Connect with us

જામનગર

જામનગર જિલ્લામાંથી 68 બોટલ દારૂ સાથે પાંચ શખ્સ ઝડપાયા

નાગેશ્વર કોલોનીમાંથી 35 બોટલ દારૂ અને બે મોબાઇલ સાથે ત્રણ શખ્સ ઝબ્બે : માંડાસણ ગામમાંથી 20 બોટલ દારૂ સાથે શખ્સ ઝડપાયો : વધુ એક શખ્સની સંડોવણી ખુલી : નાઘેડીમાંથી 13 બોટલ દારૂ સાથે શખ્સ ઝડપાયો

ખબર ગુજરાત

પ્રકાશિત

on

જામનગર શહેરના નાગેશ્વર કોલોની વિસ્તારમાં રહેતા અને મજૂરીકામ કરતા શખ્સના ઘરેથી પોલીસે રેઈડ દરમિયાન રૂા.14 હજારની કિંમતની ઈંગ્લીશ દારૂની 35 બોટલ અને રૂા.15 હજારની કિંમતના બે મોબાઇલ મળી કુલ રૂા.29 હજારના મુદ્દામાલ સાથે ત્રણ શખ્સોને ઝડપી લઇ વધુ પૂછપરછ હાથ ધરતા બે શખ્સોની સંડોવણી ખુલ્લી હતી. જેના આધારે પોલીસે આ બન્ને શખ્સોને ઝડપી લેવા ચક્રો ગતિમાન કર્યા હતાં. જામજોધપુર તાલુકાના માંડાસણ ગામમાંથી પોલીસે એક શખ્સને રૂા.10 હજારની કિંમતની ઈંગ્લીશ દારૂની 20 બોટલ સાથે ઝડપી લીધો હતો તેમજ જામનગર તાલુકાના નાઘેડી સીમ વિસ્તારમાંથી રેઈડ દરમિયાન પોલીસે એક શખ્સને રૂા.5,200 ની કિંમતની ઈંગ્લીશ દારૂની 13 બોટલો અને મોબાઇલ મળી કુલ રૂા.10,200 નો મુદ્દામાલ કબ્જે કર્યો હતો.

આ અંગેની વિગત મુજબ, જામનગર જિલ્લામાં જુદા જુદા ત્રણ દરોડા પૈકીના પ્રથમ દરોડો, જામનગર શહેરના નાગેશ્વર કોલોની વિસ્તારમાં રહેતા અને મજૂરીકામ કરતા સુનિલ તુલશી રાઠોડ નામના શખ્સના મકાનમાં ઈંગ્લીશ દારૂનો જથ્થો હોવાની બાતમીના આધારે જિલ્લા પોલીસવડા દિપન ભદ્રનની સૂચનાથી પીએસઆઈ એ.એસ. ગરચર તથા સ્ટાફે રેઈડ દરમિયાન સુનિલના ઘરમાં તલાસી લેતા રૂા.14,000 ની કિંમતની ઈંગ્લીશ દારૂની 35 બોટલો મળી આવી હતી. તેમજ રૂા.15,000 ની કિંમતના બે મોબાઇલ મળી આવતા કુલ રૂા.29,000 નો મુદ્દામાલ કબ્જે કર્યો હતો અને સુનિલ રાઠોડ તથા સુરેશ ગોપાલ રાઠોડ, કિશોર ભગવાનજી રાઠોડ નામના ત્રણ શખ્સોની અટકાયત કરી પૂછપરછ હાથ ધરતા આ દારૂના જથ્થામાં તુષાર ઉર્ફે ટકો ભરત બારૈયા અને સચિન રામજી બારૈયા નામના વધુ બે શખ્સોની સંડોવણી ખુલ્લી હતી. જેના આધારે પોલીસે આ બન્ને શખ્સોની શોધખોળ માટે ચક્રો ગતિમાન કર્યા હતાં.

બીજો દરોડો, જામજોધપુર તાલુકાના માંડાસણ ગામમાં પાણીના ટાંકા પાસેથી પીએસઆઈ કે.વી. ઝાલા તથા સ્ટાફે મેહુલસિંહ ઉર્ફે મુન્નાભાઈ સુરૂભા જાડેજા નામના શખ્સને આંતરીને તલાસી લેતા તેના કબ્જામાંથી રૂા.10 હજારની કિંમતની ઈંગ્લીશ દારૂની 20 બોટલ મળી આવતા તેની ધરપકડ કરી પૂછપરછ હાથ ધરતા આ જથ્થો સાતવડી ગામના અર્જુનસિંહ સુજાનસિંહ વાળાએ સપ્લાય કર્યો હોવાનું ખૂલ્યું હતું. જેના આધારે પોલીસે અર્જુનસિંહની શોધખોળ આરંભી હતી.

ત્રીજો દરોડો, જામનગર તાલુકાના નાઘેડી ગામની સીમમાં પોદાર હાઈસ્કૂલ પાછળ રહેતા શખ્સના મકાનમાં દારૂનો જથ્થો હોવાની એલસીબીના દિલીપ તલાવડિયા અને યોગરાજસિંહ રાણાને મળેલી બાતમીના આધારે જિલ્લા પોલીસવડા દિપન ભદ્રનની સૂચનાથી પીઆઈ કે.જી. ચૌધરી તથા સ્ટાફે રેઈડ દરમિયાન હરપાલસિંહ જૂવાનસિંહ જાડેજાને રહેણાંક મકાનમાંથી રેઈડ દરમિયાન રૂા.5,200 ની કિંમતની ઈંગ્લીશ દારૂની 13 બોટલો અને રૂા.5,000 ની કિંમતનો એક મોબાઇલ મળી આવતા કુલ રૂા.10,200 ના મુદ્દામાલ સાથે ઝડપી લઇ પૂછપરછ હાથ ધરતા આ દારૂનો જથ્થો દિગ્વીજય પ્લોટ 58 મા રહેતા જયેશ ઉર્ફે જયુ ભાનુશાળી અને સરમત પાટીયા પાસે રહેતા કુલદીપસિંહ ઉર્ફે લાલો ઢીંગલી એ સપ્લાય કર્યો હોવાનું કબૂલ્યું હતું. જેના આધારે એલસીબીની ટીમે દારૂ સપ્લાય કરનાર બન્ને શખ્સોની શોધખોળ માટે ચક્રો ગતિમાન કર્યા હતાં.

જામનગર

જામનગરમાંથી દેશી બનાવટની પિસ્તોલ સાથે શખ્સ ઝબ્બે

પવનચકકી પાસેથી પિસ્તોલ અને દેશી કટ્ટો તથા બે કાર્ટીસ સાથે એસઓજીએ દબોચ્યો : રૂા.25,200 નો મુદ્દામાલ કબ્જે

ખબર ગુજરાત

પ્રકાશિત

on

જામનગર શહેરમાં પેટ્રોલિંગ દરમિયાન પવનચકકી બસ સ્ટેન્ડ પાસેથી એસઓજીની ટીમે એક શખ્સને દેશી બનાવટની પિસ્તોલ અને દેશી કટ્ટા સાથે ઝડપી લઇ આગળની કાર્યવાહી હાથ ધરી હતી.

આ અંગેની વિગત મુજબ, જામનગર શહેરમાં દેશી બનાવટની પિસ્તોલ સાથે શખ્સ પસાર થવાની પીએસઆઈ આર.વી.વીંછી અને હેકો મયુદ્દીનને મળેલી બાતમીના આધારે જિલ્લા પોલીસવડા દિપન ભદ્રનની સૂચનાથી પીઆઈ એસ.એસ. નિનામાના માર્ગદર્શન હેઠળ પીએસઆઈ આર.વી.વીંછી અને વી.કે.ગઢવી તથા સ્ટાફ દ્વારા પવનચકકી બસ સ્ટોપ પાસેથી બાતમી મુજબનો શખ્સ પસાર થતા પોલીસે સોહિલ દિનેશ સંજોટ નામના શખ્સને આંતરીને તલાસી લેતા તેના કબ્જામાંથી રૂા.20 હજારની કિંમતની હાથ બનાવટની દેશી મેગેજિનવાળી પિસ્તોલ અને રૂા.5 હજારની કિંમતનો એક દેશી કટ્ટો તથા બન્નેના એક-એક કાર્ટીસ સહિત રૂા.25200 નો મુદ્દામાલ કબ્જે કરી વધુ પૂછપરછ હાથ ધરી હતી.

વધુ વાંચો

જામનગર

જામનગરમાં સુરેશભાઇ તથા ભારતીબેન ફરી ભાજપામાં, નિર્મળાબેન કોંગ્રેસનો સાથ છોડી ભાજપામાં

જામનગરમાં સુરેશભાઇ તથા ભારતીબેન ફરી ભાજપામાં, નિર્મળાબેન કોંગ્રેસનો સાથ છોડી ભાજપામાં

ખબર ગુજરાત

પ્રકાશિત

on

વધુ વાંચો

જામનગર

64 બેઠકો માટે જામનગર ભાજપમાં 543 દાવેદારો, જાણો કયા વોર્ડમાં કેટલા દાવેદારો ?

ખબર ગુજરાત

પ્રકાશિત

on

જામનગર મહાનગરપાલિકાની ચૂંટણી 21 ફેબ્રુઆરીના રોજ યોજાવાની છે. શહેરના 16 વોર્ડની 64 બેઠકો માટે ચૂંટણી લડવા ભારતીય જનતા પાર્ટીમાંથી 543 દાવેદારોએ પક્ષ સમક્ષ ઇચ્છા વ્યકત કરી હતી. ગઇકાલે રવિવારે ભાજપના પ્રદેશ મંડળ ખાતેથી આવેલા નવ નિરિક્ષકોએ અલગ-અલગ ત્રણ સ્થળે ચૂંટણી લડવા ઇચ્છૂક કાર્યકર્તાઓને સાંભળ્યા હતા. 543 દાવેદારોમાંથી 64ની પસંદગી કરાશે. 16 વોર્ડમાંથી વોર્ડ નં.10માં સૌથી વધુ 58 દાવોદારોએ દાવેદારી નોંધાવી છે. બીજી તરફ સૌથી ઓછી દાવેદારી વોર્ડ નં.12માં નોંધાઇ છે. જેમાં માત્ર 5 દાવેદારો એ દાવેદારી નોંધાવી હતી.

વોર્ડ વાઇઝ દાવેદારોની સંખ્યા

 

વધુ વાંચો
Advertisement
Advertisement

ટ્રેન્ડીંગ