Connect with us

રાષ્ટ્રીય

મોદીની ચાલને સમજવામાં થાપ ખાઇ ગયું ચાલાક ચીન !

ખબર ગુજરાત

પ્રકાશિત

on

2014 થી 2020- પ્રધાનમંત્રી નરેન્દ્ર મોદી એ એક આખું સર્કલ પૂર્ણ કરી લીધું છે. 2014માં પ્રધાનમંત્રી જાપાનની મુલાકાતે ગયાં હતાં. 2014માં તેઓએ કરેલું ભાષણ આજે 2020માં ઘણાં લોકોને યાદ આવી રહ્યું છે.

2014ની પહેલી સપ્ટેમ્બરે પ્રધાનમંત્રી નરેન્દ્ર મોદી જાપાનના પાટનગર ટોકીયોમાં હતાં. ટોકીયોમાં તેઓની પ્રધાનમંત્રી તરીકે દ્રિપક્ષીય સંબંધો મજબુત બનાવવાની જાપાનની તેઓની પ્રથમ મુલાકાત હતી.

પ્રધાનમંત્રી એ 2014માં ત્યારે જે ભાષણ આપેલું તેના અમુક અંશો અત્રે હિન્દી ભાષાંતરમાં પ્રસ્તુત છે. મોદી બોલ્યા હતાં : કિસી દેશ મેં એન્ક્રોચમેન્ટ કરના, કહીં સમુંદરમે ધુસ જાના, કભી કિસી દેશકે અંદર જાકર કબ્જા કરના… ઇન ચીઝોકી પ્રવૃતિ ચલ રહી હે…

આટલું બોલ્યા પછી પ્રધાનમંત્રી બોલ્યા હતા કે, 21મી સદીમાં વિસ્તારવાદથી માણસજાતને કોઇ ફાયદો થવાનો નથી. વિકાસ આવશ્યક છે. અને હું માનું છું કે 21મી સદીમાં જો એશિયા દુનિયાને નેતૃત્વ પુરૂ પાડશે તો ભારત અને જાપાન વિકાસના માર્ગને સાથે રહી ને પ્રશસ્ત કરશે.

વિસ્તારવાદ વિરોધ વિકાસ- પ્રધાનમંત્રીની મુખ્ય થીમ છે. તેઓએ લડાખમાં પણ જણાવ્યું હતું કે, વિસ્તારવાદનો સમય પુરો થયો છે. વિકાસ ભવિષ્ય માટેનું એન્જીન છે. 2014માં ટોકીયો ખાતે પણ તેઓએ આ વાત કરી હતી. ટોકીયોમાં તેઓએ જણાવ્યું હતું કે, સમગ્ર દુનિયા વિસ્તારવાદ અને વિકાસવાદની વચ્ચે વહેચાયેલી છે. જોકે, વિકાસવાદ આગળ ચાલી રહ્યો છે. વિશ્ર્વ વિસ્તારવાદને વિસ્તારે છે કે વિકાસવાદને પકડે છે તે આપણે નકકી કરવું પડશે. જે લોકો શાંતીને પસંદ કરે છે. તેઓ વિકાસમાં માને છે. તેઓ પ્રોગ્રેસમાં માને છે.

અત્રે નોંધનીય છે કે, 2019ના ઓકટોબરમાં પ્રધાનમંત્રી મોદીએ ચીનના બોસ જિંગપીંગને મહાબલીપુરમ ખાતે આવકાર્યા ત્યારે પ્રધાનમંત્રીએ કહેલું હતું કે, ઇન્ફોર્મલ સમીત ભારત અને ચાઇના વચ્ચેના સંબંધને મજબુત બનાવશે. રાજનીતિ અને વિદેશનીતિમાં ચીનને ચતુર માનવામાં આવે છે. પરંતુ લડાખ ધટના જોયા પછી એવું સમજાય છે કે, 2014માં જાપાનના ટોકીયો ખાતે પ્રધાનમંત્રીએ જે ભાષણ આપ્યું હતું તે ભાષણ સમજવામાં ચીન થાપ ખાઇ ગયું. આ ભાષણનો અર્થ ચીનને હવે સમજાય રહ્યો હશે. શુક્રવારની લેહ-લડાખની પ્રધાનમંત્રીની મુલાકાત પછી તો ચીન 100% મોદીને સમજી ચુકયું હશે.

રાષ્ટ્રીય

માતૃભાષામાં ઝડપથી શીખી શકાય છે: વડાપ્રધાન મોદી

નવી શિક્ષણ નીતિથી પુસ્તકોનો બોજ પણ ઘટશે

ખબર ગુજરાત

પ્રકાશિત

on

વડાપ્રધાન નરેન્દ્ર મોદીએ રાષ્ટ્રીય શિક્ષણ નીતિ (NEP) પર આયોજીત કોન્કલેવને સંબોધિત કરતાં સ્પષ્ટતા કરી કે આખરે બાળકોને પાંચમા ધોરણ સુધી તેમની માતૃભાષામાં જ શિક્ષણ આપવાની ભલામણ નવી શિક્ષણ નીતિમાં કેમ કરાઇ. તેમણે કહ્યું કે માતૃભાષામાં શીખવાની ગતિ ઝડપી હોય છે.

પીએમે કહ્યું કે બાળકોના ઘરે બોલાતી ભાષા અને સ્કૂલમાં અભ્યાસની ભાષા એક જ હોવાથી બાળકોના શીખવાની ગતિ શ્રેષ્ઠ હોય છે. આ એક બહુ મોટું કારણ છે, આથી જ્યાં સુધી શકય હોય ત્યાં સુધી પાંચમા ધોરણ સુધી બાળકોને તેમની માતૃભાષામાં જ અભ્યાસ પર સહમતિ આપવામાં આવે. જેથી કરીને બાળકોનો પાયો તો પાકો થશે જ સાથો સાથ આગળના અભ્યાસ માટેનો પાયો વધુ મજબૂત થશે.

કોન્કલેવમાં નવી રાષ્ટ્રીય શિક્ષણ નીતિનું માળખું તૈયાર કરનાર ડૉ.કસ્તૂરીરંગન અને તેમની ટીમ, વિભિન્ન યુનિવર્સિટીઓના કુલપતિ અને જાણીતા શિક્ષણવિદોએ ભાગ લીધો.

PMએ કહ્યું કે નવી શિક્ષણ નીતિ દેશની શિક્ષણ વ્યવસ્થાને આધુનિક વૈશ્વિક મૂલ્યો પર ખરા ઉતારવામાં સક્ષમ છે. તેમણે કહ્યું કે આપણી એજ્યુકેશન સિસ્ટમ વર્ષોથી જૂના ઢઆંચા પર ચાલતી રહી હતી તેના લીધે નવા વિચાર, નવી ઉર્જાને પ્રોત્સાહન મળી શકયું નથી. પીએમે કહ્યું કે આપણી એજ્યુકેશન સિસ્ટમમાં લાંબા સમયથી મોટા ફેરફાર થયા નહોતા. કયારેયક ડૉકટર, કયારેક વકીલ , કયારેક એન્જિનિયર બનવાની હોડ લાગી.

PM એ આગળ કહ્યું કે જમાનો શું વિચારે છે થી લઇ કેવી રીતે વિચારવાનું છે તરફ આગળ વધી ગયો છે. મોદીએ કહ્યું કે અત્યાર સુધી આપણી શિક્ષણ વ્યવસ્થામાં વોટ ટુ થિંક પર ફોકસ કરી રહ્યું છે જ્યારે આ શિક્ષણ નીતિમાં હાઉ ટુ થિંક પર બળ આપી રહ્યું છે. દરેક માહિતી મોબાઇલ પર ભરેલી પડી છે. એવામાં એ જરૂરી છે કે કંઇ માહિતી પ્રાપ્ત કરવી જોઇએ અને શું ભણવાનું છે.

તેમણે કહ્યું કે નવી શિક્ષણ નીતિ પુસ્તકોનો બોજ પણ ઓછો કરશે. પીએમે કહ્યું કે શિક્ષણ નીતિમાં પ્રયાસ કરાયો છે કે જે લાંબા સિલેબસ હોય છે, ઢગલાબંધ પુસ્તકો હોય છે તેની જરૂરિયાત ઘટાડવામાં આવે. હવે કોશિષ એ છે કે બાળકોને શીખવા માટે ડિસ્કવરી બેઝ્ડ, ઇન્કવાયરી બેઝડ, ડિસ્કશન બેઝડ અને એનાલિસિસ બેઝડ એજ્યુકેશન પર જોર આપવામાં આવે. જેથી કરીને બાળકોમાં શીખવાનો ઉત્સાહ વધશે.

વધુ વાંચો

રાષ્ટ્રીય

ચેન્નાઈમાં પણ પડ્યો છે બૈરુતના બ્લાસ્ટ જેવો મોતનો સમાન

700 ટન એમોનિયમ નાઈટ્રેટના સંગ્રહથી લોકોમાં વ્યાપ્યો ભય

ખબર ગુજરાત

પ્રકાશિત

on

બૈરુતમાં એમોનિયમ નાઇટ્રેટના અસુરક્ષિત જથ્થાના કારણે ૧૩૫ લોકોના મોત અને હજારો લોકો ઘાયલ થયાના બે દિવસ પછી  તમિલનાડુની રાજધાની ચેન્નાઇની બહાર વર્ષોથી પડેલાી ૭૦૦ ટન વિસ્ફોટક કેમિકલને લઇને લોકોમાં ગભરાટ અને ચિંતા વ્યાપી ગઇ છે. આ કેમિકલ વર્ષોથી કસ્ટમ વિભાગની કસ્ટડીમાં છે.

અધિકારીઓના જણાવ્યા અનુસાર ફટાકડા અને ખાતરના નિર્માણમાં આ કેમિકલનો ઉપયોગ કરવામાં આવે છે. ૨૦૧૫માં ચેન્નાઇ પોર્ટ ખાતેથી કેમિકલનો આ  જથ્થો જપ્ત કરવામાં આવ્યો હતો. ત્યારથી ૭૦૦ ટન વિસ્ફોટક કેમિકલ ત્યાં જ પડી રહ્યો છે. જો કે ચેન્નાઇ પોર્ટના અધિકારીઓના જણાવ્યા અનુસાર વિસ્ફોટકોનો આ જથ્થો હવે અમારી કસ્ટડીમાં નથી.

પબ્લિક રિલેશન ડિપાર્ટમેન્ટના અધિકારીના જણાવ્યા અનુસાર ૨૦ ટન એમોનિયમ નાઇટ્રેટથી ભરેલા ૩૬ કન્ટેનરને ઘણા સમય પહેલા જ અહીંથી શિફ્ટ કરી દેવામાં આવ્યા હતાં અને હવે તે કસ્ટમ વિભાગના અંકુશમાં છે.

કસ્ટમ વિભાગના એક વરિષ્ઠ અધિકારીના જણાવ્યા અનુસાર સત્તવા કન્ટેનર ડેપોમાં ૬૯૭ ટન એમોનિયમ નાઇટ્રેટનો જથ્થો સ્ટોર કરીને રાખ્યો છે. શ્રી અમ્માન કેમિકલ દ્વારા આ જથ્થો ગેરકાયદે આયાત કરવામાં આવ્યો હતો. અમે આ જથ્થાનો નાશ કરવા માટે કાર્ય કરી છીએ.

આ અધિકારીએ જથ્થાનો નાશ કરવામાં વિલંબ થઇ રહ્યો હોવાનો પણ ઇનકાર કર્યો હતો. તેમણે ટ્વિટર પર જણાવ્યું હતું કે આ અંગેનો કેસ કોર્ટમાં ચાલી રહ્યો હતો અન ગયા વર્ષે નવેમ્બરમાં કોર્ટે આ અંગે ચુકાદો આપ્યો હતો. અમે કેમિકલના ઇ-હરાજીની પ્રક્રિયા શરૃ કરી દીધી છે.

બૈરુતની દુખદ ઘટના પછી પીએમકેના વડા ડો. રામાદોસે આ વિસ્ફોટકોનો સુરક્ષિત નાશ કરવાની માગ કરી છે. આ કેમિકલને કારણે અહીં પણ બૈરુત જેવી ઘટના થવાનો ખતરો હોવાનું તેમણે જણાવ્યું છે.

 

 

વધુ વાંચો

રાષ્ટ્રીય

જમ્મુ-કાશ્મીરમાં 4-જી સેવા: સરકાર શું કહે છે?

જમ્મુ-કાશ્મીરમાં 4-જી સેવા: સરકાર શું કહે છે?

ખબર ગુજરાત

પ્રકાશિત

on

જમ્મુ-કાશ્મીરમાં 4-જી સેવાને લઇને એક યાચિકા સુપ્રિમ કોર્ટમાં દાખલ થઇ હતી. આજે શુક્રવારે સુપ્રિમ કોર્ટે આ યાચિકાની સુનાવણી કરી. કેન્દ્ર સરકાર તરફથી આ મામલામાં સોલિસિટર જનરલ તુષાર મહેતા હાજર રહ્યાં હતાં. તેઓએ અદાલતને જણાવ્યું કે, અદાલત દ્વારા જે નિર્દેશો આપવામાં આવ્યા છે તે મુજબ સમિતિનું ગઠન કરી લેવામાં આવ્યું છે.

તુષાર મહેતાએ સર્વોચ્ચ અદાલતને જણાવ્યું કે, અગાઉના એલજીએ આ મુદ્દે એક પ્રેસ ઇન્ટરવ્યુ આપ્યો હતો. હવે LG ને બદલાવવામાં આવ્યા છે. મહેતાએ એમ પણ કહ્યું કે, તેઓને નિર્દેશો મેળવવા તથા પ્રતિક્રિયાઓ દાખલ કરવામાં સમયની જરૂર પડશે.

વધુ વાંચો

ટ્રેન્ડીંગ