પ્રક્રિયા આગળ વધારવામાં આવી રહી છે. આ અગાઉ નીતિ આયોગે સરકારને એવી ભલામણ કરી હતી કે, સરકારે વધુમાં વધુ 4 બેન્કો પર અંકુશ રાખવો જોઇએ.

હાલમાં જે અહેવાલો મળી રહયા છે તે મુજબ, એસબીઆઇ-પંજાબ નેશનલ બેન્ક-બેન્ક ઓફ બરોડા અને કેનેરા બેન્કને બાદ કરતાં બાકીની બેન્કોમાંથી સરકાર ખસી જશે અને આ તમામ બેન્કોનું સંપૂર્ણ ખાનગીકરણ થશે. નીતિ આયોગે પંજાબ એન્ડ સિંધ બેન્ક, બેન્ક ઓફ મહારાષ્ટ્ર અને યુકો બેન્કનું અગ્રતાના ધોરણે ખાનગીકરણ કરવા માટે ભલામણ કરી છે.

વધુ વાંચો

રાષ્ટ્રીય

ઉત્તરપ્રદેશના બલિયાકાંડ સંદર્ભે ભાજપાના રાષ્ટ્રિય અધ્યક્ષનું આકરૂં વલણ

ખબર ગુજરાત

પ્રકાશિત

on

ઉત્તરપ્રદેશમાં હાથરસકાંડ સર્જાયા પછી બલિયાકાંડ સર્જાયો છે. બલિયાકાંડના આરોપીને 14 દિવસની જયુડિશયલ કસ્ટડીમાં મોકલી આપવામાં આવ્યો છે. આરોપી ધીરેન્દ્ર પ્રતાપસિંઘને સમર્થન આપવાના મામલે ભાજપાના રાષ્ટ્રિય અધ્યક્ષે આકરૂં  વલણ અખત્યાર કર્યુ છે. આ મામલામાં ભાજપાના ધારાસભ્ય સુરેન્દ્રસિંઘ દ્વારા હત્યાના આરોપી ધીરેન્દ્ર પ્રતાપસિંઘને સમર્થન આપવામાં આવ્યું હતું.

ગત સપ્તાહમાં બલિયા નજીકના એક ગામમાં કલેકટર અને પોલીસના ઉચ્ચ અધિકારીઓની હાજરીમાં ધીરેન્દ્રસિંઘ નામના આરોપીએ ગોળીબાર કરી 46 વર્ષની એક વ્યકિતની હત્યા નિપજાવી હતી અને બાદમાં આરોપી ઘટનાસ્થળેથી નાસી છૂટવામાં સફળ પણ રહ્યો હતો. આ આરોપી પોતે 2011થી ભાજપાના સક્રિય કાર્યકર છે એવો દાવો તેણે ફેસબુક પર કર્યો હતો. આ વિસ્તારના ધારાસભ્ય સુરેન્દ્રસિંઘે આરોપીનો બચાવ કર્યો હતો. દરમ્યાન ધારાસભ્ય અને આરોપીના એક સાથે ફોટોગ્રાફસ સોશિયલ મીડિયામાં વાયરલ થયા હતા.

ત્યારપછી ભાજપાના રાષ્ટ્રિય અધ્યક્ષ જે.પી. નડ્ડાએ ઉત્તરપ્રદેશના ભાજપના અધ્યક્ષ સ્વતંત્રદેવ સિંઘને બલિયાના ધારાસભ્યના વર્તન અંગે ખાસ ફોન કર્યો હતો અને જણાવ્યું હતું કે, આ ધારાસભ્યોનો શોકોઝ નોટિસથી ખુલાસો માંગો અત્રે નોંધનિય છે કે, હત્યારો નાસી ગયા પછી આ ધારાસભ્યએ આરોપીના બચાવમાં નિવેદન કર્યુ હતું. ધારાસભ્યએ પોલીસની ટુકડી સાથે જઇને આરોપીના પરિવારની મુલાકાત પણ લીધી હતી. ત્યારબાદ આ સમગ્ર પ્રકરણ દેશભરના રાજકારણમાં તથા સોશિયલ મીડિયામાં ખૂબજ ગાજયું હતું. ત્યારપછી ભાજપાના રાષ્ટ્રિય અધ્યક્ષ દ્વારા આ આકરી પ્રતિક્રિયા જોવા મળી છે.

વધુ વાંચો

રાષ્ટ્રીય

રાહત : દેશમાં કોરોનાની ચરમસીમા પસાર થઇ ગઇ

જો કે ઠંડીમાં બીજી લહેર આવવાની સંભાવના બરકરાર

ખબર ગુજરાત

પ્રકાશિત

on

દેશમાં કોરોનાની પીક આવીને જતી રહી છે. સરકારે રવિવારે તેની સત્તાવાર રીતે જાહેરાત કરી દીધી છે. સાથે જ ઠંડીમાં વધુ સતર્કતા રાખવાનું સૂચન કર્યું છે. 17 સપ્ટેમ્બરે દેશમાં સૌથી વધુ એક્ટિવ કેસ 10.17 લાખ હતા, ત્યારપછી તેમાં સતત ઘટાડો નોંધાઈ રહ્યો છે અને તે 7.83 લાખ સુધી પહોંચી ચુક્યા છે.

નીતિ પંચના સભ્ય વીકે પોલે કહ્યું કે, છેલ્લા ત્રણ સપ્તાહમાં દેશના મોટાભાગના રાજ્યોમાં કોરોનાના કેસ અને મહામારીથી થતા મોતમા ઘટાડો નોંધાયો છે, પણ ઠંડીમાં કોરોનાની બીજી લહેર આવવાની પણ સંભાવનાઓ છે. પોલ દેશમાં મહામારી સામે પહોંચી વળવા માટે બનાવવામાં આવેલી કમિટિના ચીફ છે.

પોલે કહ્યું કે, મોટાભાગના રાજ્યોમાં મહામારી સ્થિર થઈ છે, પણ પાંચ રાજ્યો(રાજસ્થાન, છત્તીસગઢ,કેરળ, કર્ણાટક અને પશ્વિમ બંગાળ)અને તેની સાથે જ 3-4 કેન્દ્રશાશત પ્રદેશમાં પણ હાલ કેસ વધી રહ્યાં છે.પોલે એવું પણ કહ્યું કે, ભારત હાલ પણ દુનિયાના અન્ય દેશોની તુલનામાં ઘણી સારી સ્થિતિમાં છે, પણ દેશને હજુ ઘણો લાંબો રસ્તો પાર કરવાનો છે, કારણ કે 90% લોકો હાલ પણ કોરોના વાઈરસના સંક્રમણ માટે સંવેદનશીલ છે.

વધુ વાંચો
Advertisement

ટ્રેન્ડીંગ