Connect with us

મનોરંજન

“રામ સેતુ” સાથે આવી રહ્યો છે અક્ષય કુમાર, આવો લુક ક્યારેય નહિ જોયો હોય

ખબર ગુજરાત

પ્રકાશિત

on

આજે દિવાળીના અવસરે અક્ષય કુમારે પોતાની આગામી ફિલ્મની ઘોષણા કરી છે..રામ સેતુ: ‘માન્યતા કે વાસ્તવિકતા?’ ફિલ્મનું પ્રથમ પોસ્ટર આજે અક્ષય કુમારે પોતાના ઇન્સ્ટાગ્રામ પર શેયર કર્યું છે. પોસ્ટરોમાં અક્ષય ગ્રે ટી-શર્ટ, બ્લુ ડેનિમ શર્ટ અને બ્લેક કાર્ગો પેન્ટ પહેરેલા લાંબા વાળમાં જોવા મળી રહ્યો છે. તે તીવ્ર દેખાવ આપતો નજરે પડે છે અને તેણે ગળાને ઓરેન્જ રંગનાં કપડાથી કવર કરેલ  છે. આ પોસ્ટરમાં બેકગ્રાઉન્ડમાં ભગવાન રામનો ફોટો પણ છે.

અક્ષયે રામ સેતુના પોસ્ટરના આ કેપ્શનમાં લખ્યું છે કે આ દિવાળીએભારત દેશના આદર્શ અને મહાનાયક ભગવાન શ્રી રામની પુણ્ય સ્મૃતિઓને યુગો યુગો સુધી ભારતની ચેતનામાં સુરક્ષિત રાખવા માટે એક એવા સેતુનું નિર્માણ કરીએ જે આવનારી પેઢીઓને ભગવાન રામથી જોડીને રાખે. અને અ પ્રયાસમાં અમારો એક નાનો સંકલ્પ છે  – “ રામ સેતુ” આપ સૌને દિવાળીની શુભકામનાઓ.

અભિષેક શર્માઆ ફિલ્મના ડીરેક્ટર છે. અરુણા ભાટિયા અને વિક્રમ મલ્હોત્રા દ્રારા ફિલ્મ પ્રોડ્યુસ કરવામાં આવી છે.

મનોરંજન

રાજદ્રોહ કેસ : અભિનેત્રી કંગનાની ધરપકડમાં વચગાળાની રાહત

ખબર ગુજરાત

પ્રકાશિત

on

અભિનેત્રી કંગના રાણાવત ઘણાં સમયથી ચર્ચામાં છે. તેણી વિરૂધ્ધ મુંબઇની વડી અદાલતમાં કેસ ચાલી રહ્યો છે. રાજદ્રોહના આ કેસમાં વડી અદાલતે તેણીને ધરપકડ વિરૂધ્ધ હાલ પૂરતું રક્ષણ આપ્યું છે. કંગના રાણાવત ઉપરાંત તેણીની બહેન રંગોલી ચંડેલ પણ આ કેસમાં આરોપી છે. બન્ને બહેનો વિરૂધ્ધ રાજદ્રોહ સહિતના ગુનાઓની કલમો અંગે એફઆઇઆર નોંધાઇ હતી. વડી અદાલતે મંગળવારે આ કેસની સુનાવણી દરમ્યાન કહયું છે કે, આઠમી જાન્યુઆરી સુધી આ બન્ને બહેનોની ધરપકડ થઇ શકશે નહીં. અદાલતમાં વધુ સુનાવણી આઠમી જાન્યુઆરીએ રાખવામાં આવી છે અને બન્ને બહેનોને વડી અદાલત સમક્ષ 8મીએ હાજર થવા કહેવામાં આવ્યું છે.

અત્રે નોંધનિય છે કે, આઇપીસીની કલમ 124-એ (રાજદ્રોહ) હેઠળ પોતાની વિરૂધ્ધ નોંધવામાં આવેલી આ ફરિયાદને કંગના દ્વારા વડી અદાલતમાં પડકારવામાં આવી છે. અદાલતે આ કેસની સુનાવણી દરમ્યાન પોલીસને એવો પ્રશ્ન પણ પૂછયો હતો કે, કોઇપણ વ્યકિત સરકારની સાથે અથવા સરકારની નીતિ સાથે સહમત ન હોય અને વિરોધ કરે તો રાજદ્રોહનો ગુનો નોંધી શકાય ?

વડી અદાલતે પોલીસને એમ પણ જણાવ્યું હતું કે, આ અગાઉ પોલીસ દ્વારા આ બન્ને બહેનોને ત્રણ વખત સમન્સ મોકલવામાં આવ્યા છે. આ બન્ને મહિલાઓનું પોલીસે માન જાળવવું જોઇએ.

આ અગાઉ મુંબઇના બાંદ્રાની અદાલતે પોલીસની આ એફઆઇઆરના અનુસંધાને તપાસનો આદેશ આપ્યો હતો. પોલીસે આ બન્ને બહેનો પર સમાજમાં નફરત અને કોમી તણાવ ફેલાવવાનો આક્ષેપ મૂકયો હતો. પોલીસેે એમ જણાવ્યું હતું કે, આ બહેનોએ સોશિયલ મીડિયામાં પોતાની પોસ્ટ મારફત આવો પ્રયત્ન કર્યો હતો.

મંગળવારે કંગના રાણાવત અને તેની બહેન રંગોલીએ પોલીસે નોંધેલી આ ફરિયાદ તથા નીચલી અદાલતે ફરિયાદના અનુસંધાને તપાસનો જે આદેશ આપ્યો હતો તે બન્ને રદ કરવા હાઇકોર્ટમાં પીટિશન કરી હતી. આ પીટિશનની સુનાવણી દરમ્યાન હાઇકોર્ટ દ્વારા ઉપરોકત અદાલતી કાર્યવાહી કરવામાં આવી હતી.

વધુ વાંચો

મનોરંજન

તારક મેહતા કા ઉલ્ટા ચશ્માના પ્રોડ્યૂસર અસિત કુમાર મોદી કોરોના પોઝિટિવ

ખબર ગુજરાત

પ્રકાશિત

on

વિશ્વભરમાં કોરોના કહેર વર્તાવી રહ્યો છે. ભારતમાં પણ હજુ કોરોનાનો હાહાકાર યથાવત છે. ત્યારે ટીવી સિરિયલ તારક મેહતા કા ઉલ્ટા ચશ્માના પ્રોડ્યૂસર અસિત કુમાર મોદીનો કોરોના રિપોર્ટ પોઝિટિવ આવ્યો છે. તેમને ટેસ્ટ પોઝિટિવ આવ્યા બાદ તેમણે ખુદને આઈસોલેટ કર્યા છે. અસિત કુમાર મોદીએ પોતાના સોશિયલ પ્લેટફોર્મ પર તેની જાણકારી આપી. અસિત મોદી સબ ટીવી પર આવતા લોકપ્રિય શો તરાક મહેતા કા ઉલ્ટા ચશ્માના પ્રોડ્યુસર છે અને તેમણે ટ્વિટર પર જણાવ્યું કે, તેઓને કોરોનાના લક્ષણો જણાતા ટેસ્ટ કરાવ્યો હતો અને તે પોઝિટિવ આવ્યો છે. તેમણે પોતાને આઈસોલેટ કરી લીધા છે અને તેમના સંપર્કમાં આવેલા તમામને પ્રોટોકોલનું પાલન કરવા આદેશ કર્યો છે. લોકડાઉન બાદ અનલોક સાથે જુલાઈમાં જ તારક મહેતા કા ઉલ્ટા ચશ્માનું ફરી શૂટિંગ શરૂ કરાયું હતું. અસિત મોદીએ અંગ્રેજી અને હિન્દીમાં ટ્વીટ કરીને પોતાને કોરોના સંક્રમણ થયું હોવાનું જણાવ્યું હતું.

વધુ વાંચો

મનોરંજન

કોમેડિયન ભારતી સિંહ અને પતિ હર્ષની ડ્રગ કેસમાં ધરપકડ

ખબર ગુજરાત

પ્રકાશિત

on

જાણીતી હાસ્ય કલાકાર ભારતી સિંહ અને તેના પતિ હર્ષ લિંબાચિયાની નાર્કોટિક્સ કંટ્રોલ બ્યૂરો (એનસીબી)એ શનિવારે એનડીપીએસ એક્ટ ૧૯૮૬ની જોગવાઇ હેઠળ ધરપકડ કરી હતી. એનસીબી દ્વારા હાથ ધરવામાં આવેલી પૂછપરછ દરમિયાન ભારતી અને તેના પતિ હર્ષે ગાંજાનું સેવન કરતા હોવાની કબૂલાત કરી હતી. ભારતી અને તેના પતિને રવિવારે કોર્ટ સમક્ષ રજૂ કરશે.

એક ડ્રગ પેડલરની પૂછપરછ દરમિયાન બંનેના નામ સામે આવ્યા બાદ એનસીબીને ભારતી સિંહના મુંબઇ સ્થિત કાર્યાલય અને નિવાસસ્થાનોની તપાસ દરમિયાન ૮૬.૫ ગ્રામ ગાંજો મળી આવ્યો હતો. બંનેના મુંબઇના અંધેરી, લોખંડવાલા અને વર્સોવા ખાતેના નિવાસસ્થાને કલાકો સુધી પૂછપરછ કરી હતી. બંનેએ ડ્રગ સેવન કરતા હોવાની કબૂલાત કરી હતી.

મુંબઇ એનસીબી કાર્યાલયના અધિકારી સમીર વાનખેડેએ જણાવ્યું હતું કે તેમના નિવાસેથી નશીલો પદાર્થ મળી આવ્યો હતો. પ્રતિબંધિત કેફી પદાર્થ તેઓ કઈ રીતે મેળવી રહ્યા હતા અને કેટલી વાર તેમણે તેની ખરીદી કરી હતી. તે બાબતનો તાગ મેળવવા એનસીબી પ્રયાસ કરશે.

વધુ વાંચો
Advertisement
Advertisement

ટ્રેન્ડીંગ