Connect with us

શહેર

જામનગર જિલ્લામાં 24 કલાકમાં કોરોનાના 18 પોઝિટિવ કેસ

ચિંતાજનક વધી રહેલું કોરોનાનું લોકલ સંક્રમણ: 

ખબર ગુજરાત

પ્રકાશિત

on

 

ખબર-જામનગર

જામનગર શહેર અને જિલ્લામાં છેલ્લાં 10 દિવસથી કોરોના વાઈરસનું લોકલ સંક્રમણ ચિંતાજનક રીતે સતત વધી રહ્યું છે. વચ્ચે બે દિવસ કોરોના કેસમાં ઘટાડો આવ્યો હતો. પરંતુ ફરીથી કોરોના કેસમાં સતત વધારો જ થતો જાય છે. દેશભરમાં સતત વધી રહેલા કોરોનાના કેસો અને તેમાં નિપજતાં મોતથી વડાપ્રધાન ખૂદ ચિંતિત છે અને દેશવાસીઓને સોશિયલ ડિસ્ટન્સીંગ જાળવવા અને માસ્ક ફરજિયાત પહેરવા તથા બાળકો અને વૃદ્ધોને બહાર ન નિકળવા વધુ એક વખત હાથ જોડી અપીલ કરી હતી. તેમ છતાં કોરોનાના કેસો વધતાં જ જાય છે. જામનગર જિલ્લામાં છેલ્લાં 24 કલાક દરમિયાન 18 કેસો પોઝિટિવ નોંધાયા છે. આ પોઝિટિવ કેસોના વિસ્તારને વહીવટી તંત્ર દ્વારા સીલ કરી ક્ધટેઈનમેન્ટ ઝોન તરીકે જાહેર કરવા કાર્યવાહી હાથ ધરવામાં આવી છે.

સમગ્ર દેશનો કોરોના વાઈરસ મહામારીમાં પોઝિટિવ કેસનો આંકડો સતત વધતો જાય છે. આજની સ્થિતિએ દેશભરમાં છેલ્લાં 24 કલાક દરમિયાન 19,248 નવા દર્દીઓ ઉમેરાયા છે. દેશમાં અનલોક થયા પછી લોકલ સંક્રમણ સતત વધી રહ્યું છે અને અત્યાર સુધીમાં દેશમાં 17,848 લોકોના કોરોનાથી મોત થયા છે. જેમાં ગુજરાતમાં કોરોનાનો આંકડો 33,318 સુધી પહોંચી ગયો છે અને 1869 લોકોના મોત નિપજ્યા છે. છેલ્લાં 24 કલાકમાં રેકોર્ડબ્રેક 675 કેસ નોંધાયા છે. જ્યારે 21 લોકોના મોત નિપજ્યા છે. રાજ્યમાં સતત વધતા જતા કોરોનાના કેસો જામનગર શહેર અને જિલ્લામાં પણ ચિંતાજનક રીતે વધી રહ્યા છે અને છેલ્લાં 10 દિવસથી લોકલ સંક્રમણને કારણે દરરોજ 10 થી 15 કેસો આવે છે. છેલ્લાં 24 કલાક દરમિયાન જામનગર શહેર અને જિલ્લામાં લાલપુર તાલુકાના નવી વેરાવળ ગામના 60 વર્ષના વૃધ્ધ, અલિયાબાડામાં રહેતા 68 વર્ષના વૃદ્ધ, ધ્રોલમાં રહેતા 72 વર્ષના વૃદ્ધ અને જામનગર શહેરના સ્વામિનારાયણનગર વિસ્તારમાં રહેતા 51 વર્ષના પ્રૌઢ તથા હરિયા સ્કૂલ પાસેના વિસ્તારમાં રહેતા 35 વર્ષના યુવાન, ખોડિયાર કોલોની ક્રિષ્ના સ્કૂલ પાસે રહેતા 33 વર્ષના યુવાન, શંકરટેકરી નહેરૂ નગર વિસ્તારમાં રહેતા 44 વર્ષના મહિલા, ગુલાબનગરના મોહનનગર ઢાળિયા પાસે રહેતા 43 વર્ષના મહિલા અને સત્યમ કોલોની રોડ પર આવેલી રામકૃષ્ણ સોસાયટીમાં રહેતા 34 વર્ષના યુવાન તથા રણજીતનગરમાં રહેતાં 51 વર્ષના પ્રૌઢ તેમજ ચમન સોસાયટી રોઝી સ્કૂલ પાસે  રહેતા 46 વર્ષના યુવાન અને મધુવન ઈન્દીરા સોસાયટીમાં રહેતા 30 વર્ષના મહિલાના કોરોના રિપોર્ટ પોઝિટિવ આવ્યો હતો.

તેમજ બુધવારે મોડીરાત્રીના સમયે જડેશ્ર્વર પાર્ક પાસે આવેલ પ્રણામી ટાઉનશીપમાં રહેતા 60 વર્ષના વૃધ્ધ, રતનબાઈની મસ્જિદ પાસે રહેતા 46 વર્ષના મહિલા, ખંભાળિયા નાકા કનખરા સમાજ પાસે રહેતા 45 વર્ષના યુવાન, દરબાર ગઢ વોરા ફળી સામે આવેલી મીનારા ફળીમાં રહેતા 47 વર્ષીય મહિલા અને કિસાન ચોક પવનચકકી પાસે રહેતાં 34 વર્ષના યુવાન તેમજ ગુલાબનગર મોહનગરના ઢાળિયા પાસે રહેતા 40 વર્ષના યુવાનનો રિપોર્ટ પોઝિટિવ આવ્યો હતો. આ યુવાનના પત્નિનો રિપોર્ટ પણ બુધવારે પોઝિટિવ આવ્યો હતો.

સતત વધી રહેલા લોકલ સંક્રમણનું મુખ્ય કારણ લોકોમાં સ્વાસ્થ્ય પ્રત્યે જાગૃત્તતા નથી અને લોકો જાહેર માર્ગ પર એક ટોળામાં બેસતા હોય છે અને સોશિયલ ડિસ્ટન્સીંગ જાળવતા નથી અને માસ્ક પણ પહેરતા નથી. કોરોનામાં લોકલ સંક્રમણ વધવાનું મુખ્ય કારણ પ્રજામાં સાવચેતીનો અભાવ જોવા મળે છે.  જેને કારણે કોરોનાનો ભોગ બનવું પડે છે. વહીવટી તંત્ર દ્વારા સતત હાથ જોડી વિનંતી કરવા છતાં આ મહામારીમાં સાવચેતી રાખવા માટે પ્રજા જરા પણ દરકાર રાખતી નથી. જેથી શહેર અને જિલ્લામાં કોરોના પોઝિટિવનો આંકડો સતત વધી રહ્યો છે. શહેરના ધન્વન્તરિ મેદાન પાસે, ગાંધીનગર બ્રુક બોન્ડ ગ્રાઉન્ડ, ચાંદીબજાર, રણજીતરોડ જેવા અનેક વિસ્તારોમાં લોકો બેરોકટોક ફરતા હોય છે. આ લોકો જાણે કે કોરોનાથી સુરક્ષિત હોય તે રીતે શહેરમાં લટારો મારતા હોય છે.

 

 

 

 

શહેર

બેકાબુ કોરોના સંક્રમણની સમીક્ષા માટે મુખ્યમંત્રી-નાયબ મુખ્યમંત્રી કાલે જામનગરમાં

જિલ્લાના ઉચ્ચ અધિકારીઓ સાથે બેઠક યોજી સ્થિતિનો તાગ મેળવશે : કોવિડ હોસ્પિટલની મુલાકાત પણ લેશે : મુખ્ય સચિવ, આરોગ્ય સચિવ સહિતના અધિકારીઓનો કાફલો પણ જોડાશે

ખબર ગુજરાત

પ્રકાશિત

on

રાજયના મુખ્યમંત્રી વિજય રૂપાણી આવતી કાલે શનિવારે જામનગરની મુલાકાતે આવી રહ્યાં છે. જામનગર શહેર અને જિલ્લામાં કોરોનાની વકરી રહેલી પરિસ્થિતિની સમીક્ષા માટે તેઓ જામનગર આવી રહ્યા છે. બપોરે 2.30 વાગ્યે  જિલ્લાના ઉચ્ચ અધિકારીઓ સાથે બેઠક યોજશે. મુખ્યમંત્રી સાથે નાયબ મુખ્યમંત્રી નિતિન પટેલ, મુખ્ય સચિવ, પંચાયતના અધિક મુખ્ય સચિવ, સી.એમ.ના અંગત સચિવ સહિતનો કાફલો પણ જામનગર આવશે.

ગાંધીનગરમાં રાજયમંત્રી હકુભા જાડેજા સાથે જામનગરની સ્થિતિની ચર્ચા થયાં બાદ મુખ્યમંત્રીએ જામનગર આવવાનું નિર્ણય કર્યો હતો. જે અનુસંધાને આવતીકાલે બપોરે જિલ્લાના ઉચ્ચ અધિકારીઓ સાથે કોરોના મહામારી અંગે સમીક્ષા બેઠક યોજશે. ત્યારબાદ તેઓ જામનગરની કોવિડ હોસ્પિટલની મુલાકાત પણ લેશે. અત્રેએ ઉલ્લેખનીય છે કે, જામનગર શહેરમાં છેલ્લા કેટલાંક સમયથી કોરોનાનું સંક્રમણ બેકાબુ બન્યું છે. ત્યારે રાજયના અન્ય શહેરોની જેમ જામનગરની સ્થિતિની સમીક્ષા કરવી પણ જરૂરી બની હોય મુખ્યમંત્રી જામનગર આવી રહ્યા છે. અગાઉ મુખ્યમંત્રી સુરત, વડોદરા, રાજકોટ, અમદાવાદ જેવાં મહાનગરોમાં કોરોના સંક્રમણ અંગે અધિકારીઓ સાથે બેઠક યોજી ચુકયા છે.

 

વધુ વાંચો

શહેર

ગણેશ સાર્વજનિક મરાઠા મંડળ દ્વારા ગણેશ મહોત્સવ રદ્દ કરાયો

ગણેશ સાર્વજનિક મરાઠા મંડળ દ્વારા ગણેશ મહોત્સવ રદ્દ કરાયો

ખબર ગુજરાત

પ્રકાશિત

on

જામનગર તા ૬ જામનગર ના ચાંદી બજાર ના ચોકમાં પ્રતિવર્ષ મુજબ શ્રી ગણેશ સાર્વજનિક મરાઠા મંડળ દ્વારા ગણેશ ઉત્સવનું આયોજન કરવામાં આવે છે, જે ચાલુ વર્ષે કોરોનાની મહામારી ને લઈને રદ કરવામાં આવ્યો છે.
જામનગરના શ્રી ગણેશ સાર્વજનિક મરાઠા મંડળ દ્વારા લાંબા સમય થી ચાંદી બજાર ના ચોકમાં સાર્વજનિક ગણેશોત્સવનું આયોજન કરવામાં આવે છે, અને મોટી મૂર્તિ પ્રસ્થાપિત કરી ૧૧ દિવસ માટેના જુદા જુદા ધાર્મિક કાર્યક્રમો સાથે ગણેશ મહોત્સવ ઉજવવામાં આવે છે. પરંતુ વર્તમાન કોરોનાની મહામારી ને લઈને આ મહોત્સવ આ વર્ષે મોકૂફ રાખવાની જાહેરાત કરવામાં આવી છે, અને ૧૧ દિવસ દરમિયાન ગણેશભક્તો એ પોતાના ઘરમાં જ ગણેશ ભગવાનનું પૂજન અર્ચન કરવા ગણેશ મરાઠા મંડળ દ્વારા વિનંતિ કરાઈ છે.

વધુ વાંચો

શહેર

જામનગરમાં વધુ 21 માઇક્રો કન્ટેઇન્મેન્ટ જાહેર કરાયા

જામનગરમાં વધુ 21 માઇક્રો કન્ટેઇન્મેન્ટ જાહેર કરાયા

ખબર ગુજરાત

પ્રકાશિત

on

  1. જામનગર મહાનગરપાલિકા વિસ્તારમાં લાલપુર રોડ, ભાનુ પેટ્રોલ પંપ પાછળ સરસ્વતી પાર્ક શેરી નં. ૩ માં પ્લોટ નં. ૬૬, વિનોદ જીણાભાઈ ભંડેરીના એક રહેણાંક મકાનનો વિસ્તાર.
  2. જામનગર મહાનગરપાલિકા વિસ્તારમાં કિશાન ચોક, માલદે ભુવનની બાજુમાં લલિતાબેન મુંજાલ અને રાજુભાઈના મકાન સહિત ૨ (બે) મકાનનો વિસ્તાર.
  3. જામનગર મહાનગરપાલિકા વિસ્તારમાં વસંત વાટીકા શેરી નં.૩, ૧૭૨/સી મોરજરીયા પુજાના એક ઘરનો વિસ્તાર.
  4. જામનગર મહાનગરપાલિકા વિસ્તારમાં પુષ્કર ધામ સોસાયટી શેરી નં.૩ લખીયાર ગૌરીબેનના એક ઘરનો વિસ્તાર.
  5. જામનગર મહાનગરપાલિકા વિસ્તારમાં હરીધામ સોસાયટી બ્લોક નં.૨૪૮/૭ “મહાદેવ” સાવલીયા હસમુખભાઈ પરસોતમભાઈના એક બંગલાનો વિસ્તાર.
  6. જામનગર મહાનગરપાલિકા વિસ્તારમાં કિશાનચોક અંજલી ન્યુઝની સામે 5 શ્રી રામ ૯ ભુવનની સામેવાળી ગલી “અંજલી” ચાંદ્રા અમરીશના એક રહેણાંક મકાનનો વિસ્તાર.
  7. જામનગર મહાનગરપાલિકા વિસ્તારમાં પટેલ કોલોની-૧૦, ગોકુલધામ સોસાયટી, “કિર્તન” સચિન ગોકાણીના એક મકાનનો વિસ્તાર.
  8. જામનગર મહાનગરપાલિકા વિસ્તારમાં પટેલ કોલોની-૯, શેરી નં.૪, ચંદ્રબાધા એપાર્ટમેન્ટ સામે “ખોડીયાર કૃપા” મીરલભાઈ રાજેશભાઈ રૂપાપરાના એક મકાનનો વિસ્તાર.
  9. જામનગર મહાનગરપાલિકા વિસ્તારમાં હવાઈ ચોક શ્રીજી એપાર્ટમેન્ટ વીંગ – બી, ફલેટ નં. ર૦ર, ધારા હિતેષભાઈ કણજારીયાના ફલેટ સહિત ચાર ફ્લેટનો વિસ્તાર.
  10. જામનગર મહાનગરપાલિકા વિસ્તારમાં તાલુકા પંચાયત ઓફીસની સામે ૧૩-૧૪ પત્રકાર સોસાયટી સુખપરીયા પાર્થ બીપીનભાઈના એક મકાનનો વિસ્તાર. જામનગર મહાનગરપાલિકા વિસ્તારમાં ખંભાળીયા નાકા શ્રીજી વિંગ-સી ફર્સ્ટ ફલોર પર યાર ફ્લેટનો વિસ્તાર.
  11. જામનગર મહાનગરપાલિકા વિસ્તારમાં પંચેશ્વર ટાવર રોડ જલાની જાર પાસે સોનીયા જગદીશભાઈ ; પાઠકના એક ઘરનો વિસ્તાર.
  12. જામનગર મહાનગરપાલિકા વિસ્તારમાં દિ.પ્લોટ રપ કિરણબેન એચ. ગાંધીના એક બંગલાનો વિસ્તાર.
  13. જામનગર મહાનગરપાલિકા વિસ્તારમાં વાલ્કેશ્વરીનગરી સોપાન રેસીડેન્સીના થર્ડ ફલોરના ૪ ફલેટનો વિસ્તાર.
  14. જામનગર મહાનગરપાલિકા વિસ્તારમાં આણંદાબાવાનો ચકલો, ભરાણીનો ડેલો રેખાબેન પ્રફુલભાઈ સહોલીયાના એક ઘરનો વિસ્તાર.
  15. જામનગર મહાનગરપાલિકા વિસ્તારમાં સોઢાનો ડેલો જી.પી.ઓ બેઈઝ ચાંદી બજાર અપલ મહેતા તથા જશ ભાગ્યેશભાઈ મહેતાના એક બંગલાનો વિસ્તાર.
  16. જામનગર મહાનગરપાલિકા વિસ્તારમાં ૫૩ દિ. પ્લોટ વીટીસી જાદવભાઈ જોઈસર અને દિનકરભાઈ જોઈસરના એક બંગલાનો વિસ્તાર.
  17. જામનગર મહાનગરપાલિકા વિસ્તારમાં પટેલ કોલોની શેરી નં.૧૦, સીસીડીસી ફલેટની પાછળ દિપાબેન દિનેશભાઈ કટારીયાના એક રહેણાંક મકાનનો વિસ્તાર.
  18. જામનગર જિલ્લાના દરેડ ગામની પટેલ શેરીમાં પ્રથમ નરસિંહભાઈ વશરામભાઈ દાવડના ઘરથી છેલ્લે વિજયભાઈ જેરામભાઈ ડોબરીયાના ઘર સુધીનો વિસ્તાર કુલ ઘર ૫.
  19. જામનગર જિલ્લાના કાલાવડ નગરપાલિકાના પંજેતરનગર વિસ્તારમાં આવેલ પ્રથમ અવેશ ઈદ્રીશભાઈ મેમણના ઘરથી છેલ્લે ફારૂકભાઈ અયુબભાઈ કચલીના ઘર સુધીનો વિસ્તાર કુલ ઘર ૨.
  20. જામનગર જિલ્લાના જામનગર તાલુકાના ધુંવાવ ગામના કુંભારવાડા વિસ્તારમાં આવેલ પ્રથમ નારણભાઈ સવજીભાઈ પરમારના ઘરથી અનવર દાદમામદ જખરાના ઘર સુધીનો વિસ્તાર કુલ ઘર ૭.

વધુ વાંચો

ટ્રેન્ડીંગ