Connect with us

રાષ્ટ્રીય

21 દિવસના અંતે પેટ્રોલ-ડિઝલના ભાવ વધારામાં બ્રેક લાગી

21 દિવસના અંતે પેટ્રોલ-ડિઝલના ભાવ વધારામાં બ્રેક લાગી

ખબર ગુજરાત

પ્રકાશિત

on

છેલ્લા 21 દિવસથી પેટ્રોલ અને ડીઝલના ભાવમાં સતત વધારો થઈ રહ્યો છે. જ્યારે હવે 22માં દિવસે ભાવ સ્થિર રહ્યા છે. ત્રણ સપ્તાહ બાદ આ પહેલો દિવસ છે જ્યારે પેટ્રોલ અને ડીઝલના ભાવમાં વધારો થયો નથી. જો કે, ભાવ ઘટ્યા પણ નથી. પરંતુ ભાવમાં કોઈ ફેરફાર આજે જોવા મળ્યો નથી. આજે દિલ્હી ખાતે પેટ્રોલનું 80.38 રૂપિયા પ્રતિ લિટરે વેચાણ થઈ રહ્યું છે. જ્યારે ડીઝલના ભાવ 80.40 રૂપિયા પ્રતિ લિટરે બોલાઈ રહ્યા છે.

મુંબઈની વાત કરીએ તો મીડિયા રિપોર્ટ મુજબ ત્યાં પેટ્રોલના ભાવ 87.14 પ્રતિ લિટર જ્યારે ડીઝલની કિંમત 78.71 રૂપિયા પ્રતિ લિટર બોલાઈ રહી છે. આપણે જણાવી દઈએ કે દરેક રાજ્યમાં પેટ્રોલ અને ડીઝલની કિંમત અલગ-અલગ હોય છે. રાજ્ય સરકાર દ્વારા ફ્યુલ પર અલગ-અલગ વેટ લગાવવામાં આવે છે. જેના કારણે ભાવમાં ફેરફાર જોવા મળે છે. જ્યાં વેટ વધુ જોય છે ત્યાં પેટ્રોલ અને ડીઝલના ભાવ વધુ હોય છે.

રાજ્યની વાત કરીએ તો હાલ અમદાવાદ શહેરમાં પેટ્રોલ પ્રતિ લિટર 77.92 રૂપિયા જ્યારે ડીઝલ 77.78 રૂપિયા પ્રતિ લિટર બોલાઈ રહ્યા છે. સુરતમાં પેટ્રોલ રૂ.77.76 અને ડીઝલ રૂ.77.64 પ્રતિ લિટરે, રાજકોટમાં પેટ્રોલ રૂ.77.66 અને ડીઝલ રૂ.77.54 પ્રતિ લિટર, જ્યારે જામનગરમાં પેટ્રોલના ભાવ રૂ.77.81 અને ડીઝલ રૂ.77.61 પ્રતિ લિટરે બોલાઈ રહ્યા છે.

આ સિવાય વડોદરાની વાત કરીએ તો પેટ્રોલ રૂ.77.52 પ્રતિ લિટર અને ડીઝલ રૂ.77.38 પ્રતિ લિટર, ભાવનગરમાં પેટ્રોલ રૂ.79.15 અને ડીઝલ રૂ.79.00 પ્રતિ લિટર જ્યારે જૂનાગઢમાં પેટ્રોલના ભાવ રૂ.78.58 અને ડીઝલ રૂ.78.45 પ્રતિ લિટર બોલાઈ રહ્યા છે

રાષ્ટ્રીય

દેશના યુવાનોને વડાપ્રધાન મોદીએ આપી એપ ઇનોવેશન ચેલેન્જ

ખબર ગુજરાત

પ્રકાશિત

on

ભારતે ચીનની 59 એપ્લીકેશનો ઉપર પ્રતિબંધ મુક્યો છે. અને આ મામલે ભારત હવે આત્મનિર્ભર બનવાની દિશામાં આગળ વધી રહ્યું છે. વડાપ્રધાને આજે ટિવટ કરી લખ્યું હતું કે આજે ‘મેડ ઇન ઇન્ડિયા’ એપ્સ બનાવવા માટે ટેક અને ર્સ્ટાટપ સમુદાયમાં ભારે ઉત્સાહ છે. @GoI_MeitY અને @AIMtoInnovate મળીને ઇનોવેશન ચેલેન્જ શરૂ કરી રહ્યા છે. મોદીએ યુવાનોને સંબોધીને જણાવ્યું હતું કે જો તમારી પાસે કોઇ એવી પ્રોડકટ હોય અથવા તો કાંઇક સારૂ કરવાનો દ્રષ્ટિકોણ અને ક્ષમતા હોય તો ટેક કોમ્યુનિટી સાથે જોડાઇ જાવ.

વધુ વાંચો

રાષ્ટ્રીય

રોકાણ તથા નાણાંકીય સલાહકારો માટે નિયમોમાં મોટાં ફેરફારો

ખબર ગુજરાત

પ્રકાશિત

on

દેશમાં શેરબજારોને નિયંત્રિત કરતી સંસ્થા સેબીએ ગ્રાહકોને શેરબજારને લગતી સલાહ અને ડિસ્ટ્રીબ્યુશન સર્વિસ આપતી કંપનીઓ પર નિયંત્રણો લાદયા છે. દેશભરમાં ઈન્વેસ્ટમેન્ટ એડવાઈઝ આપતી કંપનીઓ મોટી સંખ્યામાં છે. આ પૈકી જે કંપનીઓ સેબીમાં રજીસ્ટર્ડ થયેલી છે, તે કંપનીઓ પર આ નિયંત્રણો લાગૂ પડશે.

સેબીએ ગઈકાલે ત્રીજી જૂલાઈએ આ માટેનું નોટિફિકેશન બહાર પાડયું છે. આ અગાઉ 2020 ના જાન્યુઆરીમાં કેપિટલ માર્કેટ રેગ્યુલેટર દ્વારા જે ડિસકશન પેપર જાહેર કરવામાં આવેલું તેમાં આ પ્રકારના ફેરફારોનો પ્રસ્તાવ હતો. સેબીએ ગ્રાહકોના પ્રકારો પાડયા છે. આ ઉપરાંત નેટવર્થ અને અનુભવ તેમજ ક્વોલિફિકેશન અંગે પણ નવા નિયંત્રણો મૂકયા છે. આ સાથે કોર્પોરેટાઈઝેશન માટે પણ સેબીએ કેટલીક બાબતો ફરજિયાત બનાવી છે. જો કે, કવોન્ટમ અને રજીસ્ટર્ડ ઈન્વેસ્ટમેન્ટ એડવાઈઝરની ફી જેવા ઈસ્યૂ અંગે સેબીએ હાલ કોઇ ફેરફાર કર્યા નથી. જે ઈન્વેસ્ટમેન્ટ એડવાઈઝ કંપનીઓ નોંધાયેલી નહીં હોય તેઓ પોતાને વેલ્થ એડવાઈઝર કે સ્વતંત્ર ફાયનાન્શિયલ એડવાઈઝર ગણાવી શકશે નહીં.

કલાયન્ટ લેવલ સેગ્રેગેશનની વાત કરીએ તો કોઇપણ એડવાઈઝર કોઇ એક ગ્રાહકને પેઈડ ડિસ્ટ્રીબ્યુશન સર્વિસ અને એડવાઈઝ બન્ને ચીજો પ્રોવાઈડ કરી શકશે નહીં. કોર્પોેરેટ કક્ષાની એડવાઈઝ કંપનીઓને પણ આ નિયમ લાગૂ પડશે. કેટલાંક નિષ્ણાંતોએ એવી પ્રતિક્રિયા આપી છે કે, જે લોકો વ્યકિતગત રીતે ઈન્વેસ્ટમેન્ટ એડવાઈઝર તરીકે કામ કરે છે તેઓને આ નવા નિયમથી મુશ્કેલીઓ પડશે અથવા તેઓએ પેઈડ ડિસ્ટ્રીબ્યુશન સિસ્ટમ બંધ કરવી પડશે. આ ઉપરાંત સેબીએ ઈન્ડીવીઝ્યુઅલ એડવાઈઝર માટે નેટવર્થની રીકવાયરમેન્ટ એક લાખથી વધારીને પાંચ લાખ કરી છે અને આ પ્રકારની કોર્પોરેટ કંપનીઓ માટે આ રકમ 25 લાખથી વધારીને 50 લાખ કરી છે. આ ઉપરાંત જે વ્યક્તિગત એડવાઈઝર 150 કલાયન્ટ ધરાવતા હોય તેમણે પોતાના સ્ટેટસમાં ફેરફાર કરીને પોતાની કંપનીને કોર્પોરેટ એડવાઈઝર તરીકે ગણાવવાની રહેશે. આ ઉપરાંત શૈક્ષણિક કવોલિફિકેશનમાં પણ ફેરફાર કરવામાં આવ્યો છે. આ અંગેની વધુ વિગતો સેબીની વેબસાઈટ પર મૂકવામાં આવી છે.

વધુ વાંચો

રાષ્ટ્રીય

મોદીની ચાલને સમજવામાં થાપ ખાઇ ગયું ચાલાક ચીન !

ખબર ગુજરાત

પ્રકાશિત

on

2014 થી 2020- પ્રધાનમંત્રી નરેન્દ્ર મોદી એ એક આખું સર્કલ પૂર્ણ કરી લીધું છે. 2014માં પ્રધાનમંત્રી જાપાનની મુલાકાતે ગયાં હતાં. 2014માં તેઓએ કરેલું ભાષણ આજે 2020માં ઘણાં લોકોને યાદ આવી રહ્યું છે.

2014ની પહેલી સપ્ટેમ્બરે પ્રધાનમંત્રી નરેન્દ્ર મોદી જાપાનના પાટનગર ટોકીયોમાં હતાં. ટોકીયોમાં તેઓની પ્રધાનમંત્રી તરીકે દ્રિપક્ષીય સંબંધો મજબુત બનાવવાની જાપાનની તેઓની પ્રથમ મુલાકાત હતી.

પ્રધાનમંત્રી એ 2014માં ત્યારે જે ભાષણ આપેલું તેના અમુક અંશો અત્રે હિન્દી ભાષાંતરમાં પ્રસ્તુત છે. મોદી બોલ્યા હતાં : કિસી દેશ મેં એન્ક્રોચમેન્ટ કરના, કહીં સમુંદરમે ધુસ જાના, કભી કિસી દેશકે અંદર જાકર કબ્જા કરના… ઇન ચીઝોકી પ્રવૃતિ ચલ રહી હે…

આટલું બોલ્યા પછી પ્રધાનમંત્રી બોલ્યા હતા કે, 21મી સદીમાં વિસ્તારવાદથી માણસજાતને કોઇ ફાયદો થવાનો નથી. વિકાસ આવશ્યક છે. અને હું માનું છું કે 21મી સદીમાં જો એશિયા દુનિયાને નેતૃત્વ પુરૂ પાડશે તો ભારત અને જાપાન વિકાસના માર્ગને સાથે રહી ને પ્રશસ્ત કરશે.

વિસ્તારવાદ વિરોધ વિકાસ- પ્રધાનમંત્રીની મુખ્ય થીમ છે. તેઓએ લડાખમાં પણ જણાવ્યું હતું કે, વિસ્તારવાદનો સમય પુરો થયો છે. વિકાસ ભવિષ્ય માટેનું એન્જીન છે. 2014માં ટોકીયો ખાતે પણ તેઓએ આ વાત કરી હતી. ટોકીયોમાં તેઓએ જણાવ્યું હતું કે, સમગ્ર દુનિયા વિસ્તારવાદ અને વિકાસવાદની વચ્ચે વહેચાયેલી છે. જોકે, વિકાસવાદ આગળ ચાલી રહ્યો છે. વિશ્ર્વ વિસ્તારવાદને વિસ્તારે છે કે વિકાસવાદને પકડે છે તે આપણે નકકી કરવું પડશે. જે લોકો શાંતીને પસંદ કરે છે. તેઓ વિકાસમાં માને છે. તેઓ પ્રોગ્રેસમાં માને છે.

અત્રે નોંધનીય છે કે, 2019ના ઓકટોબરમાં પ્રધાનમંત્રી મોદીએ ચીનના બોસ જિંગપીંગને મહાબલીપુરમ ખાતે આવકાર્યા ત્યારે પ્રધાનમંત્રીએ કહેલું હતું કે, ઇન્ફોર્મલ સમીત ભારત અને ચાઇના વચ્ચેના સંબંધને મજબુત બનાવશે. રાજનીતિ અને વિદેશનીતિમાં ચીનને ચતુર માનવામાં આવે છે. પરંતુ લડાખ ધટના જોયા પછી એવું સમજાય છે કે, 2014માં જાપાનના ટોકીયો ખાતે પ્રધાનમંત્રીએ જે ભાષણ આપ્યું હતું તે ભાષણ સમજવામાં ચીન થાપ ખાઇ ગયું. આ ભાષણનો અર્થ ચીનને હવે સમજાય રહ્યો હશે. શુક્રવારની લેહ-લડાખની પ્રધાનમંત્રીની મુલાકાત પછી તો ચીન 100% મોદીને સમજી ચુકયું હશે.

વધુ વાંચો
Advertisement

ટ્રેન્ડીંગ