Connect with us

શહેર

જી.જી.હોસ્પિટલના દર્દીઓની સલામતી ભગવાન ભરોસે…!!

તંત્રની લાપરવાહીને કારણે ફાયર સેફટીના સાધનોની રીફિલીંગ માટેની તારીખ વીતી ગઇ

ખબર ગુજરાત

પ્રકાશિત

on

સૌરાષ્ટ્રની સૌથી મોટી સરકારી હોસ્પિટલ જામનગરમાં છે. જામનગરની જી.જી. હોસ્પિટલ માં જામનગર તથા દ્વારકા સહીતના શહેર જિલ્લાના દર્દીઓ મોટી સંખ્યામાં આવતા હોય છે. પરંતુ જામનગરની જી.જી.હોસ્પિટલ વારંવાર ચર્ચામાં જ રહેતી આવી છે. એ પછી, ગંદગીનો પ્રશ્ર્ન હોય કે, અપુરતા બેડની સમસ્યા હોય કે પછી સુરક્ષાનો પ્રશ્ર્ન હોય અનેક વખત જી.જી.હોસ્પિટલ ચર્ચાનો મુદ્ો બની છે. ત્યારે આ વખતે જી.જી.હોસ્પિટલની વધુ એક ગંભીર ભુલ સામે આવી છે .જેના કારણે હોસ્પિટલમાં આવેલી લાખો દર્દીઓ પર જોખમ સજતી બાબત છે. જી.જી.હોસ્પિટલમાં રાખવામાં આવી ફાયર સેફટીના સાધનો એકસપાયરી ડેટ ના જોવા મળ્યા છે.

હાલમાં કોરોનાની મહામારી એ ભરડો લીધો છે. જામનગરમાં કોરોનાના કેસ સતત વધતા કોરોનાનો આંક બેવડી સદી સુધી પહોંચી ચુકયો છે. ખાસ કરીને એક તરફ ચોમાસાની સિઝન છે અને ઉપરથી કોરોનાની મહામારી ને કારણે શરદી, તાવ જેવી બિમારી ના કેસ વધી રહ્યા છે. ત્યારે જામનગર, દ્વારકા સહીતના શહેર તથા જિલ્લાના દર્દીઓ જી.જી હોસ્પિટલમાં મોટી સંખ્યામાં આવતા હોય છે. સમગ્ર સોરાષ્ટ્રમાં અગ્ર ક્રમ ધરાવતી જી.જી. હોસ્પિટલની મોટી બેદરકારી જોવા મળી છે. જામનગરની જી.જી.હોસ્પિટલમાં ફાયર સેફટી માટે રાખવામાં આવેલા ફાયર એકસટીંગયુસર ની તારીખ વીતી ગઇ હોવા છતાં તંત્ર દ્વારા હજુ સુધી આ અંગે કોઇ પગલાં લેવામાં આવ્યા નથી.

કોઇ પણ સમયે આકસ્મીક બનાવો બની શકે છે. ખાસ કરીને આગના બનાવો માં વિશેષ તકેદારી જરૂરી છે. સરકારી કે ખાનગી ઓફિસો, બિલ્ડીંગો, ફલેટ જગેરેમાં ફાયર સેફટીના સાધનો રાખવા જરૂરી છે. જેથી આજના સમયે આગને કાબુમાં લેવામાં મદદરૂપ થઇ શકે છે. પરંતુ તેમા પણ નિશ્ર્ચિત સમયબાદ ફાયર એકસટીંગયુસર માં રિફીંલીગ કરાવવું પડતું હોય છે. એકસપાયરી ડેટ પૂર્વ આ કામ પુરૂ કરવું જરૂરી છે. પરંતુ જી.જી. હોસ્પિટલમાં લગાડવામાં આવેલા ફાયર એકસટીંગયુસરની તારીખ વીતી ચુકી છે. તેમાં રિફિલીંગ ટેડ વીતી ગઇ હોવા છતા આ અંગે કોઇ કાર્યવાહી કરવામાં આવી નથી. ત્યારે જી.જી.હોસ્પિટલના તંત્ર ને આ ગંભીર બાબત ધ્યાનમાં આવી નથી…..?? કે હજુ આકસ્મીક ઘટનાની રાહ જોવામાં અવી રહી છે..??

જી.જી.હોસ્પિટલ જામનગર જિલ્લાની એકમાત્ર સરકારી હોસ્પિટલ હોય સ્વભાવિક રીતે દર્દીઓની સંખ્યા વધુ હોય તેમા પણ હાલમાં કોરોનાની મહામારી હોય જી.જી.હોસ્પિટલના તંત્રની આ બેદરકારી મોટી દુઘટનાને આમંત્રણ આપી રહી છે. ત્યારે તંત્ર વહેલી તકે જાગે તે જરૂરી બન્યું છે.

શહેર

જામનગર શહેર જિલ્લાના સેકડો લોકોને મળી આઝાદી

34 વિસ્તારોને કન્ટેઇનમેન્ટ ઝોનમાંથી મળી મુકિત : નવા 7 વિસ્તારોને કન્ટેઇનમેન્ટ હેઠળ લવાયા

ખબર ગુજરાત

પ્રકાશિત

on

જામનગર શહેર અને જિલ્લાના કોરોના બંધકોને મોટી રાહત મળી છે. એક સાથે સેકડો લોકો કે જેઓ છેલ્લા 14 દિવસથી પોતાના ઘરોમાં કેદ હતાં. તેઓને આજથી મુકિત મળી છે. બીજી તરફ શહેર અને જિલ્લાના વધુ 7 વિસ્તારોના રહેવાશીઓને પ્રતિબંધ હેઠળ મુકવામાં આવ્યા છે.

જામનગર જિલ્લાનાં કુલ 34 વિસ્તારોની કન્ટેઇનમેન્ટ અવધી પુર્ણ થતાં તેમને કન્ટેઇનમેન્ટ ઝોનમાંથી મુકિત આપવામાં આવી છે. જિલ્લા કલેકટર દ્વારા મુકિત અપાયેલા વિસ્તારોમાં 26 જામનગર શહેરના અને 8 જામનગર ગ્રામ્યના વિસ્તારોનો સમાવેશ થાય છે. છેલ્લા 14 દિવસથી કન્ટેઇનમેન્ટ હેઠળ રહેતા આ વિસ્તારના સેકડો લોકોએ રાહતનો શ્ર્વાસ લીધો છે. હવે તેઓ પોતાના ઘરની બહાર નીકળી શકશે. અને મુકિતનો એહસાશ કરી શકશે. બીજી તરફ કોરોનાના નવા કેસને પગલે શહેર અને જિલ્લાના વધુ 7 વિસ્તારોને કન્ટેઇનમેન્ટ હેઠળ મુકવામાં આવ્યા છે. જેઓ આગામી 14 દિવસ સુધી પોત-પોતાના ઘરોમાં કેદ રહેશે. જે વિસ્તારો ક્ધટેઇનમેન્ટ જાહેર કરાયા છે. તેની યાદી નીચે મુજબ છે.

૧) જામનગર જિલ્લાના કાલાવડ તાલુકામાં નગરપાલિકા વિસ્તારમાં કુંભારનાથ પરામાં ભીખુભાઈ ગરીશંકર ચાઉથી મનસુખગીરી જેરામગીરી ગોસ્વામી સુધી રમણીકલાલ ગૈરીશંકર ઠાકર થી પ્રેમજીભાઈ બરજીલાઈ દુધાગરા સુધી તથા પરેશભાઈ મગનભાઈ હિરપરા થી વસનબેન પરશોતમભાઈ ઠુંમર સુધીના 14 ઘર.

ર) જામનગર મહાનગરપાલિકા વિસ્તારમાં શંકર ટેકરી સિધ્ધાર્થ કોલોની શેરી નં.13 માં સમાવિષ્ટ 10 મકાનોનો વિસ્તાર.

3) જામનગર મહાનગરપાલિકા વિસ્તારમાં કાલાવડ નાકા બહાર બાલનાથ મહાદેવ મંદિર પાસે બાબુ અમૃતના ડેલા તરીકે ઓળખાતો વિસ્તાર જેમાં જય ચામુંડા કૃપા નાનજી નિવાસ તથા શ્રી ગણેશાય બંગલો વિ. નો સમાવેશ થાય છે તેવા 8 મકાનોનો વિસ્તાર.

4) જામનગર મહાનગરપાલિકા વિસ્તારમાં પટણી વાડમાં શાહ બાપુની દરગાહ પાસે આવેલ નસીબ પ્રોવીઝન સ્ટોર સામેની બંધ ડેલીનો પેક વિસ્તાર.

પ) જામનગર મહાનગરપાલિકા વિસ્તારમાં પાર્શનાથ દેરાસરની બાજુમાં આવેલ આંબલી ફળી તરીકે ઓળખાતા વિસ્તારમાં મામા સાહેબની શેરી જેમાં પાર્થમણી બંગલોનો સમાવેશ થાય છે તે 50 મી.લંબાઈનો શેરીનો વિસ્તાર.

૬) જામનગર મહાનગરપાલિકા વિસ્તારમાં રણજીતસાગર રોડ પર આવેલ નંદનવનપાર્ક શેરી નં.2, શ્રધ્ધા જનરલ સ્ટોર વાળી શેરીના 12 મકાનોનો સમાવિષ્ટ વિસ્તાર.

૭) વંચાણ-(5) માં દર્શાવેલ આ કચેરીના તા.30/06/2020 ના જાહેરનામાંના કોષ્ટકના ક્રમ નં.7 ઉપર દર્શાવેલ એમ્યુઝમેન્ટ પાર્ક પાસે આવેલ શ્રીજી હોલ નજીક ગોકુલધામ સોસાયટી કન્ટેઈનમેન્ટ ઝોનના વિસ્તાર ઉપરાંત પાર્થ બંગલા સુધીના 5 મકાનોનો વધારાનો વિસ્તાર.

વધુ વાંચો

શહેર

જામનગર જિલ્લામાં બાયોડિઝલના નામે અનઅધિકૃત કેમિકલનું વેચાણ

આ પ્રકારનું વેચાણ તાત્કાલિક બંધ કરાવવા જામનગર જિલ્લા પેટ્રોલ-ડિઝલ ડિલર્સ એસોસીએશનની માગણી

ખબર ગુજરાત

પ્રકાશિત

on

જામનગર જિલ્લામાં બાયો ડિઝલના નામે થતું અન્ય ઇંધણનું અનઅધિકૃત વેચાણ તાકીદે અટકાવવા જામનગર જિલ્લા પેટ્રોલ-ડિઝલ ડિલર્સ એસોસીએશને માગણી કરી છે.
એસોસીએશનના પ્રમુખ ધીમંત ઘેલાણી તથા જનરલ સેક્રેટરી આર. વી. રાણીપાએ જિલ્લા કલેકટરને પાઠવેલા આવેદનપત્રમાં જણાવ્યું છે કે, જિલ્લામાં અલગ-અલગ સ્થળોએ બાયો ડિઝલના નામે અન્ય પદાર્થોનું અનઅધિકૃત વેચાણ થઇ રહ્યું છે. એક તરફ સરકારે બીએસ-6 ના ધારાધોરણ મુજબ ઇંધણ દરેક વાહનને મળી રહે તેવી વ્યવસ્થા કરી છે ત્યારે સરકારના આ પ્રયાસથી વિરૂધ્ધ બાયો ડિઝલના નામે અન્ય કેમિકલ તથા ઇંધણ વાહનચાલકોને વેંચવામાં આવે છે, જે રોકવું જરૂરી છે. આ પ્રકારના ગેરકાયદે વેચાણથી રાજ્ય અને કેન્દ્ર સરકારને ડીઝલ પર મળતા વેરામાં પણ નુકસાની પહોંચે છે. તેમજ આ પ્રકારનું ઇંધણ પર્યાવરણને પણ હાનિ પહોંચાડે છે તથા લાંબા સમયે વાહનોને પણ ભારે નુકસાન પહોંચાડે છે. ત્યારે જામનગર જિલ્લામાં બાયો ડિઝલના નામથી વેચાતા આ પ્રકારના કેમિકલનું વેચાણ તાત્કાલિક ધોરણે બંધ કરાવો તથા આવા વેપાર સાથે સંકળાયેલા લોકો સામે સખ્ત કાયદાકીય કાર્યવાહી કરવાની માગણી કરવામાં આવી છે.

વધુ વાંચો

શહેર

પી. એમ. કેર્સ ફંડમાંથી જી. જી. હોસ્પિટલને 50 વેન્ટીલેટર ફાળવવામાં આવ્યા

વડાપ્રધાનનો આભાર વ્યકત કરતા સાંસદ પૂનમબેન માડમ

ખબર ગુજરાત

પ્રકાશિત

on

જામનગરમાં કાર્યરત સૌરાષ્ટ્રની સૌથી મોટી એવી સરકારી ગુરૂ ગોવિંદસિંધ હોસ્પીટલ,  ક્રોવિડ-૧૯ હોસ્પીટલને પી.એમ. કેર્સ ફંડ માંથી ૫૦ વેન્ટીલેટર ફાળવવામાં આવતા વડાપ્રધાન નરેન્દ્રભાઈ મોદીનો જામનગર દેવભૂમિ દ્રારકા જીલ્લાના સંસદસભ્ય પૂનમબેન માડમએ આભાર વ્યકત કર્યો છે.

સમગ્ર રાષ્ટ્ર કોવિડ-૧૯ ની મહામારી સામે જંગ લડી રહયુ છે ત્યારે વડાપ્રધાન નરેન્દ્રભાઈ મોદીના નેજા હેઠળ સમગ્ર રાષ્ટ્ર કોરોનાની મહામારી સામે જંગ જીતવા સજજ થઈ રહયુ છે, તેમજ આ સજજતાના ભાગરૂપે પી.એમ.કેર્સ ફંડ માંથી મહત્વનું યોગદાન આપવામાં આવી રહયુ છે, જેના ભાગરૂપે રાષ્ટ્રભરમાં જયાં જયાં ગંભીર પરિસ્થિતી હોય અને તાતી જરૂરીયાત હોય તે પુરી કરવા વડાપ્રધાન નરેન્દ્રભાઈ મોદી સાહેબના આદૈશનુસાર સંપુર્ણ સેવાઓ પુરી પાડીને રાષ્ટ્રના જન જનના આરોગ્યની ચિંતા કરવામાં આવી રહી છે.

જામનગરમાં જી.જી.હોસ્પીટલમાં કાર્યરત કોવિડ-૧૯ હોસ્પીટલમાં જામનગર જીલ્લા સહીત આજુબાજુના જીલ્લાઓમાં દર્દીઓ સારવાર માટે આવે છે, જેમાં કોરોનાના ગંભીર દર્દીઓને અમુક વખતે વેન્ટીલેટર પર રાખવાની પરિસ્થિતી ઉભી થાય છે ત્યારે જી.જી.હોસ્પીટલને કોરોના સામેના જંગમાં વઘુ સજજ કરવા માટે અને દર્દીઓના હીત માટે પી.એમ.કેર્સ ફંડ માંથી ૫૦ વેન્ટીલેટર ફાળવવામાં આવ્યા છે. આ અત્યંત જરૂરી સેવાના માનવતા સભર નિર્ણય અને ફાળવણી બદલ સંસદસભ્ય પૂનમબેન માડમએ વડાપ્રધાન નરેન્દૂભાઈ મોદી નો આભાર વ્યકત કર્યો છે અને આશાવ્યક્ત કરી છે કે જામનગરની જી.જી.હોસ્પીટલમાં કોરોનાના દર્દીઓની કીટીકલ સંજોગોમાં હવે વધુ સારી રીતે સારવાર થઈ શકશે.

વધુ વાંચો

ટ્રેન્ડીંગ