Connect with us

જામનગર

શ્રી હરસિધ્ધી માતાજી મંદિર, ગાંધવીની તસ્વીરો મોકલી લેભાગુઓ દ્વારા ભકતોને છેતરવાનો પ્રયાસ

ખબર ગુજરાત

પ્રકાશિત

on

જામનગર જિલ્લાના કલ્યાણપુર તાલુકાના ગાંધવી મુકામે આવેલી જામ ધર્માદા સંસ્થાની મૂર્તિઓ તથા શ્રી હરિસિદ્ધી માતાજીના નિજમંદિરની મૂર્તિઓ તથા કોયલા ડુંગર પરના પુરાતત્વ ખાતા દ્વારા રક્ષિત મંદિરની તસ્વીરો ફેસબુક તથા વોટસએપ જેવા સોશિયલ મીડિયામાં પ્રદર્શિત કરી દાન-ફાળો ઉઘરાવવાની તથા લોકોને ગેરમાર્ગે દોરવાની ગેરકાનૂની પ્રવૃત્તિ કેટલાંક લેભાગુ તત્વો દ્વારા છેલ્લાં કેટલાંક સમયથી કરવામાં આવી રહી છે. તેથી દાન-ભેટ આપતી વખતે શ્રી હરસિદ્ધી માતાજીના મૂળ સ્થાનકની સચોટ વિગતો ભકતોની સમજમાં સ્પષ્ટ બને અને તેમની લાગણીઓ તથા ભાવના સાથે છેતરપિંડી ન થાય તે સ્પષ્ટતા ખૂબ જરૂરી બની ગઈ છે.

માં હરસિધ્ધીના મૂળ સ્થાન પર સૌપ્રથમવાર શતચંડીયજ્ઞ, લઘુરૂદ્રયાગના કાર્યક્રમમાં ભોજન પ્રસાદ સેવાના રૂા. 1 લાખ, યજ્ઞ યજમાન રૂા.51,000, ફૂલહાર લેવા રૂા.21,000, યજ્ઞ યજમાન સેવાના રૂા.31,000 અમને અપાતું દાન ઈન્કમટેકસની કલમ 80 જી હેઠળ કરમુકત છે એવું દર્શાવી કોયલા ડુંગર પર બાંધવામાં આવેલ અમુક આશ્રમો, જામ ધર્માદા સંસ્થાની માલિકીના શ્રી હરસિધ્ધી માતાજીના મંદિરના ગર્ભગૃહની તથા કોયલાની ટોંચ પરના પુરાતત્વ વિભાગ દ્વારા રક્ષિત મંદિરની તસ્વીરો પોતાના આશ્રમના ફેસબુક પેઈજ પર મૂકી લોકોને ગેરમાર્ગે દોરી રહ્યા છે. અત્રે ઉલ્લેખનીય છે કે, જામ ધર્માદા સંસ્થાના કોયલા ડુંગરની ટોચ પરના તથા તળેટીમાં વિધમાન મંદિરોની આસપાસ બાંધકામની મંજૂરી અંગે ‘નો ઓબજેકશન’ લીધા વગર જુદા જુદા બાંધકામો ઉભા થઈ રહ્યા છે. જેમાંથી અમુક લેભાગુ તત્વો લોકોની ભાવના અને લાગણીઓ સાથે છેતરપિંડી કરી રહ્યા છે.

કોઇ ભકત કોયલા ડુંગર તથા તળેટીમાં સ્થિત જામ ધર્માદા સંસ્થાના શ્રી હરસિધ્ધી માતાજીના મૂળ સ્થાનકોની રૂબરૂ મુલાકાત ન લીધી હોય અને માત્ર ફેસબુક કે વોટસએપ જેવા સોશિયલ મીડિયાથી અન્ય કોઇ સંસ્થાના ફેસબુક પેઈજ કે અન્ય સોશિયલ એકાઉન્ટમાં મંદિરના ગર્ભગૃહની મૂર્તિઓ તથા ટોંચ પરના મંદિરનોી તસ્વીરો જુએ તો તેના માટે એ અલગ તારવવું મુશ્કેલ બની જાય કે, આ તસ્વીરોની ખરાઈ કેટલી ? તે ભકતના મનમાં એવી જ છાપ ઉભી થાય કે, શ્રી હરસિધ્ધિ માતાજીના મૂળ સ્થાનક કે જે જામ ધર્માદા સંસ્થા અંતર્ગતનું છે. તેની જ સાથે આ આશ્રમ જોડાયેલ હશે જે એક ભ્રામક અને ગેરકાનૂની છેતરપિંડી બની રહે.

ગાંધવીમાં શ્રી હરસિધ્ધી માતાજીના મૂળ સ્થાનક જામ ધર્માદા સંસ્થા અંતર્ગતનું છે. તેમાં કોઇપણ ભકત દાન કરવા ઈચ્છે તો તેઓ જામ ધર્માદા સંસ્થાના ઈમેઈલ આઈડી shreeja mdharma [email protected]  પર તેમજ સસેકસ લોજ, જામનગર ફોન નં.(0288) 2556367 ઉપર સવારે 9 થી 1 કલાક તથા બપોરે 3 થી 6 વાગ્યાના સુધી સંપર્ક કરી શકે છે અને ત્યાંથી દાનની પાકી પહોંચી આપવામાં આવે છે.

જામનગર

ભૂમાફિયા જયેશ પટેલને અદાલતમાં હાજર થવા જાહેરનામુ

ખબર ગુજરાત

પ્રકાશિત

on

જામનગર શહેર અને જિલ્લામાં હત્યાના પ્રયાસ અને પૂર્વ આયોજિત કાવતરૂં તથા આર્મ્સ એકટ હેઠળના ગુનામાં નાસતા-ફરતા જયેશ પટેલ વિરૂધ્ધ વધુ એક જાહેરનામુ પ્રસિધ્ધ કરવામાં આવ્યું છે. જેમાં અદાલતે 30 દિવસમાં હાજર થવાનું ફરમાન કર્યું છે. અગાઉ જયેશ વિરુધ્ધ અદાલતમાં હાજર થવાના ફરમાન થઇ ચૂકયા છે.

આ એંની વિગત મુજબ જામનગરના જયસુખ ઉર્ફે જયેશ મૂળજીભાઈ રાણપરીયા રે. દિગ્વિજય પ્લોટ, શેરી નં.64 પાછળ, ધનેશ્વર રેસિડેન્સી, ફ્લેટ નં.401, સરદાર પટેલ સોસાયટી, જામનગર તથા મૂળ રહેવાસી ગામ લોઠીયા તા. જિ. જામનગર વિરુધ્ધ વિવિધ છ ગુના હેઠળ ધરપકડનું વોરંટ ઇસ્યુ થયેલ છે જેમાં એ આઇ.પી.સી. કલમ 307, 506(2), 120બી, આર્મ્સ એક્ટની કલમ 25-1(બી-એ)તથા જી.પી. એકટની કલમ 135(1) હેઠળ શિક્ષાપાત્ર ગુનો કર્યો છે અને તે ઉપરથી કાઢેલા ધરપકડ વોરંટ ઉપર શેરો થઈ આવેલ છે કે જયસુખ ઉર્ફે જયેશ મૂળજીભાઈ રાણપરીયા મળી આવતા નથી આમ ફરાર થયેલ છે તેથી બીજાં એડિ. ચીફ જ્યુડિશ્યલ મેજિસ્ટ્રેટએ જાહેરનામા દ્વારા ફરિયાદનો જવાબ આપવા અને તેના વિરુદ્ધના કેસમાં જયસુખ ઉર્ફે જયેશ મૂળજીભાઈ રાણપરીયાને જાતે હાજર રહેવા જાહેરનામાના 30 દિવસની અંદર કોર્ટમાં હાજર થવા ફરમાન કરવામાં આવેલ છે.

આ જ પ્રકારે જયેશ રાણપરિયા વિરુધ્ધ સીટી સી ફર્સ્ટ ગુ.ર.નં.142/2019, ભારતીય દંડ સંહિતાની કલમ 386,507,120(બી) તથા આર્મ્સ એક્ટની કલમ-25(1-બી)મુજબના શિક્ષાપાત્ર ગુનામાં સાતમાં અધિક ચીફ જ્યુડિશિયલ મેજીસ્ટ્રેટએ જાહેરનામા દ્વારા અને આઇ.પી.સી. કલમ 420, 465,467,468,120બી, 34 હેઠળના શિક્ષાપાત્ર ગુનામાં ચીફ જ્યુડિશિયલ મેજીસ્ટ્રેટ જામનગરએ જાહેરનામા દ્વારા ફરિયાદનો જવાબ આપવા અને તેના વિરુદ્ધના કેસમાં જયસુખ ઉર્ફે જયેશ મૂળજીભાઈ રાણપરીયાને જાતે હાજર રહેવા જાહેરનામાના 30 દિવસની અંદર કોર્ટમાં હાજર થવા ફરમાન કરેલ છે.

વધુ વાંચો

જામનગર

દરેડમાં પત્નિની ગળેફાંસો ખાઇ આત્મહત્યા

જામનગરમાં યુવાનની અગમ્યકારણોસર આત્મહત્યા : ઝાખરમાં છાતીમાં દુ:ખાવાથી યુવાનનું મૃત્યુ : જામનગરમાં બિમારી સબબ પ્રૌઢનું મોત

ખબર ગુજરાત

પ્રકાશિત

on

જામનગર તાલુકાના દરેડ ગામમાં રહેતી મહિલાએ તેના ભત્રીજાને સાથે રાખવાનું પતિએ કહેતાં આ બાબતનું મનમાં લાગી આવતાં ચુંદડી વડે ગળેફાંસો ખાઇ આત્મહત્યા કરી હતી. જામનગર શહેરમાં અંબર ટોકિઝ નજીકના વિસ્તારમાં રહેતા યુવાને તેના ઘરે અગમ્યકારણોસર ગળેફાંસો ખાઇ આત્મહત્યા કરી હતી. લાલપુર તાલુકાના ઝાંખર ગામમાં રહેતાં યુવાનને છાતીમાં દુ:ખાવો ઉપડતાં સારવાર દરમિયાન મોત નિપજ્યું હતું. જામનગરના ગોકુલનગર વિસ્તારમાં રહેતા પ્રૌઢનું બિમારી સબબ મોત થયું હતું.

આ અંગેની વિગત મુજબ પ્રથમ બનાવ જામનગર તાલુકાના દરેડ ગામમાં આવેલી ગોકુલધામ સોસાયટી શેરી નં. 1માં રહેતા નવઘણ કાળુભાઇ રાઠોડ નામના મજૂરી કામ કરતાં યુવાનની પત્નિએ તેણીના ભત્રીજાને સાથે રાખવા અને સાચવવાની ના પાડી હતી. તેથી પતિએ ભત્રીજાને સાથે રાખવો પડશે તેમ કહેતા આ બાબતનું મનમાં લાગી આવતાં કિરણબેન નવઘણ રાઠોડ (ઉ.વ.28) નામની મહિલાએ મંગળવારે સવારના સમયે તેના ઘરે રૂમના પંખામાં ચુંદડી વડે ગળેફાંસો ખાઇ આત્મહત્યા કરી હતી. આ બનાવ અંગેની મૃતકના પતિ નવઘણ દ્વારા જાણ કરાતાં પીએસઆઇ સી.એમ. કાટેલિયા તથા સ્ટાફે સ્થળે પર પહોંચી મૃતદેહનો કબજો સંભાળી વધુ તપાસ હાથ ધરી હતી.

બીજો બનાવ જામનગર શહેરમાં અંબર ટોકીઝ પાસે સામેની શેરીમાં સુપથ એપાર્ટમેન્ટમાં રહેતાં પ્રકાશ ભીમરાવ પાટીલ (ઉ.વ.41) નામના યુવાને મંગળવારે બપોરના સમયે તેના ઘરે અગમ્યકારણોસર ગળેફાંસો ખાઇ આત્મહત્યાનો પ્રયાસ કરતાં આ અંગે રાજેશ્રીબેન પ્રકાશ દ્વારા જાણ કરાતાં યુવાનને સારવાર માટે હોસ્પિટલમાં ખસેડવામાં આવ્યો હતો. જ્યાં તેનું સારવાર કારગત નિવડે તે પૂર્વે મોત નિપજ્યાનું તબીબોએ જાહેર કર્યું હતું. જેના આધારે હેકો આર.એમ. જાડેજા તથા સ્ટાફે મૃતદેહને પીએમ માટે મોકલી આગળની કાર્યવાહી હાથ ધરી હતી.

ત્રીજો બનાવ લાલપુર તાલુકાના ઝાખર ગામમાં બસ સ્ટેન્ડની પાછળના વિસ્તારમાં રહેતા કિશોરસિંહ રામસંગ વાઘેલા (ઉ.વ.46) નામના યુવાનને ગત સોમવારે સાંજના સમયે તેના ઘરે છાતીમાં દુ:ખાવો થવાથી સારવાર માટે હોસ્પિટલમાં ખસેડવામાં આવ્યો હતો. જ્યાં તેનું મોત નિપજ્યાનું તબીબોએ જાહેર કર્યુ હતું. આ અંગે ગંભીરસિંહ વાઘેલા દ્વારા જાણ કરાતાં એએસઆઇ આર.આર. કરંગીયા તથા સ્ટાફે મૃતદેહનો કબજો સંભાળી આગળની કાર્યવાહી હાથ ધરી હતી.

ચોથો બનાવ જામનગર શહેરના ગોકુલનગર શેરી નં. 5માં રહેતા કાંતિલાલ વિરજીભાઇ કણઝારીયા (ઉ.વ.55) નામના પ્રૌઢને છેલ્લા ચાર માસથી બ્લડ પ્રેશર અને હેમરેજની બિમારી હોય, જેથી તબિયત લથડતાં સારવાર દરમિયાન મોત નિપજ્યું હતું. આ અંગે કિશોરભાઇ દ્વારા જાણ કરાતાં હેકો એચ.એ. પરમાર તથા સ્ટાફે મૃતદેહનો કબજો સંભાળી આગળની કાર્યવાહી હાથ ધરી હતી.

વધુ વાંચો

જામનગર

મારી બહેનને સાથે લઇ જાઉં છું : મૃતકભાઇની સ્યૂસાઇટ નોટ

મૃતક ભાઇએ લખેલી સૂસાઇટ નોટ કબજે : માનસિક બિમારીથી પિડાઇને જિંદગી ટૂંકાવું છું : મારી બેનને પણ સાથે લઇ જાઉં છું

ખબર ગુજરાત

પ્રકાશિત

on

જામનગર શહેરના રામેશ્ર્વરનગર વિસ્તારમાં રહેતા અપરિણીત વૃધ્ધાની તબિયત લથડતાં જી.જી. હોસ્પિટલમાં ખસેડવામાં આવતાં જ્યાં તેમનું મોત નિપજ્યું હતું. વૃધ્ધાના મોતના થોડા કલાકો બાદ તેના નાનાભાઇનો મૃતદેહ જુની આરટીઓ કચેરી પાસેથી મળી આવતાં પોલીસે આ બંને બનાવોમાં જીવણટભરી તપાસ આરંભી હતી.

આ અંગેની વિગત મુજબ જામનગર શહેરના રામેશ્ર્વરનગર મયૂર ટેનામેન્ટ પાસે રહેતા હર્ષિદાબેન છગનલાલ જેઠવા (ઉ.વ.67) નામના વૃધ્ધાને લગ્ન કર્યા ન હોય અને ભાઇઓ સાથે જ રહેતા હતાં. દરમિયાન મંગળવારે બેશુધ્ધ હાલતમાં અહીંની હોસ્પિટલમાં ખસેડવામાં આવતાં જ્યાં તેમનું મોત નિપજ્યું હતું. આ બનાવ અંગે મૃતકના ભાઇ જીતુભાઇ દ્વારા જાણ કરાતાં હેકો આર.એમ. જાડેજા તથા સ્ટાફે હોસ્પિટલ પહોંચી મૃતદેહનો કબજો સંભાળી તપાસ હાથ ધરતાં મૃતકને જન્મથી જ આંચકીની બિમારી હતી અને સમયાંતરે આંચકી ઉપડતી હતી. જેના આધારે પોલીસે આગળની કાર્યવાહી હાથ ધરી હતી.

વૃધ્ધાનું મોત નિપજ્યાં બાદ થોડા સમયમાં જ તેના ભાઇ અનિલભાઇ છગનભાઇ જેઠવા (ઉ.વ.57) જે મ્યુ. કોર્પો.માં હાઉસ ટેકસમાં ફરજ બજાવતાં હોય તે લાપત્તા થયા હતાં. જે બાદ બુધવારે મૃતદેહ જુની આરટીઓ કચેરી પાસેથી જુની પોલીસ સ્ટેશનની જગ્યામાંથી મળી આવતાં પોલીસે મૃતદેહનો કબજો સંભાળીને પીએમ માટે મોકલી દીધો હતો. આ ઘટનાની જાણ થતાં સીટી ડીવાયએસપી નિતેશ પાંડે સહિતનો પોલીસ કાફલો મૃતકોના ઘરે પહોંચ્યો હતો. માત્ર થોડા કલાકોના સમય દરમિયાન વૃધ્ધ બેન-ભાઇના મૃતદેહ મળી આવતાં ચકચાર જાગી છે. આ અંગેની વધુ તપાસ સીટી-બી ડિવિઝનના પીઆઇ કે.જે. ભોય અને સીટી-એ ડિવિઝનના પીઆઇ એમ.જે. જલુ ચલાવી રહ્યાં છે.

આ બનાવમાં મૃતક અનિલભાઇએ લખેલી સ્યૂસાઇટ નોટ મળી આવતાં પોલીસે કબજે કરી હતી આ સ્યૂસાઇટ નોટમાં મૃતક અનિલને ત્રણ વર્ષથી નિંદર આવતી ન હતી અને માનસિક બિમારીથી પીડાતા હોવાનું આ પગલું ભર્યાનો ઉલ્લેખ કર્યો છે. તેમજ ‘મારીબેન લક્ષ્મી જેવી પવિત્ર હતી એમને કોણ સાચવશે જેથી એમને મારી સાથે લઇ જાઉં છું. તે પણ માનસિક બિમાર હતી. માફ કરશો મને’ તેમજ આ સ્યૂસાઇટ નોટમાં માનસિક બિમારીના કારણે દારૂ પીતો હતો જેથી કંટાળીને આ પગલુ ભર્યુ છે.

વધુ વાંચો
Advertisement
Advertisement

ટ્રેન્ડીંગ