Connect with us

રાજ્ય

રોપાઓનું વાવેતર (વૃક્ષારોપણ) નુકસાન કરે ?! નવો અભ્યાસ શું કહે છે ?

ખબર ગુજરાત

પ્રકાશિત

on

જામનગર-ગુજરાત સહિત દેશભરમાં વૃક્ષારોપણ અભિયાન હેઠળ ઘણાં લોકો અને પર્યાવરણ અંગે કામ કરતી એન.જી.ઓ. લાખો રોપાઓનું વાવેતર કરતી હોય છે. આપણે સૌ એવું દ્રઢપણે માનીએ છીએ કે, આ રીતે વૃક્ષારોપણ કરવાથી ધરતી લીલીછમ રહે છે, વરસાદને ખેંચી લાવે છે, પૃથ્વીના તાપમાનમાં  સંતુલન જળવાઈ છે અને વધુ વૃક્ષો વાવવાથી આપણું પર્યાવરણ વધુને વધુ શુધ્ધ બને છે. આ પ્રકારની જનસામાન્યની માન્યતાઓથી તદ્ન વિપરીત એવો એક નવો અભ્યાસ વૈજ્ઞાનિકોએ કર્યો છે. આ અભ્યાસમાં તારણો જાણવા જેવા છે.

એક નવો અભ્યાસ એમ કહે છે કે, વૃક્ષારોપણની ખરાબ અને કમજોર નીતિઓને કારણે લોકોના ટેકસના પૈસા બરબાદ થઈ રહ્યા છે. એક સરખા રોપાઓનું વાવેતર કરવાથી વૃક્ષોની ઘણી પ્રજાતિઓ ખતમ થઈ રહી છે અને સાથે સાથે પર્યાવરણમાં વધુ પ્રમાણમાં કાર્બન રિલીઝ થઈ રહ્યો છે.

આ અભ્યાસ સાયન્સ મેગેઝિન નેચર સસ્ટેનેબીલીટીમાં પ્રકાશિત થયો છે. આ અભ્યાસ એમ જણાવે છે કે, કુદરતી જંગલોની સરખામણીમાં વૃક્ષારોપણ અભિયાનમાં લગવવામાં આવેલા રોપાઓને કારણે પર્યાવરણને વધુ નુકસાન પહોંચી રહ્યું છે અને જૈવિક વિવિધતા ખતમ થઈ રહી છે. ઈન્ડિયાસ્પેન્ડ નામના મેગેઝિનમાં છપાયેલા લેખમાં જણાવ્યું છે કે, જંગલો પોતાની મેેળે બને છે ત્યારે  કાર્બનડાયોકસાઈડ જેવા ગ્રીનહાઉસ વાયુઓને ખતમ કરે છે. જે કલાઈમેટ ચેંજને રોકે છે અને તેથી દુનિયામાં કાર્બનનું પ્રમાણ ઓછું થાય છે પરંતુ, વૃક્ષારોપણથી  આ પ્રક્રિયાથી અવળી પ્રક્રિયા થાય છે એમ આ અભ્યાસમાં જણાવવામાં આવ્યું છે.

વર્લ્ડ ઈકોનોમી ફોરમની યોજના એવી છે કે, આખી દુનિયામાં જ્યાં પણ જંગલનો વિસ્તાર ઘટયો હોય ત્યાં ઓછામાં ઓછામાં એક લાખ કરોડ રોપાઓનું વાવેતર કરવામાં આવે. આ સાથે સંયુકત રાષ્ટ્ર સંઘ દ્વારા પણ વૃક્ષારોપણની પ્રવૃત્તિને વેગ આપવામાં આવે છે. આગામી 10 વર્ષ દરમિયાન વિશ્ર્વની 350 મિલીયન હેકટર જમીન પર વૃક્ષારોપણ કરવા માટેનું અભિયાન શરૂ કરવામાં આવ્યું છે.

પૃથ્વી પર અસ્તિત્વ ધરાવતા જંગલોને બચાવવાને બદલે આ પ્રકારના વૃક્ષારોપણ અભિયાનથી વનસ્પતિનું મોનો કલ્ચર વધે છે. મોનો કલ્ચર એટલે એક જ પ્રકારની પ્રજાતિના વૃક્ષોનું વાવેતર. વૃક્ષારોપણની પ્રવૃત્તિને કારણે જંગલ,  ઘાસના મેદાન અને પર્યાવરણિય ઈકો સિસ્ટમ બદલી રહી છે. અભ્યાસમાં એમ પણ જણાવવામાં આવ્યું છે કે, આ પ્રકારના તારણો ભારતમાં હાલ જે સ્થિતિ છે  તેની સાથે બંધ બેસતા છે. વૃક્ષારોપણના આ અભિયાનને કારણે લોકોના ટેકસના પૈસા બરબાદ થઈ રહ્યા છે એમ પણ અભ્યાસમાં જણાવવામાં આવ્યું છે. ભારતમાં  કેટલાંક વર્ષોથી કુદરતી જંગલોની બહાર આ રીતે નવા જંગલો બન્યા છે. ભારતમાં  2022 સુધીમાં દેશની કુલ જમીન પૈકી 33% જમીન પર જંગલો બનાવવા માટેની યોજના છે. હાલમાં દેશની 24% જમીન પર જંગલો છે. ભારતમાં ગુજરાત, તામિલનાડુ અને મહારાષ્ટ્ર જેવા કેટલાંક રાજ્યો એવા છે જે વૃક્ષારોપણ પાછળ કરોડો રૂપિયાનો ખર્ચ કરે છે અને સાથે-સાથે સબસિડી પણ આપે છે. ભારત સરકારની નીતિ પ્રમાણે રાજ્ય સરકારોે ઉદ્યોગો પાસેથી પૈસા લઇને આ પૈસાનો ખર્ચ વૃક્ષારોપણ પાછળ કરે છે એમ પણ અભ્યાસમાં જણાવવામાં આવ્યું છે. આ માટે સીએએમપીએ નામની ફંડ પ્લાનિંગ ઓથોરિટી ભારત સરકારના કેન્દ્રીય પર્યાવરણ મંત્રાલય હસ્તક બનાવવામાં આવી છે.

2020 ના જાન્યુઆરીમાં કોલંબિયા યુનિવર્સિટી તથા અમેરિકાની ધ નેચર ક્ધઝર્વેન્સી એ કર્ણાટકના મૈસુરના નેચર ક્ધઝર્વેશન ફાઉન્ડેશન સાથે મળીને આ અભ્યાસ કર્યો હતો. આ અભ્યાસમાં એમ પણ જણાવવામાં આવ્યું છે કે, અગાઉના વર્ષોમાં 1974 ની સાલથી 2012 ની સાલ સુધી ચીલી નામના દેશમાં સતત 38 વર્ષ સુધી વૃક્ષારોપણનું અભિયાન ચલાવવામાં આવ્યું હતું. આ અભિયાન માટે દેશવાસીઓએ પણ નાણાં આપ્યા હતાં. પરંતુ ચીલીના અભિયાનની વિશેષતા એ હતી કે, ચીલીમાં આ અભિયાન હેઠળ તમામ પ્રકારની પ્રજાતિના વૃક્ષોનું વાવેતર કરવામાં આવ્યું હતું.

રાજ્ય

ગુજરાત સરકારે જાહેર કરી નવી ઉદ્યોગ નીતિ: શું છે નવું જાણો…

ગુજરાત સરકારે જાહેર કરી નવી ઉદ્યોગ નીતિ: શું છે નવું જાણો…

ખબર ગુજરાત

પ્રકાશિત

on

ગુજરાતના મુખ્યમંત્રી વિજય રૂપાણીના શાસનને આજે 4 વર્ષ પૂર્ણ થયા છે. ત્યારે આ પ્રસંગે મુખ્યમંત્રી દ્વારા આજે રાજ્યની નવી ઉદ્યોગનીતિની જાહેરાત કરી છે. વિજય રૂપાણી અને ડેપ્યૂટી સીએમ નીતિન પટેલે એક પ્રેસ કોન્ફરન્સ કરીને લોકોને માહિતી આપી હતી. રાજ્યમાં નવી ઈન્ડસ્ટ્રીયલ પોલિસી વિશે મોટી જાહેરાત કરતા તેઓએ કહ્યું કે, ગુજરાત સરકાર નવા ઉદ્યોગોને સરકારી જમીન લીઝ પર અપાશે.

રૂપાણીએ જણાવ્યું હતું કે, રાજ્યમાં નવા ઉદ્યોગોને સરકારી જમીન લીઝ પર અપાશે. કોઈ પણ જગ્યાએ જમીનની કિંમત ભારે હોય છે. જે ઉદ્યોગો નવા આવશે તેને સરકારી જમીન ઉપર આપવામાં આવશે. જમીન 6 ટકા લેખે બજાર ભાવ પ્રમાણે.આપવામા આવશે. 5 કરોડની સહાય પણ આપવામાં આવશે. વર્લ્ડ બેંકની હાઉસિંગ સિસ્ટમ બને તેના માટે પણ આર્થિક સહાયતા આપશે. ૨૫ ટકા જગ્યા ૪૦ ટકા કરવામાં આવશે, જેમાં ૫૦ કરોડની ઓફર સીલીંગ રહેશે.

31 ડિસેમ્બર 2019 ના રોજ ઉદ્યોગ નીતિ પૂરી થઈ છે. જેને 31 ડિસેમ્બર, 2020 સુધી લંબાવવામાં આવી હતી. રાજ્યના સર્વાંગી વિકાસ માટે અધિક વિકાસ ને સમર્થન મળ્યું હતું. ભારત સરકારના જાહેર કરેલા આંકડા પ્રમાણે 49 મિલીયન ડોલર યુએસનું મૂડીરોકાણ દેશની સરખામણીમાં ગુજરાતમાં આવ્યું હતું. જેથી ગુજરાત નંબર વન બન્યું છે.

 

ગુજરાતમાં રોકાણમાં 333% પણ વધારો થયો છે. ભારતમાં વધારો 48 ટકા હતો જ્યારે ગુજરાતનો વધારો 333% હતો. ભારત સહિત ઈન્ટરનેશનલ આંકડાકીય મુખ્ય પ્રમાણે સમગ્ર દેશમાં બેરોજગારી દર સૌથી નીચો ૩.૪ ટકા છે. ગુજરાતના msme માં વધારો થયો છે. અન્ય રાજ્યો કરતાં ગુજરાત ભારતના કુલ રાજ્યો ઉત્પાદનમાં 17 ટકા સાથે ગુજરાત નંબર વન છે. ગુજરાતે જીડીપી માં 13 ટકા વૃદ્ધિ મેળવી છે.

વધુ વાંચો

રાજ્ય

જાલિયાદેવાણી અને ધુનડામાં ધોધમાર સાડા ચાર ઈંચ વરસાદ

લાલપુરમાં વીજળીના કડાકા ભડાકા સાથે બે ઈંચ ખાબકયો : જોડિયા અને જામજોધપુરમાં એક-એક ઈંચ : જામનગર-કાલાવડમાં ધીમી ધારે અડધો ઈંચ પાણી વરસ્યું 

ખબર ગુજરાત

પ્રકાશિત

on

જામનગર શહેર-જિલ્લામાં છેલ્લાં 24 કલાક દરમિયાન સામાન્ય ઝાપટાંથી સાડા ચાર ઈંચ જેટલો વરસાદ વરસ્યો હતો. હવામાન વિભાગની આગાહી અનુસાર જિલ્લામાં સાર્વત્રિક મેઘમહેર થઈ હતી. જેમાં લાલપુરમાં બે, જોડિયામાં તથા જામજોધપુરમાં એક-એક ઈંચ પાણી પડયું હતું. જ્યારે જામનગર-કાલાવડમાં વધુ અડધો-અડધો ઇંચ વરસાદ વરસ્યો છે. જ્યારે ધ્રોલ તાલુકાના જાલિયાદેવાણી અને જામજોધપુર તાલુકાના ધૂનડામાં સાડા ચાર ઈંચ વરસાદ ખાબકયો હતો.

હવામાન વિભાગની આગાહી મુજબ, જામનગર જિલ્લામાં મેઘમહેર થઈ હતી. જેમાં જિલ્લાના મુખ્ય તાલુકા મથકો પૈકીના લાલપુરમાં વધુ બે ઈંચ પાણી  પડયું હતું. જ્યારે જોડિયાની જામજોધપુરમાં એક-એક ઈંચ તથા જામનગર અને કાલાવડમાં અડધો-અડધો ઈંચ વરસાદ વરસ્યો હતો. ઉપરાંત ધ્રોલમાં સામાન્ય ઝાપટું પડયું હતું. જામનગર જિલ્લામાં પડેલા વરસાદમાં ધ્રોલ તાલુકાના જાલિયાદેવાણીમાં અને જામજોધપુરના ધૂનડા ગામમાં વીજળીના કડાકા-ભડાકા સાથે ધોધમાર સાડા ચાર ઈંચ વરસાદ ખાબકયો હતો અને જામનગરના ધુતારપર, લાલપુરના મોટા ખડબા અને કાલાવડ તાલુકાના ભલસાણ બેરાજામાં સાડા ત્રણ ઈંચ વરસાદ વરસ્યો છે. જ્યારે જામજોધપુર તાલુકાના જામવાડી, પરડવા, ધ્રાફા, શેઠવડાળામાં સવા બે – સવા બે ઇંચ વરસાદ વરસ્યો છે તેમજ લાલપુરના ડબાસંગ, ભણગોર, કાલાવડના ખરેડી, જામનગરના અલિયાબાડામાં પોણા બે ઈંચ વરસાદ પડયો છે અને લાલપુર તાલુકાના પીપરટોડા, પડાણા અને મોડપર, જામજોધપુરના સમાણા, કાલાવડના નવાગામ, જામનગરના ફલ્લા, જામવણથલી, વસઈ, લાખાબાવળમાં એકથી સવા ઈંચ વરસાદ પડયાના અહેવાલ છે. ઉપરાંત જામનગરના મોટી બાણુંગર, કાલાવડના મોટા વડાળા અને પાંચદેવડા, નિકાવા, જામજોધપુરના વાંસજાળિયામાં એક-એક ઈંચ પાણી વરસ્યું છે તથા જામનગર તાલુકાના દરેડ, જોડિયાના હડિયાણા, બાલંભા, પીઠડ, ધ્રોલના લૈયારામાં અડધો-અડધો ઈંચ ઝાપટારૂપે વરસાદ પડયો છે.

વધુ વાંચો

રાજ્ય

અમદાવાદ મંડળ ને મળ્યું ભારતીય રેલ્વે નું સૌથી શક્તિશાળી ઇલેક્ટ્રીક એન્જિન

ખબર ગુજરાત

પ્રકાશિત

on

ભારત સરકાર ની મેક ઇન ઈન્ડિયા યોજના અંતર્ગતપૂર્ણ રીતે દેશ માં બનેલું ભારતીય રેલ નું અત્યાર સુધીનું સર્વાધિક શક્તિશાળી રેલ એન્જિન WAG-12 ત્રણ દિવસ માટે અમદાવાદ મંડળ ને મળ્યું છે જ્યાં આને સફળતા પૂર્વક ચલાવવા માટે સબંધિત સ્ટાફ ને આવશ્યક પ્રશિક્ષણ પણ આપવામાં આવી રહ્યું છે

અમદાવાદ મંડળ ના મંડળ રેલ પ્રબંધક  દિપક કુમાર ઝા એ જણાવ્યુ કે માનનીય પ્રધાનમંત્રી ના આત્મનિર્ભર ભારત ના સપના ને સાકાર કરતાં આ અત્યાર સુધીનું સૌથી શક્તિશાળી રેલ એન્જિન છે જે 12000 હોર્સ પાવર નું છે તથા 6000 ટન ક્ષમતા ની માલગાડીને 100 KMPH ની ક્ષમતા થી ટ્રેક પર દોડી શકે છે અને આમાં હાઈરાઇજ પેંટોગ્રાફ છે. વર્તમાન માં આને અમદાવાદ મંડળ ના 100 લોકોપાયલોટ અને સહાયક લોકો પાયલોટ ને ટ્રેનીંગ આપવાનું લક્ષ્ય નિર્ધારિત કરવામાં આવ્યું છે.અત્યાર માં આ4 રેલ એન્જિન ગેરતપુર-સુરેન્દ્રનગર તથા બોટાદ-ધોળા જં રેલ ખંડો માં કાર્ય કરશે તથા સબંધિત મંજૂરી મળ્યા પછી આને અમદાવાદ-પાલનપુર તથા અમદાવાદ-ગાંધીધામ રેલખંડો પર ચલાવવામાં આવશે.

શ્રી ઝા ના અનુસાર આ રેલ એન્જિન નું નિર્માણ મધેપુરા ઇલેક્ટ્રીક લોકોમોટિવ પ્રા.લિ માં કરવામાં આવી રહ્યું છે તથા આ 1GBT બેસ 3 ફેજ ડ્રાઈવ તથા 12000 HP ની વીજળી નું એન્જિન છે જેનાથી આવનારા સમય માં પૂર ઝડપે માલગાડીઓ દોડાવવામાં આવશે તથા ટ્રેક પર ટ્રેનો નું સંચાલન સુગમતા પૂર્વક કરી શકાશે તથા કાર્ગો સ્પીડ વધશે અને રોડ ટ્રાફિક ને પુન: રેલ્વે તરફ આકર્ષિત કરવામાં સહાયક થશે. આ અત્યાધુનિક રેલ એન્જિન ના પરિચાલન થી ડીઝલ અને વિદેશી મુદ્રા ની બચત થશે તથા એર પોલ્યુશન તથા કાર્બન ફૂટપ્રિંટ બને ઓછું થઈ શકશે.ભારતીય રેલ્વે માં જ્યાં ટ્રેક પર વળાંક અને ચઢાઈ થાય છે તથા લોડ પર બેકિંગ પાવર ની જરૂરત પડે છે આ એન્જિન થી તે નિર્ભરતા સમાપ્ત થઈ જશે તથા એકલું આ પોતાની જાતે 6000 ટન ક્ષમતા ની માલગાડી ને પૂરી સ્પીડ થી ચલાવવામાં સક્ષમ છે.

વરિષ્ઠ મંડળ વીજળી એન્જિનિયર એ.સુંદરેસન એ જણાવ્યુ કે ભારત દુનિયા નો છઠ્ઠો આવો દેશ જ્યાં આ શક્તિશાળી રેલ એન્જિન નું પરિચાલન કરવામાં આવી રહ્યું છે.આની નોર્મલ સ્પીડ 100 KMPH છે જેને 120 KMPH પર ચલાવી શકાય છે.આ લોકો ની લંબાઈ 35 મીટર છે તથા આમાં એક હજાર લીટર હાઇ કંપ્રેશર કેપેસિટી ના બે ટેંક છે.આ રેલ એન્જિન ના આવવાથી ઘાટ સેક્શન માં બે એન્જિન લગાવવા માથી પણ મુક્તિ મળશે.

વધુ વાંચો

ટ્રેન્ડીંગ