Saturday, February 27, 2021
Saturday, February 27, 2021
Home રાજ્ય જામનગર જામનગરમાં ભાજપા દ્વારા ઉમેદવાર પસંદગીની પ્રક્રિયાનો પ્રારંભ

જામનગરમાં ભાજપા દ્વારા ઉમેદવાર પસંદગીની પ્રક્રિયાનો પ્રારંભ

જામનગર મહાપાલિકાની આગામી સામાન્ય ચૂંટણીઓ માટે ભાજપ દ્વારા તૈયારીઓ આરંભી દેવામાં આવી છે. આ માટે પ્રદેશ દ્વારા નિયુકત કરવામાં આવેલા 9 નિરીક્ષકો આગામી 24 જાન્યુઆરીએ શહેરમાં જુદા-જુદા ત્રણ સ્થળોએ ઉમેદવારની પસંદગી માટે સેન્સ પ્રક્રિયા હાથ ધરશે. જેનો રિપોર્ટ ગાંધીનગર પ્રદેશ મોવડીઓને સુપ્રત કરશે.

જામનગર મહાપાલિકાની ચૂંટણી માટે ઉમેદવારો પસંદ કરવા પ્રદેશ ભાજપ દ્વારા કુલ 9 નિરીક્ષકોની નિમણુંક કરવામાં આવી છે. જેમાં રાજેશભાઇ ચુડાસમા, જયેશભાઇ વ્યાસ, જશુમતિબેન કોરાટ, ગોવિદભાઇ પટેલ, ગૌતમભાઇ ગેડિયા, આરતીબેન જોષી, બાબુભાઇ જેબલિયા, સુરેશભાઇ ધાધલિયા અને જયોતિબેન વાછાણીનો સમાવેશ થાય છે. આ નિરીક્ષકો 24 થી 26 જાન્યુઆરી સુધી જામનગર શહેરમાં રોકાશે અને તે દરમ્યાન સંભવિત ઉમેદવારોને સાંભળવાની પ્રક્રિયા હાથ ધરશે. આ માટે જાહેર કરાયેલા સમય પત્રક અનુસાર 24 જાન્યુઆરીએ શહેર ભાજપ કાર્યાલયમાં સવારે 10 થી રાત્રે 8-30 વાગ્યા સુધી શહેરના વોર્ડ નં. 1 થી 6ના દાવેદારોને સાંભળવામાં આવશે અને કાર્યકરોની સેન્સ લેવામાં આવશે. તેવી જ રીતે અટલ ભવનમાં વોર્ડ નં. 7 થી 11ના દાવેદારોને સવારે 10 થી સાંજે 7 વાગ્યા દરમ્યાન સાંભળવામાં આવશે. જયારે વોર્ડ નં. 12 થી 16માં ચૂંટણી લડવા ઇચ્છુક દાવેદારોને સવારે 10 થી સાંજે 7 વાગ્યા દરમ્યાન સાંભળવામાં આવશે.

સેન્સ પ્ર્રક્રિયા પૂર્ણ થયા બાદ નિરીક્ષકો પોતાનો અહેવાલ ભાજપના પ્રદેશ મોવડીઓને મોકલશે. જેના આધારે પેનલ બનાવીને ઉમેદવાર પસંદગીની આગળની પ્રક્રિયા હાથ ધરવામાં આવશે.

Most Popular