Saturday, February 27, 2021
Saturday, February 27, 2021
Home બિઝનેસ એમેઝોન, ફિલપકાર્ટ, ઝોમેટો અને સ્વિીગી લૂંટ ચલાવે છે : વેપારીઓ

એમેઝોન, ફિલપકાર્ટ, ઝોમેટો અને સ્વિીગી લૂંટ ચલાવે છે : વેપારીઓ

દેશમાં અબજો રૂપિયાનો કારોબાર કરતી કંપનીઓ એમેઝોન, ફિલપકાર્ટ, ઝોમેટો અને સ્વિીગી લૂંટ ચલાવે છે. એમ જણાવી વેપારીઓએ એમ કહ્યું છે કે, સરકારી તંત્રોએ આ કંપનીઓ વિરૂધ્ધ કાર્યવાહીઓ કરવી જોઇએ.

આ પ્રકારની કંપનીઓ ગ્રાહક સુરક્ષા (ઇ-કોમર્સ) કાનૂન-2020, લીગલ મેટ્રોલોજી(પેકેજડ કોમોડીટિ) કાનૂન-2011 અને ફુડ સેફટી સ્ટાન્ડર્ડ ઓથોરીટી દ્વારા જે ગાઇડલાઇન આપવામાં આવી છે. તે લાઇડલાઇનનો ખુલ્લે આમ ભંગ થઇ રહ્યો છે. આમ છતાં સંબંધીત તંત્રો આ કંપનીઓ વિરૂધ્ધ કાર્યવાહી કરતી નથી. સરકારે આ સ્થિતિમાં યોગ્ય કાર્યવાહીનો આદેશ આપવો જોઇએ એવી માંગણી સમગ્ર ભારતના વેપારીઓના સંગઠન દ્વારા કરવામાં આવી છે.

આ સમઠને એમ કહ્યું છે, ઇ-પોર્ટલ પર ફરજીયાત રીતે વેચાણકાર તથા પ્રોડકટના સંદર્ભમાં સ્પષ્ટ રીતે લખવી જોઇએ. પરંતુ આ કંપનીઓ આ નિયમનું પાલન કરતી નથી.

વેપારીઓના આ સંગઠને દેશના વાણિજય મંત્રીને પત્ર પાઠવ્યો છે. પત્રમાં જણાવ્યું છે કે, આ પ્રકારની કંપનીઓ ઉપરોકત ત્રણેય કાયદાઓનો ભંગ કરે છે. એક અર્થમાં આ ઓનલાઇન લૂંટ છે. સરકાર આ કંપનીઓ વિરૂધ્ધ કાર્યવાહી કરતી નથી. એટલે કંપનીઓની હિંમત વધુ ખુલી છે. આ ઉપરાંત ઇ-કંપનીઓએ ફરિયાદ માટે ચોકકસ અધિકારીઓની નિમણુક પણ કરી નથી. એમ પત્રમાં જણાવવામાં આવ્યું છે.

Most Popular