Tuesday, March 2, 2021
Tuesday, March 2, 2021
Home રાજ્ય ગુજરાત ગુજરાતના કયા જિલ્લામાં 18 કરોડની ડાંગર અને 3 કરોડની બાજરીની ખરીદી થઇ?

ગુજરાતના કયા જિલ્લામાં 18 કરોડની ડાંગર અને 3 કરોડની બાજરીની ખરીદી થઇ?

આણંદ જિલ્લામાં 16 ઓક્ટોબર 2020થી ટેકાના ભાવે ડાંગર અને બાજરીની ખરીદી શરૂ કરવામાં આવી છે. ડાંગરની ખરીદી કુલ 7 કેન્દ્રો આણંદ ઉમરેઠ, બોરસદ, આંકલાવ, પેટલાદ, ખંભાત અને તારાપુર થાય તથા બાજરી ખરીદી કુલ પાંચ કેન્દ્ર આણંદ, બોરસદ, પેટલાદ, ખંભાત અને તારાપુર ખાતે થાય છે. અત્યાર સુધી કુલ 2893 ખેડૂતો પાસેથી 10471 મેટ્રિક ટન ડાંગર તથા 640 ખેડૂતો પાસેથી 1432 મેટ્રિક ટન બાજરીની ટેકાના ભાવે ખરીદી કરવામાં આવેલ છે. ડાંગરની ખરીદીમાં રૂા. 18.11 કરોડનું તથા બાજરીની ખરીદીમાં રૂા. 2.94 કરોડનું ચૂકવણું કરવામાં આવ્યું છે.
ડાંગર માટે પ્રતિ મેટ્રિક ટન રૂ.1868 તથા બાજરી માટે પ્રતિ મેટ્રિક રૂ. 2150 ભાવ નક્કી થયેલ છે. ડાંગર માટે હેકટર દીઠ 2380 કિ.ગ્રા. તથા બાજરી માટે 1781 કિ.ગ્રા. પ્રતિ હેક્ટર ની મર્યાદામાં ખેડૂતો પાસે જથ્થો ખરીદી કરવાનું નક્કી થયેલ છે જે અંતર્ગત ખેડૂતો દ્વારા ઓનલાઇન રજિસ્ટ્રેશન કરવામાં આવેલ છે રજીસ્ટ્રેશન થયેલ ખેડૂતોને મેસેજથી જાણ કરી ક્રમ અનુસાર ખરીદી કરવામાં આવે છે આણંદ જિલ્લામાં ડાંગરની ખરીદી માટે કુલ 4183 ખેડૂતોએ રજીસ્ટ્રેશન કરાવેલ છે તથા બાજરીની ખરીદી માટે 905 ખેડૂતોએ રજીસ્ટ્રેશન કરાવેલ છે.
આ અંગે વધુ વિગતો આપતા જિલ્લા મેનેજર (ગ્રેડ-1) ગુજરાત રાજ્ય નાગરિક પુરવઠા નિગમ અને જિલ્લા પુરવઠા અધિકારી ગોપાલ બામણીયા એ જણાવ્યું હતું કે સરકાર દ્વારા નક્કીથયા મુજબ આણંદ જિલ્લાના કેન્દ્રો પરથી ખેડૂતો પાસેથી ટેકાના ભાવે ડાંગર અને બાજરીની ખરીદીની પ્રક્રિયા ચાલી રહી છે તથા ખેડૂતોને ડિજિટલ પેમેન્ટ ના માધ્યમથી તેઓના બેંક ખાતામાં સીધું જ પેમેન્ટ કરવા આવે છે જે અંતર્ગત ડાંગરની ખરીદીમાં રૂા. 18.11 કરોડનું તથા બાજરીની ખરીદીમાં રૂા. 2.94 કરોડ મળી કુલ રૂા. 21 કરોડનું ચુકવણું ખેડૂતોના ખાતામાં ડિજિટલ પેમેન્ટના માધ્યમથી કરવામાં આવ્યું છે.
અત્રે ઉલ્લેખનીય છે કે સરકાર દ્વારા પોષણ ક્ષમ ભાવો નક્કી થતાં ચાલુ વર્ષે કોરોના કાળ માં ખેડૂતો દ્વારા ખૂબ મોટા પ્રમાણમાં ડાંગર અને બાજરીનું સરકારી કેન્દ્ર પર વેચાણ કરવામાં આવેલ છેવર્ષ 2019-20માં 1371 મેટ્રીક ટન ડાંગરની ખરીદી થઇ હતી જેની સામે ચાલુ વર્ષે અત્યાર સુધી 10471 મેટ્રીક ટન ડાંગરની ખરીદી થઇ ચુકી છે. જે ગત વર્ષની સરખામણીમાં આઠ ગણી વધુ છે. સરકાર દ્વારા ટેકાના ભાવે ડાંગરની ખરીદીની મુદત તા.31-12-2020 સુધી હતી જે ખેડૂતોની સંખ્યા અને ખરીદીને ધ્યાનમાં રાખી તા.31-01-2021 સુધી લંબાવવામાં આવેલ છે.

Most Popular