Connect with us

સ્પોર્ટ્સ

IPL દરમિયાન ગાંગુલીએ 22 વખત કોરોના ટેસ્ટ કરાવ્યો

ખબર ગુજરાત

પ્રકાશિત

on

બીસીસીઆઈના અધ્યક્ષ સૌરવ ગાંગુલીએ મંગળવારે ખુલાસો કર્યો છે કે તેઓએ 22 વખત કોરોના ટેસ્ટ કરાવ્યા છે. ગાંગુલીએ કહ્યું કે કોરોના મહામારી વચ્ચે છેલ્લા સાડા ચાર મહિનામાં, તેમણે પ્રતિબદ્ધતાઓને પરિપૂર્ણ કરવા માટે લગભગ 22 કોવિડ -19 ટેસ્ટ કરાવ્યા હતા.

આઈપીએલની 13 મી સીઝનને કારણે બીસીસીઆઈના પ્રમુખ ગાંગુલી 19 સપ્ટેમ્બરથી 10 નવેમ્બર સુધી યુએઈમાં હતા. વર્ચ્યુઅલ મીડિયા કોન્ફરન્સ ‘લિવિંગાર્ડ એજી’ ના બ્રાન્ડ એમ્બેસેડર તરીકે તેમણે કહ્યું કે 22 વાર કોરોના તપાસ કર્યા પછી પણ તેઓ પોઝિટીવ નથી આવ્યા.

જ્યારે તેની આસપાસના લોકો પોઝિટીવ જોવા મળ્યા હતા. આ કારણોસર, કદાચ તેમને કોવિડ -19 તપાસ પણ કરવી પડી હતી.બીસીસીઆઈ પ્રમુખે કહ્યું કે તે તેમના વૃદ્ધ માતા-પિતા સાથે રહે છે. તે દુબઈ પણ ગયો હતો. શરૂઆતમાં, તે પોતાના માટે, પણ બાકીના લોકો માટે ખૂબ જ ચિંતિત હતો

બીસીસીઆઈના પ્રમુખ સૌરવ ગાંગુલીએ કહ્યુ હતુ કે મને સતત ચિંતા એ સતાવતી રહી કે ક્યાંક મારા કારણે તેમને ચેપ ન લાગે. હાલ સમય એવો આવી રહ્યો છે કે લોકોએ ખુબજ સંભાળીને રહેવુ જોઇએ.

સ્પોર્ટ્સ

ચોથો ટેસ્ટ : પ્રથમ દાવમાં ઓસ્ટ્રેલિયાના 369 રન : શુભમન 7 રન બનાવી આઉટ

ખબર ગુજરાત

પ્રકાશિત

on

ભારતે ઓસ્ટ્રેલિયા ચાર ટેસ્ટ સીરિઝની અંતિમ મેચમાં બ્રિસ્બેન ખાતે ટી બ્રેક સુધી ભારતે 2 વિકેટ પર 62 રન બનાવ્યા છે, અજિંક્ય રહાણે 2 અને ચેતેશ્વર પૂજારા 8 રન બનાવીને ક્રિઝ પર છે. ભારતને શુભમન ગિલ અને રોહિત શર્માના નામે બે મોટા આંચકા આવ્યાકાંગારું પ્રથમ દાવમાં 369 રનમાં ઓલઆઉટ (ALL OUT )થયું હતું.

14 ઓવર બાદ ભારતનો સ્કોર 1 વિકેટના નુકસાન પર 37 રન છે. રોહિત શર્મા (23 રન) અને ચેતેશ્વર પૂજારા (6 રન) ક્રીઝ પર છે. ઓસ્ટ્રેલિયા તરફથી અત્યાર સુધીના પ્રથમ દાવમાં પેટ કમિન્સે 1 વિકેટ લીધી હતી. ભારતે શુભમન ગિલની વિકેટ ગુમાવી (7) આ પહેલા ઓસ્ટ્રેલિયાની પ્રથમ ઇનિંગ્સ 369 રનમાં સમેટાઇ ગઈ હતી. ઓસ્ટ્રેલિયા તરફથી પહેલી ઇનિંગ્સમાં માર્નસ લ્યુબ્સેને 108 રન બનાવ્યા હતા, જ્યારે કેપ્ટન ટિમ પેને 50 રન બનાવ્યા હતા. ભારત તરફથી પ્રથમ ઇનિંગ્સમાં ટી.નટરાજન, શાર્દુલ ઠાકુર અને વોશિંગ્ટન સુંદરએ 3-3 વિકેટ લીધી હતી. મોહમ્મદ સિરાજે 1 વિકેટ લીધી હતી.

ઓસ્ટ્રેલિયા ભારત સામે ફર્સ્ટ ઇનિંગ્સમાં 369 રનમાં ઓલઆઉટ થયું છે. કાંગારું માટે માર્નસ લબુશેને કરિયરની પાંચમી સદી ફટકારતા 108 રન અને કેપ્ટન ટિમ પેને નવમી ફિફટી ફિફટી મારી 50 રન કર્યા. તે સિવાય કેમરૂન ગ્રીને 47, મેથ્યુ વેડે 45 અને સ્ટીવ સ્મિથે 36 રનનું યોગદાન આપ્યું. ભારત માટે શાર્દુલ ઠાકુર, ટી. નટરાજન અને વોશિંગ્ટન સુંદરે 3-3, જ્યારે મોહમ્મદ સિરાજે 1 વિકેટ લીધી છે.

ઓસ્ટ્રેલિયાના કેપ્ટન ટિમ પેને બેટ સાથે સારો દેખાવ કરતા 104 બોલમાં 6 ફોરની મદદથી 50 રન કર્યા હતા. આ તેના કરિયરની 9મી ફિફટી હતી. પેન શાર્દુલ ઠાકુરની બોલિંગમાં સ્લીપમાં રોહિતના હાથે કેચ આઉટ થયો હતો. તેણે કેમરૂન ગ્રીન સાથે છઠ્ઠી વિકેટ માટે 98 રનની ભાગીદારી કરી હતી. તે પછી ગ્રીન 47 રને સુંદરની બોલિંગમાં બોલ્ડ થયો હતો.

ભારત તરફથી પ્રથમ ઇનિંગ્સમાં ટી.નટરાજન, શાર્દુલ ઠાકુર અને વોશિંગ્ટન સુંદરએ 3-3 વિકેટ લીધી હતી. મોહમ્મદ સિરાજે 1 વિકેટ લીધી હતી.

વધુ વાંચો

સ્પોર્ટ્સ

ઓસ્ટ્રેલિયનો સુધરવાનું નામ લેતાં નથી!

નફફટ ક્રિકેટરસિકોએ સીરાજ અને સુંદરને અપશબ્દો કહ્યા!

ખબર ગુજરાત

પ્રકાશિત

on

ઓસ્ટ્રેલિયાના ક્રિકેટ દર્શકો છેલ્લાં બે ટેસ્ટ મેચથી પોતાની માનસિકતા છતી કરી રહ્યા છે અને ભારતીય ક્રિકેટરો પર ગંદા શબ્દો અને ટિપ્પણીઓ કરી રહ્યા છે. ભારતીય ક્રિકેટ ક્ધટ્રોલ બોર્ડે આ અંગે આકરી પ્રતિક્રિયા આપવી જોઇએ. એવું ભારતમાં કરોડો ક્રિકેટ શોખીનો માની રહ્યા છે.

ભારત અને ઓસ્ટ્રેલિયા સામે ગાબા ખાતે રમાઈ રહેલી શ્રેણીની છેલ્લી અને ચોથી ટેસ્ટ મેચમાં ઓસ્ટ્રેલિયાના ચાહકોએ ફરી ટીમ ઈન્ડિયાના ખેલાડીઓ વિરૂદ્ધ અવળચંડાઈ કરી છે. આ વખતે પણ મોહમ્મદ સિરાજ અને નવોદિત એવા વોશિંગ્ટન સુંદરને નિશાન બનાવવામાં આવ્યા છે.

ઓસ્ટ્રેલિયાઈ ચાહકો એ બાઉન્ડ્રીમાં ઉભેલા મોહમ્મદ સિરાજ અને સુંદરને અપશબ્દો કહ્યાં હતાં. મોહમ્મદ સિરાજને ફરી એકવાર ઓસ્ટ્રેલિયાઈ ચાહકો દ્વારા નિશાન બનાવવામાં આવ્યો છે. આ અગાઉ સિડની ખાતે રમાયેલી ત્રીજી ટેસ્ટ મેચમાં પણ આ પ્રકારની જ ઘટના ઘટી હતી.

બોર્ડર-ગવાસ્કર શ્રેણીની ચોથી અને છેલ્લી મેચ આજે શુક્રવારથી શરૂ થઈ છે. આજે પહેલા જ દિવસે ઓસ્ટ્રેલિયાના ચાહકોને અપશબ્દો કહ્યાં હતાં. સિડની મોર્નિંગ હેરાલ્ડના એક અહેવાલ પ્રમાણે, કેટલાક દર્શકોએ મોહમ્મદ સિરાજ ઉપરાંત વોશિંગ્ટન સુંદરને પણ અપશબ્દો કહ્યાં છે.

અહેવાલ પ્રમાણે કેટ નામના એક દર્શકે કહ્યું હતું કે, સિરાજ અને સુંદરને લઈને કેટલાક દર્શકો સતત અપશબ્દો બોલી રહ્યાં હતાં અને જોર જોરથી બુમો પાડી રહ્યાં હતાં. કેટે જણાવ્યું હતું કે, મોટા ભાગના લોકોએ સિરાજને પોતાનું નિશાન બનાવ્યો હતો, કે જેને સિડની ટેસ્ટ દરમિયાન પણ અપશબ્દો કહેવામાં આવ્યા હતાં.

તમિળનાડુના વોશિંગ્ટન સુંદરે આજે જ ટેસ્ટ ક્રિકેટમાં ડેબ્વ્યુ કર્યું છે. પહેલી જ આંતરરાષ્ટ્રીય ટેસ્ટમાં સુંદરને કડવો અનુંભવ થયો છે. આ અગાઉ સિડની ટેસ્ટમાં પણ દર્શકોએ સિરાજને પોતાનું નિશાન બનાવ્યો હતો. જોકે આ ઘટનાને લઈને તુરંત મેચ અટકાવવામાં આવી હતી અને અભદ્ર વ્યવહાર કરનારાઓને સ્ટેડિયમની બહાર કરવામાં આવ્યા હતાં.

સિડની ટેસ્ટમાં ઘટેલી શરમજનક ઘટનાને લઈને ક્રિકેટ જગત શર્મશાર થયું હતું. ઇઈઈઈં થી લઈને ઈંઈઈ સુધી તેની નોંધ લેવાઈ હતી. સિડની ટેસ્ટની ઘટનાને મામલે ઓસ્ટ્રેલિયન ક્રિકેટ બોર્ડે માફી માંગી હતી. હવે ફરી એકવાર આ પ્રકારની ઘટના બનવા પામી છે.

વધુ વાંચો

સ્પોર્ટ્સ

બુમરાહ બહાર, અગ્રવાલને ઇજા

ખબર ગુજરાત

પ્રકાશિત

on

આધારભૂત પેસ બોલર જસપ્રીત બુમરાહ પેટના સ્નાયુ ખેંચાઇ જવાના કારણે ઓસ્ટ્રેલિયા સામે 15મી જાન્યુઆરીથી રમાનારી બ્રિસબેન ટેસ્ટમાંથી બહાર થઇ જતાં ઇજાઓથી ખોડંગાયેલી ભારતીય ટીમને વધુ એક ફટકો પડયો છે. આ ઉપરાંત બ્રિસબેન ટેસ્ટ માટેની ભારતીય પ્લેઇંગ ઇલેવનમાં હનુમા વિહારીના વિકલ્પ તરીકે મનાતા મયંક અગ્રવાલને પણ નેટ્સમાં બેટિંગ કરતી વખતે હાથમાં ઇજા થઇ હતી અને તેને હેરલાઇન ફ્રેક્ચર હોવાનું માનવામાં આવી રહ્યું છે. સિડની ખાતે ડ્રો રહેલી ત્રીજી ટેસ્ટના પાંચમા દિવસે લગભગ સાડા ત્રણ કલાક સુધી બેટિંગ કરવાના કારણે સિનિયર ખેલાડી આર. અશ્વિનની પીઠના સ્નાયુ જકડાઇ ગયા હોવાથી ભારતીય ટીમની સ્થિતિ વધારે કફોડી બની છે અને આ કારણથી ભારત પાસે પ્લેઇંગ ઇલેવન માટે સીમિત વિકલ્પ રહી ગયા છે.

ભારતીય બોલિંગ આક્રમણના મહત્ત્વપૂર્ણ સભ્ય બુમરાહને સિડની ખાતેની ટેસ્ટમાં પેટના સ્નાયુ ખેંચાઇ જવાની ઇજા થઇ હતી. સ્કેન રિપોર્ટમાં આ બાબતનો ઘટસ્ફોટ થયો હતો. ભારતીય ટીમ મેનેજમેન્ટ ઘરઆંગણે ઇંગ્લેન્ડ સામે રમાનારી ચાર ટેસ્ટની શ્રેણીને ધ્યાનમાં રાખતા બુમરાહ અંગે કોઇ જોખમ લેવા માગતું નથી. બીસીસીઆઇના એક અધિકારીએ જણાવ્યું હતું કે સિડનીમાં ફિલ્ડિંગ કરતી વખતે બુમરાહને પેટના સ્નાયુ ખેંચાઇ જવાની ઇજા થઇ હતી. તે બ્રિસબેન ટેસ્ટમાંથી બહાર થઇ ગયો છે પરંતુ ઇંગ્લેન્ડ સામેની શ્રેણીમાં તે રમશે તેવી આશા છે.

પેસ બોલર બુમરાહની ઇજા ગંભીર નથી તે સાંભળીને ટીમ મેનેજમેન્ટને રાહત થઇ છે. જો કે મેનેજમેન્ટ બ્રિસબેન ટેસ્ટ માટે બુમરાહ અંગે કોઇ જોખમ લેવા માગશે નહીં કારણ કે જો તે ટેસ્ટની અધવચ્ચે વધારે ઇજાગ્રસ્ત બનશે તો વધારે ખોટી અસર પડશે. જો અમે બુમરાહને તેની 50 ટકા ફિટનેસ સાથે રમાડવાનું જોખમ ઉઠાવીએ અને તેની ઇજામાં વધારો થાય તો તે ઇંગ્લેન્ડ સામેની મોટા ભાગની શ્રેણીમાંથી પણ બહાર થઇ જશે. વર્લ્ડ ટેસ્ટ ચેમ્પિયનશિપની ફાઇનલને ધ્યાનમાં રાખતા ઇંગ્લેન્ડ સામેની શ્રેણી ભારતીય ટીમ માટે વધારે મહત્ત્વપૂર્ણ છે.

બુમરાહની ગેરહાજરીમાં બે ટેસ્ટનો અનુભવ ધરાવતો મોહમ્મદ સિરાજ નવા બોલનું આક્રમણ સંભાળશે. બ્રિસબેનમાં નવદીપ સૈની, શાર્દૂલ ઠાકુર તથા ટી. નટરાજન તેને સાથ આપશે. બુમરાહને નહીં રમાડવામાં આવે તો નટરાજનને પદાર્પણની તક મળશે. જો ભારત પાંચ બોલર સાથે મેદાનમાં ઊતરવાની રણનીતિ અપનાવશે તો પેસ બોલિંગ આક્રમણનો કુલ અનુભવ માત્ર ચાર ટેસ્ટનો થશે. સિરાજે બે, સૈનીએ એક તથા ઠાકુરે એક ટેસ્ટ રમી છે. નટરાજન હજુ સુધી એક પણ ટેસ્ટ રમ્યો નથી. સ્પિનરમાં વોશિંગ્ટન સુંદરને સ્થાન અપાય તેવી સંભાવના છે.

વધુ વાંચો
Advertisement
Advertisement

ટ્રેન્ડીંગ