Connect with us

રાષ્ટ્રીય

ભારત જ નહી આખા એશિયાનો જીડીપી ગ્રોથ નેગેટિવ રહેશે

જો કે આગામી વર્ષે મજબુત રિકવરીની આશા

ખબર ગુજરાત

પ્રકાશિત

on

એશિયન ડેવલપમેન્ટ બેન્ક(ADB)એ સમગ્ર એશિયાના અર્થતંત્ર અંગે અંદાજ આપતા કહ્યું હતું કે એશિયાના દેશોનો જીડીપી ગ્રોથ માઈનસ 0.7 ટકા રહેવાની ધારણા છે. 1962 પછીથી ભારત સહિત એશિયાના દેશોનો ગ્રોથ સૌપ્રથમ વાર નેગેટિવ ઝોનમાં અર્થાત શૂન્યથી નીચે જોવા મળશે. તેમાં ચીન એકમાત્ર અપવાદ રહેશે. અગાઉ જૂનમાં એડીબીએ અંદાજ આપ્યો તેમાં એશિયન દેશોનો ગ્રોથ પોઝિટિવ 0.1 ટકા દર્શાવ્યો હતો. ADBએ કહ્યું છે કે ચાલુ વર્ષે ભારતનો જીડીપી ગ્રોથ માઈનસ 9 ટકા રહેવાની ધારણા છે. કોરોનાને કારણે અર્થતંત્રને વ્યાપક નુકસાન થયું છે. કોરોના વધુ લાંબા સમય સુધી ચાલશે કે કેસ વધશે તો તેની સામે અર્થતંત્ર ઘણું વામણું પુરવાર થશે.

એડીબીએ એશિયન ડેવલપમેન્ટ આઉટલૂક(ADO) 2020 અપડેટમાં કહ્યું છે કે આગામી વર્ષે મજબૂત રિકવરી જોવા મળશે અને ભારતનો જીડીપી ગ્રોથ 8 ટકા રહેશે.એડીબીના ચીફ ઈકોનોમિસ્ટ યાસુયુકી સવાદાએ કહ્યું હતું કે ભારતે કોરોના પર કાબૂ માટે આકરું લોકડાઉન અમલી બનાવ્યું હતું, જેને કારણે આર્થિક પ્રવૃત્તિ પર ગંભીર અસર પડી છે. હવે કોરોના પર કાબૂ મેળવવા માટે સતત ટેસ્ટિંગ, ટ્રેકિંગ અને ટ્રીટમેન્ટ ક્ષમતા વધારવા જેવા પગલાં લેવા પડશે અને આર્થિક રિકવરી માટે નક્કર પગલાં લેવા પડશે.
લોકડાઉનને કારણે ખાનગી ખર્ચશક્તિ ઘટી હોવાથી જીડીપી ગ્રોથ ચાલુ વર્ષે માઈનસ 9 ટકા રહેવાની ધારણા છે. અગાઉ તેણે જૂનમાં માઈનસ 4 ટકાનો અંદાજ આપ્યો હતો.

તેણે કહ્યું હતું કે રોકાણ પર પણ અસર પડશે તેવી ધારણા છે કારણ કે જોખમ અને અનિશ્ચતતા વધ્યા છે જેને કારણે રોકાણકારો રોકાણ કરતા ખચકાઈ રહ્યા છે. આ ઉપરાંત ફિસ્કલ ડેફિસિટ પણ ખાસ્સી વધશે, કારણ કે સરકારની આવક ઘટશે અને ખર્ચ વધ્યો છે.
સરકારે આર્થિક સુધારા કર્યા છે અને કૃષિ ક્ષેત્રે વૃદ્ધિ માટે પગલાં લીધા છે, નેશનલ ઈન્ફ્રાસ્ટ્રક્ચર પાઈપલાઈનનો અમલ કર્યો છે. તેને કારણે વિદેશી રોકાણને પ્રોત્સાહન મળશે, ગ્લોબલ સપ્લાય ચેઈન ભારતમાં રિએલોકેટ થશે અને ભારતને મેન્યુફેક્ચરિંગ હબ બનાવવામાં મદદ મળશે.

એડીબીના મતે ફુગાવાનો દર આગામી સમયમાં ઘટશે અને ચાલુ વર્ષમાં સરેરાશ 4.5 ટકા રહેવાની ધારણા છે. કરંટ એકાઉન્ટ ડેફિસિટ(કેડ) ઘટીને જીડીપીના 0.3 ટકા રહેશે તેવો અંદાજ છે. એડીબીએ આ સાથે કહ્યું હતું કે ચીનનો જીડીપી ગ્રોથ ચાલુ વર્ષે પોઝિટિવ 1.8 ટકા રહેવાની ધારણા છે. જૂનાં પણ તેણે ચીન માટે 1.8 ટકા વૃદ્ધિનો જ અંદાજ આપ્યો હતો. તેનો ગ્રોથ આવતા વર્ષે 7.7 ટકા રહેશે.

રાષ્ટ્રીય

કોરોનાની રસી લોકોને આપવા રૂા. 80,000 કરોડનો ખર્ચ થશે : આટલાં નાણાં સરકાર પાસે છે ?

ખબર ગુજરાત

પ્રકાશિત

on

દેશની સૌથી મોટી કોરોના સંબંધી કામ કરતી કંપની સીરમ ઇન્સ્ટિટયૂટ ઓફ ઇન્ડિયાના સીઇઓએ જણાવ્યું છે કે, ભારતવાસીઓને કોરોનાની રસી આપવા પાછળ સરકારે ઓછામા ઓછો રૂા. 80,000 કરોડનો ખર્ચ કરવો પડશે. આ આંકડો જાહેર થતાં જ સંબંધિત વર્તુળોમાં એ ચર્ચા શરૂ થઇ છે કે, કેન્દ્ર સરકાર તથા રાજયોની સરકાર હાલમાં ભારે નાણાંભીડ અનુભવી રહી છે. આ સ્થિતિમાં રૂા. 800 અબજ કેવી રીતે ખર્ચ કરી શકાશે ? આ માટે વિવિધ વિકલ્પોની વિચારણા ચાલી રહી છે.

સિરમ કંપનીના સીઇઓ અદર પુનાવાલાએ જણાવ્યું છે કે, 2021ના પ્રથમ ત્રણ મહિના દરમ્યાન દેશમાં કોરોના વેકસીનનું મોટાં પાયે ઉત્પાદન શરૂ કરવા માટેની તૈયારીઓ ચાલી રહી છે. તેઓના જણાવ્યા પ્રમાણે વેકસીનના પ્રત્યેક ડોઝની કિંમત રૂા. 1000થી નીચે રાખવા માટે પ્રયત્નો થઇ રહયા છે. તેઓએ એમ પણ જણાવ્યું છે કે, અમેરિકાની એસ્ટ્રાજેનેકા કંપની સાથે મળીને અમારી કંપની વેકસીનના એક અબજ ડોઝ તૈયાર કરશે. જો કે, તેઓએ એમ કહયુ હતું કે, વેકસીનના પ્રત્યેક ડોઝની બજાર કિંમત શું રહેશે તે અંગે અત્યારે કશું કહેવું વહેલું લેખાશે. પરંતુ ઓછી આવક ધરાવતાં લોકોને પરવડે તેવી કિંમત નકકી કરવા માટે કંપની દ્વારા પ્રયાસો થઇ રહયા છે.

વધુ વાંચો

રાષ્ટ્રીય

દેણાં માફ કર્યા હોય એવા દેશના 100 મોટાં ડિફોલ્ટરના નામ અમારી પાસે નથી : રિઝર્વ બેન્ક

ખબર ગુજરાત

પ્રકાશિત

on

એક અરજદારે રિઝર્વ બેંકમાં આરટીઆઇ અંતર્ગત અરજી કરીને દેશના સૌથી મોટા 100 ડિફોલ્ટર્સના નામો મેળવવા માટે આરબીઆઇને વિનંતી કરી હતી. રિઝર્વ બેન્કે આ અરજીના જવાબમાં જણાવ્યું છે કે, બેંકોમાંથી લોન લીધી હોય અને બેંકોએ આ પ્રકારની લોનો માફ કરી દીધી હોય તે પ્રકારના 100 મોટા ડિફોલ્ટરના નામોની યાદી અમારી પાસે નથી. અત્રે નોંધનિય છે કે, આ અગાઉ બેંકે એવું પણ કહયું હતું કે, દેશના પ0 મોટાં વીલફુલ ડિફોલ્ટરના કુલ રૂા. 68,600 બેંકો દ્વારા માફ કરવામાં આવ્યા છે. ચાર મહિના પહેલાં બેંકે આ જવાબ આપ્યો હતો. પરંતુ તાજેતરમાં કોલકાત્તાના એક આરટીઆઇ અરજદારે 100 ડિફોલ્ટરની યાદી માંગી તો બેન્કે એમ કહી દીધું કે, અમારી પાસે આ પ્રકારની જાણકારી ઉપલબ્ધ નથી. અત્રે ઉલ્લેખનિય છે કે, વિશ્વનાથ ગોસ્વામી નામના આ અરજદારે એપ્રિલથી અત્યાર સુધીમાં રિઝર્વ બેન્કમાં બે વખત આરટીઆઇ દ્વારા અરજી કરી છે પરંતુ રિઝર્વ બેન્કે માહિતી આપવાનો ઇન્કાર કર્યો છે. અત્રે એ પણ નોંધનિય છે કે, અગાઉ પ0 ડિફોલ્ટરના રૂા. 68,600 કરોડ માફ કરી દેવાના મામલે સંસદમાં હંગામો થયો હતો અને સરકારે જવાબ આપવો પડયો હતો.

વધુ વાંચો

રાષ્ટ્રીય

IRCTCની વેબસાઇટ આજે રાત્રે બંધ રહેશે

ખબર ગુજરાત

પ્રકાશિત

on

આઇઆરસીટીસી ની વેબસાઇટ પર ઓનલાઇન ટિકીટ બુકિંગ સર્વિસ આજે મંગળવારે રાત્રે 11-4પ થી બુધવારની સવારના 4-30 વાગ્યા સુધી બંધ રહેશે. પૂર્વિય રેલવેના ચીફ કોમર્શિયલ મેનેજરે જણાવ્યું કે, ઝારખંડ, બિહાર અને પશ્ચિમ બંગાળ સહિત દેશના વિવિધ રાજયોમાં ઓનલાઇન ટિકીટ બુકિંગ સેવા આજે રાત્રે પ્રભાવિત થશે. આમ બનવા પાછળનું કારણ એ છે કે, કોલકાત્તા પેસેન્જર રિઝર્વેેશન સીસ્ટમના ડેટામાં ટેકનિકલ તકલીફ ઉભી થઇ છે. આ તકલીફના કારણે પાંચ કલાક સુધી ઓનલાઇન ટિકીટ બુકિંગ સેવા પ્રભાવિત થવાની શકયતા છે. અત્રે નોંધનિય છે કે, દેશમાં સ્પેશ્યિલ ટ્રેનો લોન્ચ થયા પછી લાઇન ટિકિટ બુકિંગ અને ટિકીટો રદ કરવાના કિસ્સાઓની સંખ્યામાં વધારો નોંધાયો છે.

વધુ વાંચો
Advertisement

ટ્રેન્ડીંગ