Connect with us

રાજ્ય

ફક્ત બે ચોપડી ભણેલા કુતિયાણાના અમર ગામના ખેડૂત અન્ય ખેડૂતો માટે પ્રેરણારૂપ બન્યા

બે વિઘા જમીનમાંથી દરરોજ રૂા.8 થી 10 હજારની ઇઝરાયેલી ખારેકનું ઉત્પાદન મેળવે છે

ખબર ગુજરાત

પ્રકાશિત

on

કુતિયાણા તાલુકાના અમર ગામના પ્રગતિશીલ ખેડૂત સામતભાઇ ખુટીના ખેતીના આધુનિક પ્રયોગો અન્ય ખેડૂતોને પ્રેરણા પુરી પાડે છે. રાજ્ય સરકારના બાગાયત ખાતા દ્રારા ઇઝરાયેલી ખારેકનાં 40 રોપા માટે એક રોપા દીઠ રૂા.1250ની સબસીડી મેળવીને ઉત્પાદનનાં પ્રથમ વર્ષ સામતભાઇ બે વિઘા  જમીનમાંથી દરરોજ સરેરાશ 8થી10 હજાર રૂપિયાની સોના જેવી પીળી અને સાકર જેવી મીઠી ખારેકનુ ઉત્પાદન મેળવી જાતે જ બજારમાં વેચે છે.
નવજાત બાળકનો ઉછેર અને જમીનના ઉભા પાકની માવજત કરવી ખૂબ જ મહેનતનું કામ હોય છે, રાત દિવસ જોયા વગર સતત પરીશ્રમ કરવો પડે છે. બદલાવ પ્રકૃતિનો નિયમ છે, કેટલાક બદલાવ પ્રકૃતિને આધિન છે, તો કેટલાક બદલાવ વૈચારિક બદલાવ હોય છે. વૈચારિક બદલાવ માણસને સાહસિક બનાવીને કઇક નવુ કરવાની પ્રેરણા પુરી પાડે છે. ભારત ખેતી પ્રધાન દેશ હોવાથી મોટાભાગના ગામડાઓમા મુખ્ય વ્યવસાય ખેતી અને પશુપાલન છે. ત્યારે ગુજરાતના ખેડૂતો સધ્ધર થાય તે માટે રાજ્ય સરકાર દ્રારા ખેતીલક્ષી અનેક યોજનાઓ કાર્યરત છે. ગામનુ પાણી ગામમા અને સીમનુ પાણી સીમમા સચવાય રહે તે માટે  સૂજલામ સૂફલામ જળ અભિયાન દ્રારા તળાવો ઉંડા કરવામા આવે છે. ખેડૂતોને તાલીમ આપવામા આવે છે. ખેતીના સાધનોની ખરીદી માટે સબસીડી આપવામા આવે છે.
         ફક્ત બે ચોપડી ભણેલા સામતભાઇ કહે છે કે, દૂરદર્શન, ડીડી કિશાન ચેનલ પર  આવતા કૃષિલક્ષી કાર્યક્રમો જોતીવેળા મને કઇક નવુ કરવાની પ્રેરણા મળી, મારી પાસે 15 વિઘા જમીન છે. તેમાં પરંપરાગત ખેતીની સાથે સાથે આધુનિક ખેતી કરવાનો વિચાર મને વલસાડ સુધી ખેંચી ગયો. વલસાડથી રૂા.3500 લેખે એક એમ 40 રોપા લઇ આવ્યો, જેમાં બાગાયત ખાતા દ્રારા સહાયકીય યોજના રૂપે એક રોપાદીઠ રૂા.1250 અને એક રોપાની મજુરી 160 લેખે  એમ કુલ રૂા.56 હજાર જેટલી સહાય મળી. પ્રગતિશીલ ખેડૂતે કહ્યુ કે, વાવેતરના 2 વર્ષ બાદ આ પ્રથમ વર્ષે દરરોજ 150 કિલો જેટલી ખારેક ઉતરે છે. 3 થી 4 વર્ષમાં ઉત્પાદન વધતુ જાય છે, વર્ષમા દોઢ મહિનો સતત ફળ આપે છે. ખારેકના છોડ અંદાજે 70 વર્ષ સુધી ફળ આપે છે. દરેક ખેડૂતે પરંપરાગત ખેતીની સાથે સાથે આધુનિક ખેતી કરવી જોઇએ.
બે વિઘામાં ખારેક અને ડ્રેગનફ્રૂટ ઉપરાંત અન્ય ૧૩ વિઘા જમીનમાં મગફળી સહિતના પાકનું વાવેતર કરનાર સામતભાઇના ખેતીના આધુનિક પ્રયોગો અન્ય પ્રગતિશીલ ખેડૂતોને પોતાની જમીનમાં કઇક નવુ વાવેતર કરવાની રાહ ચીંધે છે.

રાજ્ય

કલ્યાણપુરના દારૂ પ્રકરણમાં બે વર્ષથી નાસતો ફરતો આરોપી ઝડપાયો

ખબર ગુજરાત

પ્રકાશિત

on

કલ્યાણપુર તાલુકામાં ગત જુન 2018 માસમાં વિદેશી દારૂ પ્રકરણમાં ભાણવડ તાલુકાના રાણપર ગામના બાધા નાથા કોડીયાતર નામના શખ્સનું નામ ખુલવા પામ્યું હતું. આ દરમિયાન જિલ્લા પોલીસ વડા સુનિલ જોશીની સૂચના મુજબ એલ.સી.બી. પોલીસ દ્વારા હાથ ધરાયેલા પેટ્રોલિંગમાં એલસીબીના એ.એસ.આઇ. કેસુરભાઈ ભાટિયા, મશરીભાઇ ભરવાડીયા, જેસલસિંહ જાડેજા, તથા સહદેવસિંહ જાડેજાને મળેલી ચોક્કસ બાતમીના આધારે ખંભાળિયા- ભાણવડ માર્ગ પર આવેલી એક હોટલ પાસેથી વાહનની રાહ જોઇને ઉભેલા રાણપુર ગામના મુળ રહીશ અને હાલ જંબુસર ગામે રહેતા રબારી બાધા નાથા કોડીયાતર (ઉ. વ. 26) ની પોલીસે અટકાયત કરી, તેનો કબજો કલ્યાણપુર પોલીસને સોંપવામાં આવ્યો છે. પોલીસની પૂછપરછમાં ઉપરોક્ત શખ્સ બે વર્ષ પૂર્વે વિદેશી દારૂ પ્રકરણમાં પાયલોટિંગ કરવાના ગુનામાં નાસતો ફરતો હતો. આ પ્રકરણમાં પોલીસે અગાઉ બે આરોપીની ધરપકડ પણ કરી હતી.

વધુ વાંચો

રાજ્ય

વડોદરામાં મોડી રાત્રે નિર્માણાધીન બિલ્ડિંગ ધરાશાયી

ખબર ગુજરાત

પ્રકાશિત

on

વડોદરામાં સોમવારે મોડી રાત્રે 3 વાગે બાવામાન પુરા વિસ્તારમાં નવનિર્મિત બિલ્ડિંગ ધરાશાયી થતાં 7 વ્યક્તિઓ દબાયા હોવાની માહિતી મળી રહી છે. આ ઘટનામાં ત્રણ મજૂંરોના મોત થયા છે, જ્યારે બાકી ઘાયલ લોકોને એક હોસ્પિટલમાં દાખલ કરવામાં આવ્યા છે. આ ઘટનાની માહિતી મળતા ફાયર વિભાગનો કાફલો ઘટના સ્થળે પહોંચ્યો હતો અને રેસ્ક્યૂ ઓપરેશન ચલાવ્યું હતું. ફાયર બ્રિગેડ દ્વારા તાબડતોબ રેસ્ક્યૂ ઓપરેશન હાથ ધરી 9 પૈકી 1 બાળક સહિત 3ને બચાવી લેવાયા હતા.

આ ઘટનાની મળતી માહિતી પ્રમાણે, વડોદરાના પાણીગેટના બાવામાનપુરામાં સોમવારે મોડીરાત્રે એક 5 માળની બિલ્ડિંગ ધડાકાભેર તૂટી પડી હતી. બિલ્ડિંગના કાટમાળમાં 7 લોકો દટાયા હતા, આ ઘટના મોડીરાત્રે બનતા આસપાસના સ્થાનિક લોકો દોડી આવ્યા હતા અને ફાયરબ્રિગેડને ઘટનાની જાણકારી આપી હતી. ફાયરબ્રિગેડ ઘટના સ્થળે પહોંચીને તાત્કાલિક રેસ્ક્યૂ ઓપરેશન ચલાવ્યું હતું. રાત્રે 7 પૈકી 1 બાળક સહિત 3નું રેસ્ક્યૂ કરાયું હતું. બાકીના 6 વ્યક્તિઓની શોધખોળ ચાલું છે.

વધુ વાંચો

રાજ્ય

કલ્યાણપુરના ટીટોડી ગામે જુગારધામ ઝડપાયું: આઠ શખ્સો ઝબ્બે

ખબર ગુજરાત

પ્રકાશિત

on

કલ્યાણપુર તાલુકાના ટાટોડી ગામે રહેતા મંગળદાસ ઉર્ફે મંગાભાઈ કરસનભાઈ ગોહિલ નામના શખ્સ દ્વારા પોતાના રહેણાંક મકાનમાં અંગત ફાયદા માટે નાલ ઉઘરાવી, ચલાવતા જુગારના અખાડા પર એલ.સી.બી. પોલીસે દરોડો પાડ્યો હતો. જિલ્લા એલ.સી.બી. પી.આઈ. જે.એમ. ચાવડાના માર્ગદર્શન હેઠળ હેડ કોન્સ્ટેબલ મશરીભાઇ આહિર, બોઘાભાઈ કેસરિયા, તથા સહદેવસિંહ જાડેજાને મળેલી બાતમીના આધારે ટીટોડી ગામે પાડવામાં આવેલા આ જુગાર દરોડામાં પોલીસે ટીટોડી ગામના મંગળદાસ ઉર્ફે મંગાભાઈ કરસનભાઈ ગોહેલ, પરબત ઉર્ફે જયેશ ગોવિંદભાઈ આંબલીયા, અરશી ભાયાભાઈ છુછર, ધાના અરજણભાઈ છુછર, પાલા પાચાભાઈ લાબરિયા, મેરુ નારણભાઈ ચાવડા, ભીમશી કારાભાઈ આંબલીયા, અને માલદે સવદાસભાઇ છુછર નામના આઠ શખ્સોને ઝડપી લીધા હતા. પકડાયેલા શખ્સો પાસેથી 71,820 રોકડા તથા રૂપિયા બાવીસ હજારની કિંમતના 8 નંગ મોબાઈલ ફોન મળી, કુલ રૂપિયા 93,820 નો મુદ્દામાલ કબજે કરવામાં આવ્યો હતો.
આ સમગ્ર કાર્યવાહી એલ.સી.બી.ના પી.આઈ. જે.એમ. ચાવડા, પી.એસ.આઈ. વી.એમ. ઝાલા, એ.એસ.આઇ. અરવિંદભાઈ નકુમ, રામશીભાઈ ભોચિયા, બીપીનભાઈ જોગલ, અજીતભાઈ બારોટ, સજુભા જાડેજા, કેસુરભાઈ ભાટીયા, દેવશીભાઇ ગોજીયા, વિપુલભાઈ ડાંગર, નરશીભાઈ સોનગરા, ધર્મેન્દ્રસિંહ ચુડાસમા, મશરીભાઈ આહિર, જેસલસિંહ જાડેજા, સહદેવસિંહ જાડેજા, ભરતભાઇ ચાવડા, અરજણભાઈ મારુ, બલભદ્રસિંહ ગોહિલ, બોધાભાઇ કેસરિયા, મહેન્દ્રસિંહ જાડેજા, હસમુખભાઈ કટારા, જીતુભાઈ હુણ, તથા વિશ્વદીપસિંહ જાડેજા દ્વારા કરવામાં આવી હતી.

વધુ વાંચો

ટ્રેન્ડીંગ