Tuesday, March 2, 2021
Tuesday, March 2, 2021
Home રાષ્ટ્રીય મહેસૂલ કર્મચારી સંગઠનના પૂર્વ પ્રમુખની બિનહસાબી સંપતિ કેટલી?!

મહેસૂલ કર્મચારી સંગઠનના પૂર્વ પ્રમુખની બિનહસાબી સંપતિ કેટલી?!

ગુજરાત ACB દ્વારા એક બાદ એક મોટી કાર્યવાહીઓ કરવામાં આવી રહી છે. મામલતદાર સામે 25 લાખની લાંચનો કેસ, આણંદના ASI સામે 50 લાખની લાંચનો કેસ બાદ હવે ગુજરાતના ઇતિહાસનો સૌથી મોટો કેસ ACB એ કર્યો છે. ગાંધીનગરના નિવૃત્ત નાયબ મામલતદાર સામે ACB એ 30 કરોડની આવક કરતા વધારે સંપત્તિનો કેસ કર્યો છે.
ગુજરાત ACB ના ઈતિહાસનો સૌથી મોટો કેસ સામે આવ્યો છે. ગાંધીનગરના નિવૃત્ત નાયબ મામલતદાર વિરમ દેસાઈ સામે આવક કરતા વધુ સંપત્તિની ફરિયાદ થઇ હતી. જેમા લાંચ રૂ્શ્વત વિરોધી શાખાએ તપાસ હાથ ધરી હતી, જેમા નિવૃત્ત નાયબ મામલતદાર વિરમ દેસાઈ પાસેથી રૂ.30 કરોડથી વધુની સંપત્તિ મળી આવતા આખા ગુજરાતમાં ખળભળાટ મચી જવા પામ્યો છે.
ગાંધીનગરના નિવૃત્ત નાયબ મામલતદાર વિરમ દેસાઈ પાસેથી એ.સી.બીને 4 કરોડ રૂપિયાનું ટ્રાન્ઝેક્શન, 3 કરોડ રૂપિયાની કાર, 3 ફ્લેટ, 2 બંગલા, 11 દુકાન, એક ઓફિસ, 2 પ્લોટ ફણ મળી આવ્યા છે. આ સાથે જ આરોપી વિરમ દેસાઈ રેવન્યુ કર્મચારી સંગઠનના પ્રમુખ પણ રહી ચુક્યા છે. વિરમ દેસાઇ પાસે ઔ઼ડી, BMW , જેગુઆર, મર્સિડિઝ, હોન્ડા સિટી જેવી અનેક કારો મળી આવી છે.
ગાંધીનગરના નિવૃત્ત નાયબ મામલતદાર સામે ACB એ 30 કરોડની અપ્રમાણસર મિલકતનો કેસ દાખલ કર્યો છે. કલોલ ખાતે ફરજ બજાવતા નિવૃત નાયબ મામલતદાર વિરમ દેસાઈ પાસેથી ACN ને 30 જેટલા બેંક એકાઉન્ટ પણ મળી આવ્યા છે અને 4 કરોડ રૂપિયાનું ટ્રાન્જેક્શન મળી આવ્યું છે. આ સિવાય રિયલ એસ્ટેટમાં પણ રોકાણ કર્યું હોવાનું સામે આવ્યું છે.

Most Popular