Connect with us

સ્પોર્ટ્સ

કાંગારૂઓને 24 રને હરાવી 1-1 થી શ્રેણી બરાબરી કરતુ ઇંગ્લેન્ડ

ખબર ગુજરાત

પ્રકાશિત

on

ઈંગ્લેન્ડે 3 મેચોની વન ડે સીરિઝનો બીજો મુકાબલો જીતી લીધો છે. યજમાન ટીમે પોતાના બોલર્સના દમ પર કાંગારૂઓને 24 રનોથી માત આપી છે અને સીરિઝમાં 1-1થી બરાબરી કરી લીધી છે. 232 રનોનાં લક્ષ્યનો પીછો કરવા ઉતરેલી ઓસ્ટ્રેલિયન ટીમ 48.4 ઓવરોમાં 201 રનો પરથી પેવેલિયન ભેગી થઈ ગઈ હતી. ક્રિસ વોક્સ (10-1-32-3), મેન ઓફ ધ મેચ જોફ્રા આર્ચર (10-2-34-3) ઉપરાંત ટોમ કુરેન (9-0-35-3)ની બોલિંગ ઓસ્ટ્રેલિયા પર ભારે પડી ગઈ હતી. હવે સીરિઝની નિર્ણાયક મેચ માનચેસ્ટરમાં જ 16 સપ્ટેમ્બરે રમાશે.

આ પહેલાં લેગ સ્પિનર એડમ જામ્પાની ઓવરોમાં દમદાર બોલિંગથી ઓસ્ટ્રેલિયાએ રવિવારે માન્ચેસ્ટરમાં બીજી વન ડેમાં ઈંગ્લેન્ડને 9 વિકેટ પર 231 રન જ બનાવાનો મોકો આપ્યો હતો. જવાબમાં 37 રનોનાં સ્કોર પર ડેવિડ વોર્નર (6) અને માર્ક્સ સ્ટોઈનિસ (9)એ વિકેટ ગુમાવી દીધી હતી. કેપ્ટન એરોન ફિન્ચ અને માર્નસ લાબુશેને ત્રીજી વિકેટ માટે 107 રનોની પાર્ટનરશિપ કરીને ટીમને સંભાળવાની કોશિશ કરી હતી.

પણ 2 બોલમાં જ ઓસ્ટ્રેલિયાએ 4 વિકેટ ગુમાવી દીધી હતી, જેમાં 3 વિકેટ તો ક્રિસ વોક્સ લઈ ગયો હતો. આ સાથે જ ઈંગ્લેન્ડે મેચમાં વાપસી કરી લીધી હતી. આ દરમિયાન લાબુશેન (48), મિશેલ માર્શ (1), એરોન ફિન્ચ (73) અને ગ્લેન મેક્સવેલ (1) રન બનાવીને પરત ફર્યા હતા. એટલે કે 147 રનો પર 6 વિકેટ ગુમાવ્યા બાદ ઓસ્ટ્રેલિયન ટીમમાં એક બાદ એક વિકેટો પડતી જ ગઈ હતી.

સ્પોર્ટ્સ

IPL/આજે કિંગ્સ ઇલેવન પંજાબ અને રોયલ ચેલેન્જર્સ બેંગ્લોર વરચે મુકાબલો

ખબર ગુજરાત

પ્રકાશિત

on

કિંગ્સ ઇલેવન પંજાબની ટીમ ગુરુવારે જ્યારે વિરાટ કોહલી રોયલ ચેલેન્જર્સ બેંગ્લોર સામેના મુકાબલા માટે મેદાનમાં ઊતરશે ત્યારે તેનો લક્ષ્યાંક આઇપીએલ ટી૨૦ લીગની ૧૩મી સિઝનમાં વિજયનું ખાતું ખોલાવાનો રહેશે. પંજાબની ટીમ પોતાના પ્રારંભિક મુકાબલામાં શોર્ટ રનના વિવાદને ભૂલી જઇને શાનદાર પ્રદર્શન કરવાનો પ્રયાસ કરશે. બીજી તરફ બેંગ્લોરની ટીમે પ્રથમ મેચમાં હૈદરાબાદને ૧૦ રનથી હરાવીને પોતાના અભિયાનનો વિજયી પ્રારંભ કર્યો હતો. બેંગ્લોર પાસે લાંબી બેટિંગ લાઇન-અપ હોવાના કારણે તે રનચેઝ કરવાનો પ્રયાસ કરી શકે છે. બોલિંગમાં લેગ સ્પિનર યુજવેન્દ્ર ચહલની ભૂમિકા મહત્ત્વપૂર્ણ રહેશે. સ્નાયુ ખેંચાઇ જવાના કારણે બેંગ્લોરની ટીમને ક્રિસ મોરિસની ખોટ પડશે. પ્રથમ મેચમાં ખર્ચાળ સાબિત થયેલા ઉમેશ યાદવના સ્થાને મોહમ્મદ સિરાઝને રમાડવામાં આવી શકે છે. બેંગ્લોરની ટીમ ઓલરાઉન્ડર મોઇન અલીને રમાડશે તો ડેલ સ્ટેઇનને બહાર બેસવું પડે તેવી સ્થિતિ છે. જોસ ફિલિપને નિષ્ણાત વિકેટકીપર તરીકે રમાડવામાં આવી રહ્યો છે.

પંજાબની ટીમ માટે મયંક અગ્રવાલ શાનદાર ફોર્મમાં છે. સુકાની લોકેશ રાહુલ, ગ્લેન મેક્સવેલ તથા નિકોલન પૂરન પાસેથી ઉપયોગી યોગદાનની આશા રાખવામાં આવશે. બિગ હિટર ક્રિસ ગેઇલને બેંગ્લોર સામે રમાડવામાં આવી શકે છે. બોલિંગમાં પંજાબની ટીમ બેંગ્લોર કરતાં વધારે મજબૂત જણાય છે.

વધુ વાંચો

સ્પોર્ટ્સ

IPL: ખાલી સ્ટેડિયમે જ મેચો રમાડવી હતી તો ભારતમાં વાંધો શું હતો ?

કરોડોનું ટર્નઓવર ધરાવતી આ ટુર્નામેન્ટથી યુએઇના અર્થતંત્રને જબરો ફાયદો : ભારતને નુકશાન

ખબર ગુજરાત

પ્રકાશિત

on

શનિવારથી યુએઇમાં ઇન્ડિયન પ્રિમિયર લિગ (IPL) નો પ્રારંભ થયો છે. દર્શકો ટીવી પર આઇપીએલના મેચની મજા માણી રહ્યા છે. જ્યારે જ્યાં આ મેચ રમાય રહ્યા છે તે સ્ટેડિયમો સાવ ખાલીખમ્મ ભાસી રહ્યા છે. સ્ટેડિયમમાં જતાં બોલને લેવા જવા માટે કોઇ વોલિન્ટિયર પણ નઝર આવતા નથી. ત્યારે ભારતીય દર્શકો અને ભારતીય બુધ્ધિજીવીઓમાં એ પ્રશ્ર્ન ઉઠ્યો છે કે જો તમામ મેચ ખાલી સ્ટેડિયમે જ રમાડવાતા તો ભારતમાં શું વાંઘો હતો ? સૌ કોઇ જાણે છે કે, બીસીસીઆઇ આઇપીએલ પાછળ કરોડોનું ખર્ચ કરે છે. ત્યારે એક રીતે આ ટુર્નામેન્ટને ભારતમાં નહી રમાડીને ભારતીય ઇકોનોમીને જબ્બરુ નુકશાન થયુ છે. બીજી તરફ આ ટુર્નામેન્ટથી યુએઇના અર્થ તંત્રને ખુબજ ફાયદો થયો છે. અને તે પણ આપણા પૈસે !

કોરોનાની મહામારીના કારણે આ વર્ષે આઇપીએલને ભારતમાં રમાડવાની મંજૂરી આપવામાં નહી આવતા બીસીસીઆઇ દ્વારા ટુર્નામેન્ટ યુએઇમાં સીફ્ટ કરવામાં આવી છે. કરોડો અબજોનું આર્થિક ટર્નઓવર ધરાવતી ભારતની આ ટુર્નામેન્ટ ભારત બહાર સીફ્ટ થતાં ભારતીય અર્થતંત્ર અને વ્યવસાયકારોને મોટું નુકશાન થયાનું આર્થિક તજજ્ઞો જણાવી રહ્યા છે. કેમ કે ભારતમાં પણ હવે કોઇ સ્થળે લોકડાઉન અમલી નથી. ત્યારે હાલ યુએઇમાં જે રીતે ખાલી સ્ટેડિયમો સાથે ટુર્નામેન્ટ રમાડવામાં આવી રહી છે તે રીતે આ ટુર્નામેન્ટ ભારતમાં પણ રમાડી શકાય હોત. જે નિયમો અને પરિસ્થિતિ વચ્ચે યુએઇમાં ટુર્નામેન્ટ રમાય છે. તેનું ભારતમાં પણ ખુબ સરળતાથી પાલન કરાવી શકાયું હોત.
હાલ યુએઇમાં રમાતી આઇપીએલને કારણે ત્યાંના અર્થતત્ર અને જુદા જુદા વ્યવસાયીક ક્ષેત્રને ખુબ જ ફાયદો થયો છે. ખાસ કરીને યુએઇના હોટલ ઉદ્યોગ અને ટ્રાન્સપોર્ટ ઉદ્યોગને આ મંદીના સમયમાં કરોડોનો બિઝનેસ મળ્યો છે. આ ઉપરાંત આટલા મોટા પ્રમાણમાં વિશ્ર્વભરના ખેલાડીઓ અને સપોર્ટ સ્ટાફ યુએઇમાં બે મહિના જેટલું રોકાણ કરનાર હોય ત્યારે સ્વાભાવિક રીતે જ આ લોકો ત્યાં શોપિંગ મોલમાં ખરીદી, પ્રવાસન સ્થાનોની મુલાકાત, રેસ્ટોરન્ટની મુલાકાત લેનારા હોય આ ઉદ્યોગોને પણ ખુબ લાભ થશે. આ ઉપરાંત બીસીસીઆઇ યુએઇના જે ત્રણ સ્ટેડિયમોમાં મેચ રમાડી રહી છે. તેનું તોતિંગ ભાડુ પણ યુએઇ સરકારને ચુકવશે. ઉપરોકત તમામ બાબતોનો અભ્યાસ કરતાં સ્પષ્ટ જણાય રહ્યું છે કે ભારત સરકારે આ ટુર્નામેન્ટને ભારતમાં યોજવાની મંજુરી નહી આપીને પોતાના પગ ઉપર જ કુહાડો માર્યો છે. કેમકે કરોડોનો બિઝનેસ જે ભારતીય ઉદ્યોગો અને વ્યવસાયકારોને મળવો જોઇતો હતો તે હવે યુએઇને મળી રહ્યો છે. હા, ભારતમાં લોકડાઉનની સ્થિતિ હોત તો વાત અલગ હતી. પરંતુ દેશમાં અત્યારે લગભગ તમામ સેવાઓ કાર્યરત કરી દેવામાં આવી છે. એટલું જ નહીં હજુ પણ તેમાં ઢીલ આપવામાં આવી રહી છે. ત્યારે હાલ યુએઇમાં જે રીતે ટુર્નામેન્ટ રમાડવામાં આવી રહી છે તે રીતે તો ભારતમાં પણ એ જ નિયમો સાથે ખુબ સરળતાથી ટુર્નામેન્ટ રમાડી શકાય હોત કેમ કે સ્ટેડિયમમાં પ્રેક્ષકો લાવવાના નથી અને ખેલાડીઓ કોઇને મળવાના નથી. તો આ ટુર્નામેન્ટ ભારતમાં યોજવામાં વાંધો શું હતો ??

વધુ વાંચો

સ્પોર્ટ્સ

IPL માં આજે સનરાઇઝર્સ હૈદરાબાદ અને રોયલ ચેલેન્જર્સ બેંગલુરૂ વચ્ચે મુકાબલો

ખબર ગુજરાત

પ્રકાશિત

on

IPLની 13મી સીઝનની ત્રીજી મેચ સનરાઈઝર્સ હૈદરાબાદ અને રોયલ ચેલેન્જર્સ બેંગલુરુ(RCB)ની વચ્ચે આજે દુબઈમાં રમાશે. RCBના કેપ્ટન વિરાટ કોહલીની પાસે સનરાઈઝર્સના કેપ્ટન ડેવિડ વોર્નરે 2016ની ફાઈનલમાં આપેલી હારનો બદલો લેવાની તક છે. ત્યારે વોર્નરે કોહલીને 8 રનથી હરાવીને બીજી વખત જીત મેળવી હતી. ગત સિઝનમાં RCB સૌથી નીચા 8માં નંબરે રહી હતી. જ્યારે હૈદરાબાદ અલિમિનેટર સુધી પહોંચી હતી.

વિરાટ RCBના સફળ કેપ્ટન છે. તેમણે 110 મેચમાં ટીમની કેપ્ટનશીપ કરી અને તેમાંથી 49માં જીત અપાવી છે. હૈદરાબાદ સામેની મેચ જીત્યા પછી વિરાટ IPLમાં એક ટીમને 50થી વધુ મેચ જીતાડનાર ચોથા કેપ્ટન બનશે.

આ પહેલા મહેન્દ્ર સિંહ ધોનીએ ચેન્નાઈ સુપર કિંગ્સ, ગૌતમ ગંભીરે કોલકાતા નાઈટ રાઈડર્સ અને રોહિત શર્માએ મુંબઈ ઈન્ડિયન્સને આટલી મેચ જીતાડી છે. ધોની એક માત્ર કેપ્ટન છે, જેમણે CSKને 100 મેચ જીતાડી છે.

હૈદરાબાદમાં વોર્નર સૌથી મોંઘા ખેલાડી છે. ટીમ તેમને એક સિઝનના 12.50 કરોડ રૂપિયા આપશે. તે પછી ટીમમાં મનીષ પાંડેનું નામ છે, જેમને આ સિઝનમાં 11 કરોડ રૂપિયા મળશે. જ્યારે RCBમાં કોહલી 17 કરોડ અને એબી ડિવિલિયર્સ 114 કરોડ રૂપિયાની કિંમતની સાથે સૌથી મોંઘો પ્લેયર છે.

હૈદરાબાદની પાસે વિશ્વનો નંબર-1 બોલર અને લેગ સ્પિનર રાશીદ ખાન છે. નંબર-1 ઓલરાઉન્ડર અને ઓફ સ્પિનર મોહમ્મદ નબી સિવાય ડાબેરી સ્પિનર નદીમ પણ છે. જ્યારે બેંગલુરુમાં લેગ સ્પિનર યુજવેન્દ્ર ચહલ, અડમ જંપા અને ઓફ સ્પિનર વોશિંગ્ટન સુંદર પણ છે.

બંનેની વચ્ચે અત્યાર સુધીમાં 15 મેચ રમાઈ છે. તેમાંથી હૈદરાબાદે 8 અને બેંગલુરુએ 6 મેચ જીતી છે. 1 મેચ કોઈ પણ પરિણામ વગરની રહી છે. ગત બંને સિઝનની વાત કરવામાં આવે તો બંને ટીમની વચ્ચે રમાયેલી 4 મેચમાં 2-2ની બરાબરી રહી છે.

હૈદરાબાદની પાસે વોર્નર સિવાય જોની બેયરસ્ટો, કેન વિલિયમ્સન, પ્રિયમ ગર્ગ અને મનીષ પાંડે જૈવા બેટ્સમેન છે. બોલિંગમાં ભુવનેશ્વર કુમાર સિવાય ખલીદ અહમદ અને યુવા વિરાટ સિંહ પણ છે.

RCBમાં વિરાટ કોહલી સિવાય એબી ડિવિલિયર્સ અને એરોન ફિંચ જેવા બેટ્સમેન છે. ઓલરાઉન્ડરમાં ટીમની પાસે ક્રિસ મોરિસ, મોઈન અલી અને વોશિંગ્ટન સુંદર છે. બોલિંગ ડિપાર્ટમેન્ટમાં RCBને યુજવેન્દ્ર ચહલ સિવાય ઉમેશ યાદવ અને નવદીપ સૌની સપોર્ટ કરશે. કોહલી IPLમાં સૌથી વધુ 5412 રન બનાવનાર પ્લેયર પણ છે.

વધુ વાંચો

ટ્રેન્ડીંગ