Connect with us

જામનગર

જામનગર શહેર જિલ્લાનાં વધુ 6 વિસ્તારોને કન્ટેઇનમેન્ટ જાહેર કરાયા

જામનગર શહેર જિલ્લાનાં વધુ 6 વિસ્તારોને કન્ટેઇનમેન્ટ જાહેર કરાયા

ખબર ગુજરાત

પ્રકાશિત

on

જામનગર શહેર અને જિલ્લામાં સતત વધી રહેલા કોરોના પોઝિટીવ કેસને પગલે જિલ્લામાં વધુ 6 વિસ્તારોને કન્ટેઇનમેન્ટ એરિયા જાહેર કરવામાં આવ્યા છે. કલેકટર દ્વારા બહાર પાડવામાં આવેલ જાહેરનામામાં જે વિસ્તારોનો કન્ટેઇનમેન્ટ એરિયા તરીકે સમાવેશ કરવામાં આવ્યો છે. તે નીચે મુજબ છે.

જામનગર જિલ્લાના લાલપુર તાલુકાના વાવડી ગામના ભીમા જેશા વરુના બંધ ડેલાથી અરજણભાઈ પબાભાઈ વાવરોટીયાની દક્ષિણ- દિશામાં રમા પબા વાવરોટીયાના ધર સુધી પશ્ચિમ દિશામાં દેવશી પબા વાવરોટીયાની બાજુની શેરીથી ચોરા બાજુની બજાર આવવાના રસ્તા સુધી કુલ ઘર-6.

જામનગર જિલ્લાના જામજોધપુરના ભંડાણીયા દેવભુવન વાળી શેરી પ્લોટ વિસ્તાર, પ્રા.આ.કેન્દ્રના કવાટર્સની બાજુવાળી શેરી, જામવાળીના કુલ ઘર-૭ સુધીનો વિસ્તાર.

જામનગર મહાનગરપાલિકા વિસ્તારમાં ગ્રેઈનમાર્કેટ પાસે આવેલ ખાંડીયાફળીમાં હજરત ગેબનશા પીરની દરગાહ પાસે સલોની બ્યુટી પાર્લર વિગેરે વિસ્તારના ૫૦ મી. લંબાઈની શેરીના આશરે ૧૨ મકાનોવિસ્તાર.

જામનગર મહાનગરપાલિકા વિસ્તારમાં રણજીતસાગર રોડ પર આવેલ વિજય સોઢા સ્કુલની સામે પટેલનગર તરીકે ઓળખાતા વિસ્તારમાં શેરી નં.૩ કે જેમાં બ્લોક નં.૩૭/૩ (ત્રીલોક ભવન) ડુપ્લેકસનો સમાવેશ થાય છે તે સમગ્ર શેરી નં.૩ નો વિસ્તાર.

જામનગર મહાનગરપાલિકા વિસ્તારમાં જયંત સોસાયટી પાછળ આવેલ પ્રતાપનગર ગરબી ચોક શેરી નં.૨ માં આવેલ કૃષ્ણરાજકુંજ મકાન, ઈન્દ્રભુવન તથા આ શેરીમાં સમાવિષ્ટ થતાં ૨૦ મકાનનો વિસ્તાર.

જામનગર મહાનગરપાલિકા વિસ્તારમાં આવેલ જી.આઈ.ડી.સી. ફેઈઝ-૩ બ્લોક નં.૪૦૦૯/૧૦, આરકે.કોમ્પલેક્ષની બાજુમાં યુનાઈટેડ બ્રાસ તરીકે ઓળખાતો ઓદ્યોગીક એકમનો વિસ્તાર.

જામનગર

જામનગરમાં બે જગ્યાએથી દારૂની ત્રણ બોટલ જપ્ત

ત્રણની ધરપકડ, એક ફરાર

ખબર ગુજરાત

પ્રકાશિત

on

જામનગર શહેર પોલીસ ગઈકાલના રોજ ચેકિંગમાં હતી તે દરમિયાન મહાકાળી સર્કલ પાસેથી દારૂની બે બોટલ સાથે બે શખ્સની ધરપકડ કરી દારૂની સપ્લાય કરનાર શખ્સની તપાસ હાથ ધરી છે. અન્ય જગ્યા જેમાં નવાગામ ઘેડ ઇન્દિરા સોસાયટી માંથી દારૂની એક બોટલ સાથે એક શખ્સની ધરપકડ કરી ગુન્હો નોંધી પોલીસે આગળની કામગીરી હાથ ધરી છે.

જામનગર શહેરના મહાકાળી સર્કલ પાસે માલધારી હોટેલની બાજુમાંથી પોલીસે દારૂની બે બોટલ સાથે અરુણ સીતારામ સોની રે.વુલનમીન, બાલાજી પાર્ક તથા ભૂરા રણમલ રૂડાચ રે.ડીફેન્સ કોલોની નામના શખ્સની ધરપકડ કરી પૂછપરછ કરતા દારૂની સપ્લાય કરનાર શખ્સ વિરમ ગઢવીનું નામ સામે આવતા તેની તપાસ હાથ ધરી સીટી સી ડીવીઝન પોલીસે ગુન્હો નોંધ્યો છે.

જામનગર શહેરના નવાગામ ઘેડ ઇન્દિરા સોસાયટી શેરી નં.7માં રહેતા હાર્દિક ઉર્ફે લીલી અરવિંદભાઈ ગંજેરીયા નામના શખ્સના કબ્જામાંથી દારૂની 1 બોટલ જપ્ત કરી સીટી બી ડીવીઝન પોલીસ દફતરમાં પ્રોહીબીશન કલમ હેઠળ ગુન્હો નોંધી આગળની કાર્યવાહી હાથ ધરી હતી.

વધુ વાંચો

જામનગર

યુવકે વ્યાજખોરોના ત્રાસથી ડરીને શરીરે ડીઝલ છાંટી જાત જાળવી

યુવક હોસ્પિટલમાં સારવાર હેઠળ : બે શખ્સો વિરૂધ્ધ ફરિયાદ દાખલ

ખબર ગુજરાત

પ્રકાશિત

on

જામનગર શહેરના કાલાવડ નાકા બહાર મોરકાંડા રોડ રબ્બાની પાર્કમાં રહેતા અને ડ્રાઈવીંગનો ધંધો કરતા યુવકે અગાઉ એક શખ્સ પાસેથી વ્યાજે રૂપિયા લીધેલ હોય અને ચુકવવાના બાકી હોવાથી શખ્સોએ ઉઘરાણી કરતા યુવકે ડરીને શરીરે ડીઝલ છાંટી આત્મહત્યાનો પ્રયાસ કરતા તેને હોસ્પિટલમાં ખસેડવામાં આવ્યા છે.

આ બનાવની પ્રાપ્ત વિગતો મુજબ જામનગરના કાલાવડ નાકા બહાર મોરકાંડા રોડ રબ્બાની પાર્કમાં રહેતા અને ડ્રાઈવીંગનો ધંધો કરતા આશીફભાઈ આમદભાઈ ડોર નામના યુવકે અગાઉ આરોપી અસલમ શેખ પાસેથી વ્યાજે રૂપિયા લીઘા હતા. જેમાંથી ત્રણ હજાર રૂપિયા ચુકવવાના બાકી હોવાથી અસલમ યાસીન તથા અહેમદ બોદુએ યુવકને ફોન કરી ઘરની બહાર બોલાવી રૂપિયાની ઉઘરાણી કરતા ફરિયાદીએ રૂપિયાની સગવડ ન હોવાથી હાલ રૂપિયા નહિ આપું તેમ કહેતા બન્ને આરોપીઓએ ગાળો દઇ ઢીંકાપાટુનો માર મારી ધમકી આપી પૈસા પરત નહી આપે તો મારી નાખવાની ધમકી આપતા બળજબરી પૂર્વક ઉઘરાણી કરતા ફરિયાદીને ડર લાગતા તેણે આ પગલું ભરી લીધું હોવાનું સામે આવ્યું છે. સીટી એ ડીવીઝન પોલીસે આ અંગે બન્ને આરોપી વિરુધ ગુન્હો નોંધી આગળની કાર્યવાહી હાથ ધરી હતી.

વધુ વાંચો

જામનગર

જિલ્લા-તાલુકા પંચાયતની કુલ 136 બેઠક માટે ભાજપામાં 537 દાવેદાર

સિકકા નગરપાલિકાની 28 બેઠક માટે 74 દાવેદાર નોંધાયા : જામનગર જિલ્લા ભાજપના નિરીક્ષકો દ્વારા ગઇકાલે દરેક તાલુકા મથકોએ સેન્સ પ્રક્રિયા હાથ ધરવામાં આવી

ખબર ગુજરાત

પ્રકાશિત

on

જામનગર જિલ્લા તથા તાલુકા પંચાયતોની ચૂંટણી માટે ઉમેદવારો પસંદ કરવા ભાજપ દ્વારા ગઇકાલે દરેક તાલુકા મથકોએ સેન્સ પ્રક્રિયા હાથ ધરવામાં આવી હતી. આ માટે તાલુકાવાઇઝ 3-3 નિરીક્ષકોની ટુકડી બનાવવામાં આવી હતી. આ સેન્સ પ્રક્રિયા દરમ્યાન જિલ્લા અને તાલુકા પંચાયતોની કુલ 136 બેઠકો માટે 537 મુરતિયાઓએ પોતાનો દાવો નોંધાવ્યો હતો. આ ઉપરાંત સિકકા નગરપાલિકાની 28 બેઠક માટે પણ 74 દાવેદાર નોંધાયા હતા.

ભાજપ દ્વારા બુધવારે દરેક તાલુકા મથકોએ ઉમેદવાર પસંદગી માટે સેન્સ પ્રક્રિયા હાથ ધરવામાં આવી હતી. નિરીક્ષકો દ્વારા હાથ ધરાયેલી આ પ્રક્રિયામાં ધ્રોલ તાલુકા પંચાયતની 16 બેઠક માટે 53 જોડિયાની 16 બેકઠ માટે 59, જામજોધપુરની 18 બેઠક માટે 78, લાલપુરની 18 બેઠક માટે 65, જામનગરની 26 બેઠક માટે 91 તથા કાલાવડ તાલુકાની 18 બેઠક માટે 67 ઉમેદવારોએ પોતાની દાવેદારી પક્ષના નિરીક્ષકો સમક્ષ રજૂ કરી હતી. આમ તાલુકા પંચાયતોની કુલ 11ર બેઠક માટે 413 દાવેદારો નોંધાયા હતા. આ ઉપરાંત જામનગર જિલ્લા પંચાયતની 24 બેઠક માટે પણ સેન્સ લેવામાં આવી હતી. જિલ્લા પંચાયત માટે ભાજપની ટિકીટ મેળવવા 124 લોકોએ દાવેદારી નોંધાવી હતી.

બીજી તરફ જામનગર જિલ્લામાં એકમાત્ર સિકકા નગરપાલિકાની ચૂંટણી પણ યોજાવા જઇ રહી છે ત્યારે સિકકા પાલિકાની 28 બેઠક માટે નિરીક્ષકો દ્વારા હાથ ધરાયેલી ઉમેદવાર પસંદગીની પ્રક્રિયામાં કુલ 74 લોકોએ ટિકીટ માટે દાવેદારી નોંધાવી હતી.

વધુ વાંચો
Advertisement
Advertisement

ટ્રેન્ડીંગ