Connect with us

જામનગર

જામનગરમાં જીજી હોસ્પિટલની સામે નાસ્તાની રેકડી પર બબાલ

ગરમ નાસ્તો આપવાના પ્રશ્ને રેકડી ચાલકને મારમારી તેલની કડાઈ ઊંઘી વાળી દેવાય

ખબર ગુજરાત

પ્રકાશિત

on

જામનગરમાં જીજી હોસ્પિટલ ની સામે નાસ્તા ની રેકડી ઉભી રાખીને ધંધો કરતા એક યુવાન પર હુમલો કરાયો હતો, અને તેલની કળાઇ ઊંધી વાળી બે શખ્સોએ બબાલ સર્જી હતી. જેમાં રેકડી ચાલક ગરમ તેલથી દાઝ્યો હતો. અને જી જી હોસ્પિટલમાં સારવાર લેવી પડી હતી. ગરમ નાસ્તો આપવાના પ્રશ્ને બબાલ સર્જાઈ હતી. જે મામલે સીટી બી ડિવિઝન પોલીસ મથકમાં ફરિયાદ નોંધાવતા પોલીસે બંને શખ્સોની શોધખોળ હાથ ધરી છે.

આ ફરિયાદના બનાવની વિગત એવી છે કે જામનગરમાં બેડેશ્વર વિસ્તારમાં રહેતો અને જીજી હોસ્પિટલ ની સામે નાસ્તા ની રેકડી રાખીને ધંધો કરતો સાગર પ્રવીણભાઈ પોપટ નામનો ૨૭ વર્ષનો યુવાન ગઇકાલે મોડી રાત્રે પોતાની રેકડી માં નાસ્તાનું વેચાણ કરી રહ્યો હતો. જે દરમિયાન કાનો મેર અને તેની સાથે એક સાગરિત ધસી આવ્યા હતા. અને ગરમ નાસ્તો આપવા બાબતે બબાલ કરી હતી. ત્યાર પછી રેકડી ચાલક સાગરને ફડાકા વાળી કરી હતી. અને તેલની કડાઈ ઊંધી પાડી દેતા તેલ ઉડયું હતું. જેમાં રેકડી ચાલક સાગર દાઝી ગયો હતો, આથી તેને જી જી હોસ્પિટલમાં સારવાર લેવી પડી હતી.

સમગ્ર મામલો સીટી બી ડિવિઝન પોલીસ મથકમાં પહોંચ્યો હતો જ્યાં મહિલા પીએસઆઇ કે. કે. પરમાર દ્વારા સાગર ની ફરિયાદ નોંધવામાં આવી હતી, અને કાનો મેર કે જે રામેશ્વર નગરમાં રહે છે, તે અને તેના એક સાગરિત સામે આઇપીસી કલમ ૩૨૩,૩૩૭,૫૦૪,૪૨૭,અને ૧૧૪ મુજબ ગુનો નોંધી બંને આરોપીઓની શોધખોળ હાથ ધરી છે.

જામનગર

જામનગર જિલ્લા જેલમાં સીઆઇડી ક્રાઇમ દ્વારા સરપ્રાઇઝ ચેકિંગ

ખબર ગુજરાત

પ્રકાશિત

on

જામનગર જિલ્લા જેલમાં સીઆઇડી ક્રાઇમ દ્વારા સરપ્રાઇઝ  ચેકિંગ હાથ ધરવામાં આવ્યું હતું. જેમાં તમામ બેરેકની તપાસ કરવામાં હતી.

સીઆઇડી ક્રાઇમના પી.આઈ વી એન ગઢવીની આગેવાનીમાં સીઆઇડી ક્રાઇમના મેહુલભાઈ ભરવાડ અને પંકજભાઈ ઠાકર ઉપસ્થિત રહી ચેકિંગ કર્યું હતું. જામનગર જિલ્લા જેલમાં 500થી વધુ કેદીઓ રહેલા છે. સીઆઇડી ક્રાઇમ દ્વારા તમામ બેરેકમાં તપાસ કરવામાં આવી હતી. આ ચેકિંગ દરમ્યાન જેલમાંથી એક પણ વસ્તુ વાંધાજનક મળી આવી નથી. ઉલ્લેખનીય છે કે, દર વખતે જિલ્લા જેલમાં ઝડતી વખતે કેદીઓ પાસેથી કોઈ ને કોઈ વસ્તુ મળી આવતી હોય છે જોકે આ વખતે જિલ્લા જેલમાં કડક અનુશાસન હોવાના કારણે કોઈ પણ કેદી પાસેથી એક પણ વસ્તુ મળી આવી ન હતી. થોડા સમય પહેલાં રાજકોટની ટીમ દ્વારા પણ જિલ્લા જેલમાં ચેકિંગ કરવામાં આવ્યું હતું.

વધુ વાંચો

જામનગર

જામનગર સહિત રાજ્યની 6 મહાપાલિકાઓમાં વહીવટદાર નીમવા હલચલ

પ્રભારી સચિવ નલિન ઉપાધ્યાય બની શકે છે જામ્યુકોના વહીવટદાર

ખબર ગુજરાત

પ્રકાશિત

on

કોરોના સંક્રમણને કારણે રાજ્યની 6 મહાપાલિકા સહિત સ્થાનિક સ્વરાજ્યની સંસ્થાઓની ચૂંટણીઓ મોકૂફ રાખવામાં આવી છે. ત્યારે આગામી ડિસેમ્બરમાં આ સંસ્થાઓની મુદ્દત પુરી થાય તે પહેલા ત્યાં વહીવટદાર નીમવા માટેનો સળવળાટ શરૂ થયો છે. જે અંતર્ગત જામનગર મહાપાલિકાની મુદ્દત આગામી 13 ડિસેમ્બરે પૂર્ણ થતી હોય અહીં પણ વહીવટદાર આવે તેવી સંભાવના પ્રબળ બની છે. સુત્રોમાંથી પ્રાપ્ત જાણકારી અનુસાર હાલ જામનગરના પ્રભારી સચિવ અને અગાઉ કલેકટર રહી ચુકેલા નલિન ઉપાધ્યાયને જામ્યુકોના વહીવટદાર તરીકે નિમણૂંક મળી શકે છે.

રાજ્યની સ્થાનિક સ્વરાજ્યની સંસ્થાઓની ટર્મ પુરી થવાને હવે બે સપ્તાહ જેટલો સમય રહ્યો છે ત્યારે સરકાર દ્વારા આ સંસ્થાઓમાં વહીવટદાર નીમવા કે પછી હાલની બોડીની મુદ્દત વધારવી તે અંગેની સઘન પ્રક્રિયા અને વિચારણા શરૂ કરવામાં આવી છે. સુત્રો અનુસાર તમામ જગ્યાએ વહીવટદાર નીમવામાં આવે તેવી સંભાવનાઓ વધુ જણાય રહી છે કેમ કે 6 મહિના સુધી વહીવટદાર નીમવાની સતા રાજ્ય સરકાર પાસે પહેલેથી જ છે. જ્યારે પ્રવર્તમાન બોડીની મુદ્દતમાં વધારો કરવો હોય તો સરકારે આ અંગે અલગથી અધ્યાદેશ લાવવાની પ્રક્રિયા હાથ ધરવી પડે ત્યારબાદ વિધાનસભાનું સત્ર બોલાવીને તેમાં આ અધ્યાદેશની મંજૂરી પણ લેવી પડે. આ સમગ્ર પ્રક્રિયા થોડી જટીલ અને લાંબી હોવાથી સરકાર સ્થાનિક સ્વરાજ્યની સંસ્થાઓની મુદ્દત વધારવાને બદલે અહી વહીવટદાર નીમવા ગંભીર રીતે વિચારણા કરી રહી હોવાનું જાણવા મળ્યું છે. સચિવાલયમાં આ અંગેની તૈયારીઓ પણ શરૂ કરી દેવામાં આવી છે. જે અનુસાર જુદા-જુદા અધિકારીઓની યાદી તૈયાર કરવામાં પણ આવી રહી છે. સુત્રો અનુસાર જામનગરમાં પ્રભારી સચિવ નલિન ઉપાધ્યાયને વહીવટદાર બનાવી શકાય છે. અત્રે ઉલ્લેખનિય છે કે સ્થાનિક સ્વરાજ્યની સંસ્થાઓની ચૂંટણીઓ મોકૂફ રાખવામાં આવ્યા બાદ મુદ્દત પુરી થયે બોડીની મુદ્દત લંબાવવી કે વહીવટદાર નીમવા તે અંગે સરકાર અને સંગઠન લેવલે જે તે સંસ્થાઓ અને જિલ્લાના આગેવાનોના અભિપ્રાય પણ લેવામાં આવ્યા હતા. જાણકારી અનુસાર મહાપાલિકા વિસ્તારોમાં સતાપક્ષના મોટાભાગના આગેવાનો વહીવટદાર શાસન ઇચ્છતા ન હતા.

વધુ વાંચો

જામનગર

જામનગરના નાઘેડીમાં નજીવી બાબતે બે પરિવાર વચ્ચે મારામારી

ધ્યાનથી બાઈક ચલાવવાની બાબતે માતા-પુત્ર સહિતના ત્રણ શખ્સોએ યુવતીને માર મારી ધમકી આપી: સામા પક્ષે દંપતી અને યુવતીએ મહિલા સહિત બે વ્યક્તિઓને માર મારી ધમકી આપી

ખબર ગુજરાત

પ્રકાશિત

on

જામનગર તાલુકાના નાઘેડી ખાણ વિસ્તારમાં આવેલા આંબેડકર આવાસમાં બાઈક ધ્યાનથી ચલાવવાનું કહેતા માતા-પુત્ર સહિતના ત્રણ શખ્સોએ યુવતીને ફડાકા મારી પતાવી દેવાની ધમકી આપી હતી. હુમલાના આ બનાવમાં સામાપક્ષે પણ દંપતી અને તેની પુત્રીએ મહિલા ઉપર હુમલો કરી ધમકી આપ્યાની ફરિયાદ નોંધાવી હતી. સામ-સામી નોંધાયેલી ફરિયાદના આધારે પોલીસે તપાસ આરંભી હતી.

સામ-સામી મારામારીના બનાવની વિગત મુજબ, જામનગર તાલુકાના નાઘેડી ખાણ વિસ્તારમાં આવેલા આંબેડકરવાસમાં રહેતી દક્ષા નારણભાઈ પરમાર નામની યુવતીના ઘર પાસેથી બાઈક પર નિકળેલા દિનેશ ઉર્ફે દીપો ચાવડા નામના શખ્સને બાઈક ધ્યાનથી ચલાવવાનું કહેતા દિનેશ તથા તેની માતા વિજયાબેન અને દિનેશનો મિત્ર ચિરાગ ગોજિયા નામના ત્રણ શખ્સોએ યુવતી સાથે ફડાકાવાળી કરી ઢીકાપાટુનો માર મારી પતાવી દેવાની ધમકી આપી હતી. યુવતી ઉપર થયેલા હુમલાની જાણ થતા તેણીના પિતા નારણભાઈ અને માતા પાર્વતીબેન દોડી આવ્યા હતાં ત્યારબાદ બન્ને પરિવાર વચ્ચે સામ-સામી મારામારી થઈ હતી. જેમાં દક્ષાબેને દિનેશ, તેની માતા અને ચિરાગ વિરૂધ્ધ ફરિયાદ નોંધાવી હતી.

જ્યારે સામાપક્ષે વિજયાબેન નારણ પરમાર, તેની પત્ની પાર્વતી પરમાર અને પુત્રી દક્ષા પરમાર નામના ત્રણેય શખ્સોએ એક સંપ કરી, અપશબ્દો બોલી, ઝપાઝપી કરી વિજયાબેનને ઝપાઝપી કરી તથા ચિરાગને અપશબ્દો બોલી ઢીકાપાટુનો માર મારી, પતાવી દેવાની ધમકી આપી હતી. આ હુમલામાં વિજયાબેને પણ સામી ફરિયાદ નોંધાવી હતી. બનાવ અંગેની જાણ થતા હે.કો. પી.એ. ખાણધર તથા સ્ટાફે બન્ને પક્ષોની ફરિયાદ નોંધી ધરપકડ માટેની તજવીજ હાથ ધરી હતી.

વધુ વાંચો
Advertisement
Advertisement

ટ્રેન્ડીંગ