Connect with us

આંતરરાષ્ટ્રીય

ગુગલ દ્વારા ત્રણ દિવસના વીકલી ઓફની જાહેરાત

સપ્તાહમાં માત્ર ચાર દિવસ કામ કરશે કર્મચારીઓ

ખબર ગુજરાત

પ્રકાશિત

on

દિગ્ગજ ટેક કંપની ગૂગલના કર્મચારીઓને હવે સપ્તાહમાં ત્રણ દિવસનો વીકલી ઓફ મળશે. કંપનીએ પોતાના દુનિયાભરમાં રહેલા કર્મચારીઓને સપ્તાહમાં ફક્ત ચાર જ દિવસ કામ કરવા જણાવ્યું છે અને ત્રણ દિવસના વીકલી ઓફની જાહેરાત કરી છે. એટલે કે હવે દુનિયાભરમાં કાર્યરત ગૂગલના દરેક કર્મચારીઓને શુક્રવારથી લઈને રવિવાર સુધી વીકલી ઓફ મળશે. કર્મચારીઓએ સોમવારથી ગુરુવાર સુધી કામ કરવું પડશે. કોરોના મહામારીના કારણે કંપનીએ આ નિર્ણય લીધો છે.

કંપનીએ તેના કર્મચારીઓને એક નોટ મોકલીને જણાવ્યું છે કે ઘરેથી કામ કરવાથી કર્મચારીઓના કામકાજના કલાકોમાં વધારો થયો છે. જેના કારણે કર્મચારીઓમાં દબાણ જોવા મળી રહ્યું છે. તેથી, કંપનીએ દરેક વિભાગના સંચાલકોને તેની ટીમને સપોર્ટ કરવા માટે જણાવ્યું છે. સાથે જ એવું પણ કહેવામાં આવ્યું છે કે નવી વ્યવસ્થા દ્વારા દરેક કર્મચારીના કામ પ્રત્યે જવાબદારી અને સમયની સીમા પણ નક્કી કરવાંમાં આવે. જેનાથી કર્મચારીઓ પર કામનું ભારણ ઓછું થશે.

કંપનીએ એ પણ સ્પષ્ટ કરી દીધું છે કે, કોઈ કર્મચારી તેમના વીકલી ઓફના દિવસે કામ કરે છે એટલે કે શુક્રવારથી રવિવાર દરમિયાન કોઈ કામ કરે તો સોમવારે તેને વીક ઓફ આપવામાં આવશે. તે સાથે જ કંપનીએ એવું પણ સ્પષ્ટ કરી દીધું છે કે, ટેક્નિકલ પર્સનલ શુક્રવારે ઓફ નહીં લઈ શકે. આ પગલું એટલા માટે લેવું પડ્યું કારણકે કંપનીના અધિકારી તેમના કર્મચારીઓ શું સમર્થન આપે તે શોધી રહ્યા છે. ગૂગલના કર્મચારી આગામી વર્ષ જુલાઈ 2021 સુધી ઘરેથી કામ કરવાના છે.

આંતરરાષ્ટ્રીય

વેકિસનની અસરકારકતા અંગે કોઇ ગેરંટી નથી : WHO

ખબર ગુજરાત

પ્રકાશિત

on

કોરોના વાયરસથી છૂટકારો મેળવવા માટે દુનિયાભરના લોકો કોરોના રસીની આતુરતાથી રાહ જોઈ રહ્યા છે. પણ આ વચ્ચે વેક્સિનને લઈ વર્લ્ડ હેલ્થ ઓર્ગેનાઈઝેને એક ઝટકો આપ્યો છે. WHOના પ્રમુખ ટ્રેડોસ અધનોમે એક નિવેદનમાં કહ્યું કે, કોવિડ 19 માટે જે વેક્સિન પર કામ ચાલી રહ્યું છે, તેની કોઈ ગેરંટી લઈ શકાતી નથી કે તે કામ કરશે કે નહીં.

WHOના ચીફે એક વર્ચ્યુઅલ પ્રેસ બ્રીફિંગમાં કહ્યું કે, અમે તેની કોઈ ગેરંટી નથી આપી શકતાં કે દુનિયાભરમાં જે વેક્સિન વિકસિત કરવામાં આવી રહી છે, તે વાસ્તવમાં કામ કરશે. અમે અનેક વેક્સિન કેન્ડિડેટ્સને ટેસ્ટ કરીએ છીએ. વધારે આશા એ છે કે, આપણને એક સુરક્ષિત અને પ્રભાવશાળી વેક્સિન મળી જશે. આગળ તેઓએ કહ્યું કે, અત્યારે લગભગ 200 વેક્સિન ક્લિનિકલ અને પ્રી ક્લિનિકલ ટેસ્ટિંગમાં છે. વેક્સિન નિર્માણનો ઈતિહાસ આપણને જણાવે છે કે અમુક વેક્સિન સફળ રહે ઠે તો અમુક નિષ્ફળ પણ રહે છે.

વધુ વાંચો

આંતરરાષ્ટ્રીય

વિશ્વના આ દેશોમાં વસ્તી વધારવા સરકાર આપે છે અનેક લાભો

જાણો કયા છે આ દેશો અને વસ્તી વધારવા શું કરે છે સરકાર ?

ખબર ગુજરાત

પ્રકાશિત

on

ભારત જેવા દેશ વસ્તી નિયંત્રણની સમસ્યાથી પીડાઇ રહ્યા છે. તો બીજી તરફ જાપાન, ઇટલી, એસ્તોનીયા જેવા દેશો ઘટતી જતી વસ્તીને લઇને અત્યંત ચિંતિત બન્યા છે. એટલું જ નહીં આ દેશોએ પોતાના દેશમાં વસ્તી વધારવા માટે પ્રોત્સાહક યોજનાઓ પણ જાહેર કરી છે. જેમ કે જાપાન સરકાર લગ્ન કરનારને સવા ચાર લાખ રૂપિયા આપે છે. જ્યારે ઇટલીમાં દરેક બાળકના જન્મ દિઠ સરકાર 70 હજાર રૂપિયા આપે છે. તો બીજી તરફ એસ્તોનીયામાં જન્મદર વધારવા માટે સરકાર નોકરી કરનારને દોઢ વર્ષ સુધી સંપૂર્ણ પગાર સાથે રજા આપે છે.

જાપાનમાં સરકારે ઘર વસાવીને લગ્નજીવન શરૂ કરવા ઈચ્છુક યુગલોને છ લાખ યેન એટલે કે આશરે રૂ. સવાચાર લાખ સુધીની રકમ આપવાની જાહેરાત કરી છે. આ પ્રોત્સાહક રકમ આપવાનો હેતુ લોકો લગ્ન કરીને ઝડપથી બાળકો પેદા કરે અને દેશમાં ઝડપથી ઘટતા જતા જન્મદર પર કાબૂ મેળવી શકાય એ છે. આ માટે જાપાન સરકાર એપ્રિલમાં મોટે પાયે જાહેર કાર્યક્રમ શરૂ કરવા જઈ રહી છે.

ગયા વર્ષે જાપાનમાં ઐતિહાસિક રીતે સૌથી ઓછા 8,65,000 બાળકોને જન્મ થયો હતો. આ જન્મની તુલનામાં મૃત્યુનો આંકડો 5.12 લાખથી વધુ હતો. આ પણ જન્મ અને મૃત્યુમાં અત્યારસુધીનો સૌથી મોટો ફર્ક છે. સરકારને આશા છે કે આ વર્ષે જન્મદર ગયા વર્ષના 1.42%થી થોડો વધુ 1.8% સુધી રહેશે. જાપાનની વસતિ 12.68 કરોડ છે. વસતિની દૃષ્ટિ જાપાન વિશ્વનો સૌથી વૃદ્ધ દેશ છે.

જાપાન પછી ઈટાલી બીજો દેશ છે, જ્યાં ઝડપથી જન્મદર ઘટી હ્યો છે. અહીં દરેક યુગને એક બાળકના જન્મ વખતે સરકાર તરફથી રૂ. 70 હજારની પ્રોત્સાહક રકમ અપાય છે. આ સાથે એક યુરો એટલે કે 80 રૂપિયામાં ઘર અને વેપાર શરૂ કરવાની સુવિધા પણ અપાય છે.

યુરોપના એસ્તોનિયા દેશમાં જન્મદર વધારવા માટે નોકરી કરનારને દોઢ વર્ષ સુધી સંપૂર્ણ વેતન સાથે રજા અપાય છે. આ સાથે ત્રણ બાળક ધરાવતા પરિવારને દર મહિને 300 યુરો એટલે કે આશરે રૂ. 25 હજારનું બોનસ પણ મળે છે.

ઈરાનમાં પુરુષોની નસબંધી પર પ્રતિબંધ છે. અહીં ગર્ભનિરોધક દવાઓ પણ ફક્ત એ જ મહિલાઓને અપાય છે.

વધુ વાંચો

આંતરરાષ્ટ્રીય

નેપાળને પીઠ પાછળ ખંજર ભોકી ચીન એ નેપાળ માં 9 બિલ્ડીંગ ખડકી

નેપાળને પીઠ પાછળ ખંજર ભોકી ચીન એ નેપાળ માં 9 બિલ્ડીંગ ખડકી

ખબર ગુજરાત

પ્રકાશિત

on

ચીનની વિસ્તારવાદી નીતિ નેપાળમાં અવિરત ચાલુ જ છે. છેલ્લાં કેટલાંક સમયથી નેપાળ ચીનની પડખે જઇને બેઠું છે પરંતુ ડ્રેગને તેની પીઠ પાછળ ખંજર ભોંકવાનું ચાલુ રાખ્યું છે. જી હા ભારતની સાથે સરહદ વિવાદમાં ફસાયેલું ચીન ઠંડીની સીઝન અને નેપાળી સુરક્ષાકર્મીઓની ગેર હાજરીનો ફાયદો ઉઠાવીને નેપાળની જમીન પર ધીમે-ધીમે કબ્જો કરી રહ્યું છે.

આ વખતે મામલો નેપાળના હુમ્લા જિલ્લાનો છે. આ જિલ્લાના નામ્ખા ગામમાં ચીને ચૂપચાપ રીતે ભવનનું નિર્માણ કરી લીધું છે. ભવન પણ એક-બે નહીં પરંતુ પૂરા 9 મોટા-મોટા ભવન બનાવી લીધા છે. ચીનની હિમાકત માત્ર અહીં સુધી જ સીમિત નથી. જે જગ્યા પર તેણે ભવનોનું નિર્માણ કર્યું છે તેની આસપાસ નેપાળના નાગરિકોનો પ્રવેશ પણ નિષેધ કરી દીધો છે.

આ વાતનો ખુલાસો ત્યારે થયો જ્યારે ગામપાલિકાના અધ્યક્ષ વિષ્ણુ બહાદુર લામા સરહદી વિસ્તાર ક્ષેત્રમાં ફરતા હતા. તેમણે કહ્યું કે લિમી ગામના લાપ્ચા ક્ષેત્રમાં ચીની સેનાની એક સાથે 9 બિલ્ડિંગનું નિર્માણ કામ લગભર પૂરી થઇ ગયું છે.

વધુ વાંચો
Advertisement

ટ્રેન્ડીંગ