Connect with us

ગુજરાત

ગરીબો માટેના અનાજનું બારોબાર વેચાણ

ત્રણ શખ્સોની અટકાયત : રૂ. 11.76 લાખનો મુદ્દામાલ કબજે

ખબર ગુજરાત

પ્રકાશિત

on

દેવભૂમિ દ્વારકા જિલ્લાના મુખ્ય મથક ખંભાળિયામાં ગેરકાયદેસર મનાતા સસ્તા અનાજના ઘઉં તથા ચોખાના વિશાળ જથ્થા સાથે ડીવાયએસપી તથા સ્ટાફે ત્રણ શખ્સોને ઝડપી લીધા હતા. આ પ્રકરણમાં પોલીસે રૂપિયા 11.76 લાખનો મુદ્દામાલ હાલ કબજે લઇ, વિવિધ દિશામાં તપાસ આરંભી છે.
આ ચકચારી બનાવની પોલીસ દફતરે જાહેર થયેલી વિગત મુજબ ખંભાળિયા નજીકના સલાયા માર્ગ પર રિલાયન્સ સર્કલ પાસે ગત રાત્રીના આશરે સાડા નવ વાગ્યે ડીવાયએસપી હિરેન્દ્ર ચૌધરી તથા સ્ટાફ દ્વારા હાથ ધરાયેલા પેટ્રોલિંગ દરમિયાન સ્ટાફના રત્નાભાઈ કોડિયાતર તથા ઓમદેવસિંહ જાડેજાને મળેલી બાતમીના આધારે આ હાઈવે માર્ગ પરથી સસ્તા અનાજની દુકાનનો ઘઉં તથા ચોખાનો શંકાસ્પદ જથ્થો જઈ રહ્યો હોવાનું ધ્યાને આવતા આ અંગે પોલીસ દ્વારા સલાયા તરફથી આવી રહેલી એક આર્ટિકા તથા બે અલ્ટો મોટરકારને અટકાવી તેનું ચેકિંગ કર્યું હતું.
રાત્રીના આશરે દસેક વાગ્યે હાથ ધરાયેલા આ ઓપરેશનમાં ત્રણ મોટરકારમાંથી સસ્તા અનાજનો મનાતો ઘઉં તથા ચોખાનો મોટા પ્રમાણમાં જથ્થો પોલીસને સાંપડયો હતો.
આ અંગે પોલીસ દ્વારા ત્રણેય મોટરકાર ચાલકને અટકાવી અને સઘન પૂછપરછ કરવામાં આવી હતી જેમાં જી.જે. 36 એફ. 0222 નંબરના આર્ટિકા કારના ચાલક અત્રે યોગેશ્વરનગરમાં રહેતા નિલેશ ભરતભાઈ દત્તાણી (ઉ.વ. 33) ની પૂછપરછ સાથે કારમાં ચેકિંગ કરતા આ મોટરકારમાંથી રૂપિયા 3600 ની કિંમતના ચોખાના ત્રણ બાચકા તથા 4200 ની કિંમતના ઘઉંના સાત બાચકા મળી આવ્યા હતા. આ સાથે પોલીસે રૂપિયા સાત લાખની કિંમતની આર્ટિકા મોટરકાર સાથે નિલેશ ભરતભાઈ દત્તાણીની અટકાયત કરી હતી.
જ્યારે અન્ય એક અલ્ટો મોટરકાર નંબર જી.જે. 10 એસી. 8299 ના ચાલક યોગેશ્વરનગરમાં રહેતા વિરેન હસમુખભાઇ ઉનડકટ (ઉ.વ. 30) ની પૂછપરછમાં આ મોટરકારમાંથી રૂ. 3600 ની કિંમતના ચોખાના ચાર બાચકા તથા રૂપિયા 1350 ની કિંમતના ઘઉંના ત્રણ બાચકા ઉપરાંત રૂપિયા એક લાખની અલ્ટો મોટરકાર પોલીસે કબજે કરી હતી.
આ ઉપરાંત અન્ય એક અલ્ટો મોટરકાર નંબર જી.જે. 03 એચએ 5434 માંથી પણ રૂપિયા 7500 ની કિંમતના ચોખાના પાંચ બાચકા તથા રૂપિયા ત્રણ હજારની કિંમતના ઘઉંના ચાર બાચકા ઉપરાંત રૂપિયા બે લાખની કિંમતની અલ્ટો મોટરકાર પણ કબજે કરી, પોલીસે કાર ચાલક અત્રે બેઠક રોડ પર રહેતા આશિષ રતિલાલ તન્ના (ઉ. વ. 30)ની અટકાયત કરી હતી.
ઝડપાયેલા આ શખ્સોની વધુ પૂછતાછમાં તેઓએ જણાવેલ કે હરસિદ્ધિનગર વિસ્તારમાં રહેતા અને માર્કેટિંગ યાર્ડમાં કામ કરતા પ્રશાંત બાબુલાલ રાયચુરા તથા નવલ પાલાભાઇ ગઢવીએ ભાગીદારીમાં ધંધો કરી આ સિવાયનો ઘઉં તથા ચોખાનો જથ્થો નજીકની એક દુકાનમાં વેચવા માટે રાખેલ હોવાનું જણાવતા પોલીસ દ્વારા માર્કેટીંગ યાર્ડની બહાર આવેલી એક દુકાનમાં ચેકીંગ કરી, તેમાંથી પણ ચોખાના 63 મોટા બાચકા તથા 24 નાના બાચકા મળી કુલ રૂપિયા 1,06,650ની કિંમતના 177.75 મણ ચોખાનો જથ્થો હાલ કબજે કર્યો હતો.
આ ઉપરાંત આ સ્થળેથી ઘઉંના 52 મોટા બાચકા તથા 24 નાના બાચકા મળી કુલ રૂપિયા 45,900 ની કિંમતના 153 મણ ઘઉંનો જથ્થો પોલીસે કબજે કર્યો છે.
આમ, પોલીસ દ્વારા હાથ ધરાયેલી  આ ચેકિંગ કાર્યવાહીમાં ત્રણેય શખ્સો પાસેથી શંકાસ્પદ સરકારી સસ્તા અનાજની દુકાનનો મનાતો રૂપિયા 1,21,350 ની કિંમતનો 202.50 મણ ચોખા તથા રૂ. 54,450 ની કિંમતનો 181.50 મણ ઘઉંનો જથ્થો ઉપરાંત રૂપિયા દસ લાખની કિંમતની ત્રણ મોટરકાર મળી કુલ રૂપિયા 11,75,800 નો મુદ્દામાલ સીઆરપીસી કલમ 102 મુજબ શકપડતી મિલકત તરીકે કબજે કર્યો છે. જેમાં માર્કેટિંગ યાર્ડ પાસે આવેલી દુકાનમાંથી મળી આવેલા ઘઉં તથા ચોખાનો જથ્થો તપાસ અર્થે આ જ દુકાનમાં રાખવામાં આવ્યો છે. આ ઉપરાંત આ ત્રણેય શખ્સો સામે સીઆરપીસી કલમ 41 ડી મુજબ ધોરણસર અટક કરી, આગળની તપાસ ખંભાળિયા પોલીસને સોંપવામાં આવી છે.
સસ્તા અનાજના ગરીબોને આપવામાં આવતા ઘઉં તથા ચોખાનો  આ જથ્થો પગ કરીને ખુલ્લી બજારમાં કઈ રીતે આવ્યો, તે મુદ્દે પોલીસ તથા પુરવઠા વિભાગ દ્વારા જરૂરી કાર્યવાહી કરવામાં આવી હતી. આ સમગ્ર પ્રકરણે ભારે દોડધામ સાથે ચકચાર પ્રસરાવી છે.

ગુજરાત

મીઠાપુરમાં પોલીસ કર્મચારીની હત્યાનો પ્રયાસ

ફરજમાં રૂકાવટ સબબ ત્રણ શખ્સો સામે ફરિયાદ: પોલીસ કાર્યવાહી દરમિયાન એક શખ્સે અપશબ્દો બોલી ઝપાઝપી કરી: ત્રણ શખ્સોએ લાકડાના ધોકા વડે માર મારી ગળુ દબાવી જીવલેણ હુમલો

ખબર ગુજરાત

પ્રકાશિત

on

ઓખા મંડળના મીઠાપુર ખાતે સ્થાનિક પોલીસ હેડ કોન્સ્ટેબલ દ્વારા પેટ્રોલિંગ દરમિયાન દારૂ અંગેની કામગીરી કરતી વખતે સુરજકરાડીના રહીશ એવા ત્રણ શખ્સોએ તેમને અટકાવીને ગળુ દબાવી હત્યા નિપજાવવાના પ્રયાસ સાથે હુમલો કર્યાની ધોરણસર ફરિયાદ સ્થાનિક પોલીસમાં નોંધાઈ છે.

આ સમગ્ર પ્રકરણની પોલીસ દફતરે જાહેર થયેલી વિગત મુજબ દેવભૂમિ દ્વારકા જિલ્લાના મીઠાપુર પોલીસ મથકમાં હેડ કોન્સ્ટેબલ તરીકે ફરજ બજાવતા અજયસિંહ જયેન્દ્રસિંહ જાડેજા મંગળવારે સાંજે તેમને સોંપવામાં આવેલી દારૂ અંગેની કામગીરી સબબ મીઠાપુર ટાઉન વિસ્તારમાં પેટ્રોલિંગમાં ગયા હતા. આ દરમિયાન તેઓ મીઠાપુર નજીકના સુરજકરાડી વિસ્તારમાં ગણેશપરા ખાતે પહોંચતા આ સ્થળે પસાર થયેલા સુરજકરાડીના રહીશ રમેશ ચના પરમાર નામના કોળી શખ્સને હેડ કોન્સ્ટેબલ અજયસિંહે અટકાવી અને કેટલીક પૂછપરછ કરતાં આરોપી રમેશ પરમારને આ બાબત સારું લાગ્યું ન હતું. જેથી તેણે પોલીસ કર્મીને ગાળો કાઢી અને ઝપાઝપી કરી હતી.

આ દરમિયાન અન્ય આરોપીઓ જીવા ચના પરમાર તથા મોહન ચના પરમાર તથા અન્ય બે શખ્સો પણ અહીં ધસી આવ્યા હતા અને લાકડાના ધોકા સાથે આવેલા ત્રણેય શખ્સોએ મળી અને હેડ કોસ્ટેબલ અજયસિંહ જાડેજાને બિભત્સ ગાળો કાઢી, ઢીકા- પાટુનો માર મારી તથા ધોકા વડે માથાના ભાગે હુમલો કર્યો હતો. એટલું જ નહિ, આરોપી રમેશે અજયસિંહનું ગળુ દબાવી અને ત્રણેય આરોપીઓએ પોલીસ કર્મીને મારી નાખવાના ઇરાદે હુમલો કર્યો હોવાનું પોલીસ ફરિયાદમાં જાહેર થયું છે.

આ સમગ્ર બનાવ અંગે મીઠાપુર પોલીસે પોલીસ હેડ કોન્સ્ટેબલ અજયસિંહ જયેન્દ્રસિંહ જાડેજાની ફરિયાદ પરથી સુરજકરાડીના રહીશ એવા ત્રણેય શખ્સો સામે આઈપીસી કલમ 307, 323, 333, 504, 114 તથા જી.પી. એક્ટની કલમ મુજબ ગુનો નોંધ્યો છે. આ સમગ્ર પ્રકરણની આગળની તપાસ ઇન્ચાર્જ પી.આઇ. પી.બી. ગઢવી દ્વારા હાથ ધરવામાં આવી છે. આ બનાવે પોલીસબેડામાં પણ ભારે ચકચાર જગાવી છે.

વધુ વાંચો

ગુજરાત

કોંગ્રેસના વરિષ્ઠ નેતા અહમદ પટેલનું કોરોનાથી મોત

ઓકટોબરમાં આવ્યા હતા કોરોના પોઝિટીવ : 1977 થી 1989 ત્રણ ટર્મ માટે રહી ચુક્યા છે લોકસભાના સાંસદ

ખબર ગુજરાત

પ્રકાશિત

on

કોંગ્રેસના વરિષ્ઠ નેતા અને મૂળ ભરૂચના રહેવાસી રાજ્યસભા સાંસદ અહેમદ પટેલનું 71 વર્ષની વયે નિધન થયું છે. પુત્ર ફૈઝલે ટ્વીટ કરીને માહિતી આપી હતી. અહેમદ પટેલ ઓક્ટોબરમાં કોરોના પોઝિટિવ આવ્યા બાદથી તેઓ કોરોના વાFરસ સામે લડત આપી રહ્યા હતા, પરંતુ આજે સવારે 3.30 વાગ્યે મેદાંતા હોસ્પિટલમાં સારવાર દરમિયાન તેમણે અંતિમ શ્વાસ લીધા હતા.

કોંગ્રેસના વરિષ્ઠ નેતા અહેમદ પટેલ કોવિડ-19ના ઈન્ફેક્શનથી પીડિત હતા. ઓક્ટોબરમાં તેમને કોરોનાનો ચેપ લાગ્યો હતો અને સતત સારવાર હેઠળ હતા. બુધવારે વહેલી સવારે 3.30 વાગ્યે મલ્ટીપલ ઓર્ગન ફેઈલ્યોરને કારણે તેમનું નિધન થયું હતું. તેમને રવિવારે ગુરુગ્રામની મેદાંતા હોસ્પિટલમાં આઈસીયુમાં દાખલ કરવામાં આવ્યા હતા.

અહેમદ પટેલ કોંગ્રેસના ટ્રેઝરર રહી ચૂક્યા હતા અને તેઓ 1977થી 1989 ત્રણ ટર્મ માટે લોકસભા સાંસદ રહી ચૂક્યા હતા. જ્યારે ગુજરાતથી 1993થી તેઓ રાજ્યસભા સાંસદ રહ્યા હતા. તેઓ કોંગ્રેસ- પ્રમુખ સોનિયા ગાંધીના રાજકીય સલાહકાર પણ હતા.

વડાપ્રધાન નરેન્દ્ર મોદીએ ટ્વીટ કરી શોક વ્યક્ત કરતાં કહ્યું હતું કે અહેમદ પટેલના નિધનથી દુઃખી છું. તેમણે ઘણાં વર્ષ સાર્વજનિક જીવનમાં સમાજ માટે કામ કર્યું. તેઓ તેમના કુશાગ્ર બુદ્ધિચાતુર્ય માટે જાણીતા હતા. કોંગ્રેસને મજબૂત કરવામાં માટે તેમને હંમેશાં યાદ કરવામાં આવશે. તેમણે તેમના પુત્ર ફૈજલ સાથે વાત કરી અને સાંત્વના પાઠવી. અહેમદ પટેલના આત્માને શાંતિ મળે. રાહુલ ગાંધીએ ટવીટ મારફતે શોક વ્યકત કરતા કહ્યું છે કે અહેમદ પટેલ કોંગ્રેસ પાર્ટીના સ્તંભ હતા અને હંમેશા મુશ્કેલ સમયમાં પાર્ટી સાથે રહેતા હતા. તેઓની કમી મહેસુસ થશે.

સોનિયાના રાજકીય સલાહકાર હતા
પટેલ જાન્યુઆરીથી સપ્ટેમ્બર 1985 સુધી તે સમયના વડાપ્રધાન રાજીવ ગાંધીના સંસદીય સચિવ રહ્યા હતા. તેઓ 2001થી સોનિયા ગાંધીના રાજકીય સલાહકાર હતા. જાન્યુઆરી 1986માં તેઓ ગુજરાતના કોંગ્રેસ અધ્યક્ષ બન્યા હતા. 1977થી 1982 સુધી યુથ કોંગ્રેસ કમિટીના અધ્યક્ષ રહ્યા હતા. સપ્ટેમ્બર 1983થી ડિસેમ્બર 1984 સુધી તેઓ કોંગ્રેસના જોઈન્ટ સેક્રેટરી રહ્યા હતા.

વધુ વાંચો

ગુજરાત

દ્વારકામાં મોટર સાયકલ ચોરી પ્રકરણનો આરોપી ઝડપાયો

ખબર ગુજરાત

પ્રકાશિત

on

દ્વારકામાં ગત તારીખ 20 નવેમ્બરના રોજ જી.જે. 10 બી.એમ. 8036 નંબરના એક મોટરસાયકલની ચોરી થયાની ફરિયાદ સ્થાનિક પોલીસ મથકમાં નોંધાવવામાં આવી હતી.
આ અંગે જિલ્લા પોલીસ વડા સુનિલ જોશીની સુચના મુજબ પી.આઇ. જે.એમ. ચાવડાના માર્ગદર્શન હેઠળ દેવભૂમિ દ્વારકા જિલ્લા એલ.સી.બી. પોલીસ દ્વારા હાથ ધરાયેલા પેટ્રોલીંગ દરમ્યાન એલ.સી.બી.ના હેડ કોન્સ્ટેબલ બલભદ્રસિંહ જાડેજા તથા અરજણભાઈ મારુને મળેલી ચોક્કસ બાતમીના આધારે પેટ્રોલિંગ દરમ્યાન દ્વારકાના રાણેશ્વર ફાટકથી નાગેશ્વર તરફ જતા માર્ગે બાવળની ઝાડીની આડસમાં દ્વારકાના નરસંગ ટેકરી વિસ્તારમાં રહેતો રમેશભા રાણાભા બઠીયા નામનો યુવાન મોટરસાયકલમાંથી આગળનું વ્હિલ કાઢતા શંકાસ્પદ હાલતમાં ઝડપી લઇ એલ.સી.બી. સ્ટાફે તેને ઝડપી લઈ, મોટરસાયકલ કબ્જે કરી અને આગળની તપાસ અર્થે દ્વારકા પોલીસને સોંપ્યો હતો.

વધુ વાંચો
Advertisement
Advertisement

ટ્રેન્ડીંગ