Connect with us

રાષ્ટ્રીય

જૂનમાં કોર સેકટરનાં ગ્રોથમાં સતત ચોથા મહિને ઘટાડો

ઉત્પાદનમાં 15 ટકાનો ઘટાડો

ખબર ગુજરાત

પ્રકાશિત

on

દેશનાં ૮ ચાવીરૂપ ઉદ્યોગોમાં સતત ચોથા મહિને ઘટાડાનું વલણ ચાલુ રહ્યું હતું. જૂન મહિનામાં ૮ કોર સેક્ટરનો ગ્રોથ નકારાત્મક રહ્યો હતો અને ઉત્પાદનમાં ૧૫ ટકાનો ઘટાડો નોંધાયો હતો. ખાસ કરીને કોલસો, ક્રૂડ ઓઇલ, નેચરલ ગેસ, સ્ટીલ, સિમેન્ટ અને ઇલેક્ટ્રિસિટીના ઉત્પાદનમાં ગાબડાં પડયા હતા.

જો કે ગયા વર્ષે આ જ મહિનામાં ૮ કોર સેક્ટરનો ગ્રોથ રેટ ૧.૨ ટકા રહ્યો હતો મે મહિનામાં ચાવીરૂપ ૮ ઉદ્યોગોનો ગ્રોથ રેટ ૨૨ ટકા ઘટયો હતો.   જૂન મહિનામાં ૮ પૈકી એકમાત્ર ફર્ટિલાઇઝર સેક્ટરની કામગીરી નોંધપાત્ર રહી હતી.

એપ્રિલથી જૂનનાં ત્રિમાસિક ગાળામાં આ આઠ સેક્ટરનો ગ્રોથ રેટ ૨૪.૬ ટકા ઘટયો હતો. ઇન્ડેક્સ ઓફ ઇન્ડસ્ટ્રિયલ પ્રોડક્શન (IIP)માં આ આઠ સેક્ટરનો હિસ્સો ૪૦.૨૭ ટકા છે.

કયા ક્ષેત્રમાં ઉત્પાદન કેટલું ઘટયું ? તેના આંકડા આ મુજબ છે.

કોલસો માઈનસ  ૧૫.૫ ટકા, ક્રૂડ ઓઇલ માઈનસ ૬ ટકા, નેચરલ ગેસ માઈનસ ૧૨ ટકા, રિફાઇનરી માઈનસ ૮.૯ ટકા, સ્ટીલ માઈનસ ૩૩.૮ ટકા, સિમેન્ટ માઈનસ ૬.૯ ટકા, ઇલેક્ટ્રીસિટી માઈનસ ૧૧ ટકા, એકમાત્ર ફર્ટિલાઇઝરની કામગીરી નોંધપાત્ર રહી છે.

રાષ્ટ્રીય

બાંગ્લાદેશ માટે પહેલી પાર્સલ ટ્રેન ગુજરાતથી જશે

આ ટ્રેનથી રેલવેને 31 લાખ રૂપિયાની આવક થશે

ખબર ગુજરાત

પ્રકાશિત

on

પશ્ર્ચિમ રેલ્વેએ ગુજરાતના અમદાવાદ મંડળથી બાંગ્લાદેશ માટેની પહેલી પાર્સલ સ્પેશિયલ ટ્રેન ચલાવવાનો નિર્ણય કરીને એક અનોખી સિદ્ધિ પ્રાપ્ત કરી છે. આ ટ્રેનનું લોડિંગ 8 ઓગસ્ટ 2020 ના રોજ પશ્ર્ચિમ રેલ્વે અંતર્ગત અમદાવાદ મંડળના કાંકરિયા યાર્ડ ખાતે શરૂ થયું છે અને લોડિંગ પૂર્ણ થયા પછી રવાના થવાની સંભાવના છે. પશ્ર્ચિમ રેલ્વેના મહાપ્રબંધક આલોક કંસલ અને પ્રમુખ મુખ્ય પરિચાલન પ્રબંધક શૈલેન્દ્ર કુમારના માર્ગદર્શન હેઠળ અમદાવાદ મંડળની નવગઠિત બિઝનેસ ડેવલપમેન્ટ યુનિટની આ અનોખી ઉપલબ્ધી ભારતીય રેલ્વે પર પાર્સલ કારોબારના ક્ષેત્રમાં એક સીમા ચિહનરૂપ સાબિત થશે.

બાંગ્લાદેશના બેનોપોલ સ્ટેશન માટે અમદાવાદ પાર્સલ કાર્યાલયમાં વીપીયુ રેક માટે 20 વીપીયુ અને 1 એસએલઆરનું ઇન્ડેન્ટ હાલમાં જ જારી કરવામાં આવ્યું છે. આ રેકમાં ભરવામાં આવનાર આવશ્યક સામગ્રી એકત્રિત કરવાની મંજૂરી 8 ઓગસ્ટ, 2020 સુધી આપવામાં આવી છે.આ રેકમાં ભરવાની વસ્તુઓમાં 15 વીપીયુમાં ડેનિમ કાપડ અને 5 વીપીયુમાં રંગવા માટે ઉપયોગમાં આવતી સામગ્રી લોડ કરવામાં આવશે.આવો ટ્રાફિક અમદાવાદ મંડળમાં પહેલીવાર સુનિશ્ર્ચિત કરવામાં આવ્યો છે અને તેનાથી લગભગ 31 લાખ રૂપિયાનું રાજસ્વ પ્રાપ્ત થશે. બાંગ્લાદેશ માટે અમદાવાદ મંડળની આ પહેલી પાર્સલ સ્પેશિયલ ટ્રેન છે, જે બાંગ્લાદેશના બેનાપોલ સુધી પહોંચવા માટે 2110 કિલોમીટરનું અંતર કાપશે.

વધુ વાંચો

રાષ્ટ્રીય

બાબા રામદેવની પતંજલિને મદ્રાસ હાઇકોર્ટે ફટકાર્યો રૂા.10 લાખનો દંડ

કોરોનીલ દવાના ટ્રેડમાર્કના ઉપયોગ ઉપર પણ રોક

ખબર ગુજરાત

પ્રકાશિત

on

મદ્રાસ હાઈકોર્ટે બાબા રામદેવની પતંજલિ આર્યુવેદ અને દિવ્ય યોગ મંદિર ટ્રસ્ટ વિરુદ્ધ 10 લાખ રૂપિયાનો દંડ ફટકાર્યો છે. હાઈકોર્ટે આ દંડ patanjiali ayurvedના એ દાવા પર લગાવ્યો છે કે, જેમાં કહેવામાં આવ્યું હતું કે એનું આર્યુવેદિક સુત્રીકરણ coronilકોરોના વાયરસને ઠીક કરી શકે છે. આ પહેલા મદ્રાસ હાઈકોર્ટે કોરોનાની સારવાર માટે બહાર પાડવામાં આવેલી coronil દવાના ટ્રેડમાર્કના ઉપયોગ પર રોક લગાવી દીધી હતી.

દંડ ફટકારવાની સાથે સાથે હાઈકોર્ટે જણાવ્યું હતું કે, તે રોગચાળાથી ડરી ગયેલા લોકોનો ફાયદો લઇને કોરોના ઉપચારના નામે શરદી, ખાંસી અને તાવ માટે રોગપ્રતિકારક શક્તિ બૂસ્ટર વેચીને પૈસા કમાવવાનો ધંધો કરવા માગતા હતા. કોર્ટના આદેશમાં કહેવામાં આવ્યું છે કે આ આપદા સમયે આવી ઘણી સંસ્થાઓ છે જે લોકોને નિસ્વાર્થ મદદ કરી રહી છે.

આવા કિસ્સામાં પ્રતિવાદીએ તે સંસ્થાઓને દંડની રકમ આપવી જોઈએ. રામદેવે બુધવારે દાવો કર્યો હતો કે, પતંજલિ આયુર્વેદ કોરોનિલની માંગને પહોંચી વળવા માટે સંઘર્ષ કરી રહી છે. હમણાં સુધી તે દરરોજ માત્ર 1 લાખ પેકેટો સપ્લાય કરી શકે છે. તેમણે કહ્યું કે આજે કોરોનિલના 10 લાખ પેકેટની માંગ કરવામાં આવી રહી છે, પરંતુ અમે ફક્ત એક જ લાખ પેકેટો પહોંચાડી શકીએ છીએ. બાબએ એવું પણ કહ્યું હતું કે અમે કોરોનિલના એક પેકેટની કિંમત માત્ર 500 રૂપિયા જ રાખી હતી, જો 5000 રાખતા તો અત્યારે 5 હજાર કરોડ કમાઈ શકતા હતા. પરંતુ અમે એવું ન કર્યું.

વધુ વાંચો

રાષ્ટ્રીય

CA એક્ઝિક્યુટિવ એન્ટ્રન્સ ટેસ્ટ વિદ્યાર્થીઓ ઘરે બેઠાં આપી શકશે

સ્માર્ટફોન કે ટેબલેટ માં પરિક્ષ નહી આપી શકાય

ખબર ગુજરાત

પ્રકાશિત

on

દેશમાં હાલની પરિસ્થિતિ જોઈને ઇન્સ્ટિટ્યૂટ ઓફ કંપની સેક્રેટરીઝ ઓફ ઇન્ડિયા(ICSI)એ નવી રીતે પરીક્ષા લેવાનો નિર્ણય કર્યો છે. ICSI CA એક્ઝિક્યુટિવ એન્ટ્રન્સ ટેસ્ટ 29 ઓગસ્ટે લેવાની હતી, પરંતુ કોરોના મહામારીને લીધે હવે વિદ્યાર્થીઓ ઘરે બેસીને પણ પરીક્ષા આપી શકશે. ઇન્સ્ટિટ્યૂટ વિદ્યાર્થીઓની ઓનલાઈન પરીક્ષા લેશે.

આ વર્ષે પરીક્ષા જુલાઈ મહિનામાં લેવાની હતી, પરંતુ કોરોનાને લીધે પરીક્ષા મોકૂફ રાખી હતી. ઓનલાઈન પરીક્ષા માટે ICSI એ નોટિફિકેશન પણ જાહેર કર્યું છે. આ નોટિફિકેશન પ્રમાણે વિદ્યાર્થીઓ ઘરે કે અન્ય કોઈ સુવિધાવાળી જગ્યા પર લેપટોપ કે ડેસ્કટોપમાં પરીક્ષા આપી શકશે. જો કે, આ પરીક્ષા સ્માર્ટફોન કે ટેબલેટથી નહિ આપી શકાય.

CSEET ઓનલાઈન ટેસ્ટમાં મલ્ટીપલ ચોઈસ ક્વેશ્ચન(MCQ)પૂછવામાં આવશે. પરીક્ષામાં 50-50 માર્ક્સના કુલ 4 પેપર હશે. તેમાં કરંટ અફેર્સ, પ્રેઝન્ટેશન, રિઝનિંગ અને કમ્યુનિકેશન સ્કિલ્સના સેક્શન સામેલ હશે. દરેક 4 પેપરમાં સવાલોની સંખ્યા 140 હશે. તેમાં બિઝનેસ કમ્યુનિકેશનના 35 પ્રશ્નો, લીગલ એપ્ટીટ્યૂડ એન્ડ લોજિકલ રિઝનિંગના 35 પ્રશ્નો, ઇકોનોમિક એન્ડ બિઝનેસ એન્વાયરમેન્ટમાંથી 35 પ્રશ્નો અને કરંટ અફેર્સના 15 પ્રશ્નો તથા પ્રેઝન્ટેશન એન્ડ કમ્યુનિકેશન સ્કિલમાંથી 20 પ્રશ્નો હશે.

વધુ વાંચો

ટ્રેન્ડીંગ