Connect with us

ગુજરાત

એફિડેવિટમાં ખુલાસો : જામનગરની જી.જી.હોસ્પિટલ-મેડિકલ કોલેજમાં 72 ટકા જગ્યાઓ ખાલી !

ખબર ગુજરાત

પ્રકાશિત

on

ગુજરાતની આરોગ્યલક્ષી આંતરમાળખાકિય સુવિધાનો મામલો વધુ એક વખત હાઇકોર્ટમાં પહોંચ્યો છે. આ મુદ્દે એક ધારાશાસ્ત્રી દ્વારા સોગંદનામાના રૂપમાં એક જાહેર હિતની અરજી કરવામાં આવી છે. આ અરજીમાં તબીબી આંતરમાળખાકિય સુવિધાનો મુદો ઉઠાવવામાં આવ્યો છે.

થોડા સમય પહેલાં પ્રચારપ્રસાર માધ્યમોમાં એવી વિગતો જાહેર થઇ હતી કે, ગુજરાતમાં આરોગ્યક્ષેત્રમાં ઘણા અધિકારીઓ અને કર્મચારીઓની જગ્યાઓ ખાલી છે. ત્યારબાદ હાઇકોર્ટ દ્વારા આ અંગે સરકાર પાસેથી વિગતો પણ માંગવામાં આવી હતી. પરંતુ જાહેરહિતની અરજી કરનાર આ ધારાશાસ્ત્રીનો દાવો એવો છે કે, સરકારે હેલ્થ સેકટર અંગે વડી અદાલતમાં રજૂ કરેલી માહિતીઓ રાજયના આરોગ્ય ક્ષેત્રનું સાચું ચિત્ર દર્શાવતી નથી. અરજીમાં એવો પણ દાવો કરવામાં આવ્યો છે કે, રાજયના તબીબી શિક્ષણ વિભાગમાં સરકારે ઘણી બધી નિમણુંકો માત્ર હંગામી ધોરણે કરી છે. ગુજરાત સરકારના પોર્ટલ ઉપરાંત આરટીઆઇ દ્વારા મેળવવામાં આવેલી માહિતીને આધાર બનાવીને અરજીમાં એમ જણાવવામાં આવ્યું છે કે, તબીબી ક્ષેત્રમાં ખાલી જગ્યાઓને લીધે રાજયના આરોગ્ય ક્ષેત્રને મોટી નુકસાની થઇ રહી છે. ગુજરાતની 68 ટકા વસ્તી ગ્રામ્ય વિસ્તારોમાં અને 32 ટકા વસ્તી શહેરોમાં રહે છે. તેની સામે સરકાર દ્વારા 80 ટકા તબીબોની નિયુકિત્ત શહેરી વિસ્તારોમાં અને માત્ર 20 ટકા નિયુકિત્ત ગ્રામ્ય વિસ્તારોમાં કરવામાં આવે છે.

રાજયના ગ્રામ્ય વિસ્તારોમાં આવેલા સીએચસીમાં 90 ટકા નિષ્ણાંત તબીબોની જગ્યાઓ ખાલી છે, 88 ટકા સુપ્રિન્ટેન્ડન્ટની જગ્યાઓ ખાલી છે, વર્ગ-1ના નિષ્ણાંતોની 80 ટકા જગ્યાઓ ખાલી છે, વર્ગ-રના 19 ટકા અને વર્ગ-3ના દાંતના ડૉકટરોની 24 ટકા જગ્યાઓ સામૂહિક આરોગ્ય કેન્દ્રોમાં ખાલી છે.

અમદાવાદ મ્યુનિસિપલ કોર્પોરેશન દ્વારા ચલાવવામાં આવતી હોસ્પિટલોમાં 3,382 જગ્યાઓ પૈકી 985 જગ્યાઓ ખાલી છે, આ ઉપરાંત તબીબી શિક્ષણ આપતી હોસ્પિટલોમાં 59 ટકા જગ્યાઓ ખાલી છે, જામનગરની જી.જી. હોસ્પિટલ અને મેડિકલ કોલેજમાં 72 ટકા જગ્યાઓ ખાલી છે, વડોદરાની સિવિલ હોસ્પિટલમાં 50 ટકા જગ્યાઓ ખાલી છે, રાજયમાં તબીબી શિક્ષણના વિભાગમાં મંજૂર થયેલી 2,544 જગ્યાઓ પૈકી 756 જગ્યાઓ ખાલી હોવાનું આ એફિડેવીટમાં જણાવવામાં આવ્યું છે.

ગુજરાત

CM રૂપાણી એ મોઢેરામાં ઉત્તરાર્ધ મહોત્સવ ખુલ્લો મુક્યો

ખબર ગુજરાત

પ્રકાશિત

on

સમગ્ર વિશ્વમાં પ્રસિદ્ધ એવા ઐતિહાસિક મોઢેરા સૂર્યમંદિર (Modhera Sun Temple)ના પ્રાંગણમાં દર વર્ષની જેમ આ વખતે પણ રાજ્ય સરકાર દ્વારા ‘ઉત્તરાર્ધ મહોત્સવ’ (uttarardh mahotsav 2021)નો પ્રારંભ થયો. કોરોના મહામારી વચ્ચે આજરોજ રાજ્યના મુખ્યમંત્રી વિજયભાઈ રૂપાણી (CM Vijay Rupani) દ્વારા ગાંધીનગરથી ઇ લોકાપર્ણ કરવામાં આવ્યું હતું. સીએમ વિજય રૂપાણીએ કહ્યું કે, શિલ્પ કલાના ઉત્કૃષ્ટ સ્થાપત્યો ગુજરાતમાં આગવું સ્થાન ધરાવે છે. સૂર્ય મંદિરનો વરસાદનો વાયરલ વિડીયો 33 મિલિયન લોકોએ નિહાળ્યો હતો. સંગીત,નૃત્ય અને કલા સ્થાપત્યનો ત્રિવેણી સંગમ એટલે જ ઉત્તરાર્ધ મહોત્સવ. ફૂલ ગુલાબી ઠંડી વચ્ચે કલા અને સ્થાપત્ય સાથે નૃત્યના આ અનોખા સંગમનો નજારો આજે મોઢેરા સૂર્ય મંદીર ખાતે જોવા મળ્યો હતો.

મોઢેરા સુર્યમંદિરના પટાંગણમાં વિવિધ નૃત્ય પ્રદર્શન કરી નૃત્યકારોએ પ્રાચીન શૈલીને જીવંત રાખવાનો પ્રયાસ હાથ ધર્યો હતો. કલાકારો અને સ્થાનિક વહીવટી તંત્ર દ્વારા ખૂબ સુંદર તૈયારીઓ કરવામાં આવી હતી. મોઢેરા સૂર્ય મંદિર, સૂર્ય કુંડને આબેહૂબ રંગબેરંગી રોશની કરવામાં આવી હતી, જેનાથી મંદિર અને મંદિર પરિસર સોળે કળાએ ખીલી ઉઠ્યું હતું. રોશનીથી ઝગમગાટ સૂર્ય મંદિર ઉપસ્થિત સૌ કોઈ માટે આકર્ષણનું કેન્દ્ર બન્યું હતું.

પ્રાચીન નગરી મોઢેરા ખાતે આ સૂર્ય મંદિરના વર્ષો જુના સ્થાપત્યને લોકો જુવે અને આ મંદિર પરિસરમાં કલાના કામણ પાથરીને સૂર્ય દેવની અર્ચના શાસ્ત્રીય નૃત્ય દ્વારા કરવામાં આવે અને કલાકારોને સારું પ્લેટફોર્મ મળી રહે તે આશયથી રાજ્ય સરકાર દ્વારા આ ઉત્તરાર્ધ મહોત્સવનો પ્રારંભ આજે કરવામાં આવ્યો હતો, જેમાં કલાકારોએ જુદી જુદી પોતાની કલાના કામણ પાથરીને લોકોને મંત્રમુગ્ધ કરી દીધા હતા. દર વર્ષે 2 દિવસ માટે આ મહોત્સવ ઉજવાય છે, પરંતુ આ વર્ષે કોરોનાના કારણે ફફ્ત 1 દિવસ ઉજવણી કરવામાં આવી હતી. તેમાં પણ ફફ્ત આમંત્રિત મહેમાનોને પ્રવેશ અપાયો હતો અને લોકો ઘરે બેસી આ કાર્યકમ નિહાળી શકે તે માટે તંત્ર દ્વારા વ્યવસ્થા કરાઈ હતી.

વધુ વાંચો

ગુજરાત

હંગામી બઢતી સાથે અધિકારીઓની નિયુકિત

ખબર ગુજરાત

પ્રકાશિત

on

રાજયના આરોગ્ય અને પરિવાર કલ્યાણ વિભાગ દ્વારા રાજયના આરોગ્ય વિભાગના 18 અધિકારીઓને હંગામી ધોરણે નવા સ્કેલ સાથે બઢતી આપી વિવિધ જિલ્લામથકોએ નિયુકિત કરવામાં આવી છે.

જામનગરમાં આરસીએચઓ તરીકે ફરજ બજાવતા ડો.એ.જી.બથવારને મુખ્ય આરોગ્ય અધિકારી તરીકે બઢતી આપવામાં આવી છે. આ ઉપરાંત વડોદરાના ડો.આર.આર.ફિનાવકરને વડોદરાથી બઢતી આપી દ્વારકા જિલ્લાના મુખ્ય આરોગ્ય અધિકારી તરીકે તથા પોરબંદરના આરસીએચઓ ડો.કે.જે.દવેને પોરબંદરના મુખ્ય જિલ્લા આરોગ્ય અધિકારી તરીકે બઢતી આપવામાં આવી છે.

વધુ વાંચો

ગુજરાત

રાજ્યમાં 13 ખાણ ખનિજ અધિકારીની તત્કાલિક અસરથી સામુહિક બદલી

દ્વારકા જિલ્લામાં અંજારથી ઘનશ્યામ અરેઠિયા મુકાયા

ખબર ગુજરાત

પ્રકાશિત

on

ગુજરાત રાજ્યના જિલ્લા જુદા-જુદા જિલ્લાઓમાં ફરજ બજાવતા મદદનીશ ભૂસ્તરશાસ્ત્રી વર્ગ-2ના અધિકારીઓની સામૂહિક બદલીના ઓર્ડર ગઈકાલે શુક્રવારે રાજ્યકક્ષાએથી થયા છે. જેમાં અંજાર (કચ્છ- પૂર્વ)ના ઘનશ્યામ અરેઠીયાને દેવભૂમિ દ્વારકા જિલ્લાનો ચાર્જ સોંપવામાં આવ્યો છે. આ ઉપરાંત ગીર સોમનાથના જગદીશભાઈ વાઢેરને રાજકોટ, પંચમહાલના એમ.એચ. શેખને નર્મદા, આણંદના વિપુલ સોલંકીને મુખ્ય કચેરી- ગાંધીનગર, સુરતના એ.ડી. ચૌધરીને વલસાડ, બનાસકાંઠાના મિત પરમારને મહેસાણા, સુરેન્દ્રનગરના કિરણ પરમારને આણંદ, પોરબંદરના વાય.કે. મહેતાને ભુજ (કચ્છ- પશ્ચિમ) મુખ્ય કચેરી- ગાંધીનગરના મન ચૌધરીને અરવલ્લી, મહિસાગરના રવિ મિસ્ત્રીને મુખ્ય કચેરી- ગાંધીનગર, જૂનાગઢના યશ જોશીને મુખ્ય કચેરી- ગાંધીનગર, જ્યારે ગાંધીનગર સ્થિત મુખ્ય કચેરીના આર્જવ શુક્લાને બોટાદ તથા સુરતના પીઆર સિંગને અંજાર (કચ્છ- પૂર્વ) ખાતે મુકવામાં આવ્યા છે.

વધુ વાંચો
Advertisement
Advertisement

ટ્રેન્ડીંગ