દેવભૂમિ દ્વારકા જિલ્લાની 26મી જાન્યુઆરી-2021, પ્રજાસતાક પર્વની જિલ્લા કક્ષાની ઉજવણી પોલીસ પરેડ ગ્રાઉન્ડ ખંભાળીયા ખાતે કરવામાં આવશે. આજે ઉજવણીના આયોજન અંગે કલેકટર ડો.નરેન્દ્રકુમાર મીનાના અધ્યક્ષ સ્થાને કલેકટર કચેરીના સભાખંડમાં બેઠક યોજાઇ હતી.
બેઠકમાં કલેકટર ડો.નરેન્દ્રકુમાર મીનાએ બેઠક વ્યવસ્થા, પ્રવેશ તથા બહાર જવાના રસ્તાની બાબતો, વાહન પાર્કિગની વ્યવસ્થા, સાંસ્કૃતિક કાર્યક્રમો, લાઇટ, મંડપ સાઉન્ડ, પાણીની વ્યવસ્થા, વૃક્ષારોપણ તેમજ કાયદો અને વ્યવસ્થા જાળવવા વગેરે બાબતો વિશે ચર્ચા કરી લગત વિભાગ/કચેરીઓને જરૂરી સુચનો કર્યા હતા.
આ બેઠકમાં જિલ્લા પોલીસ વડા સુનીલ જોષી, જિલ્લા વિકાસ અધિકારી ડી.જે.જાડેજા, અધિક નિવાસી કલેકટર કે.એમ.જાની, પ્રાંત અધિકારી ગુરવ, ખંભાળીયા મામલતદાર લુકકા સહિત સંકલન સમિતિના અધિકારીઓ /પ્રતિનિધિઓ ઉપસ્થિત રહયા હતા.
