Connect with us

જામનગર

નાગેશ્વર વિસ્તારમાંથી ઘોડીપાસા વડે જુગાર રમતાં 16 શખ્સો ઝડપાયા

2.10 લાખની રોકડ સહિત રૂા.3,17,500ના મુદ્દામાલ સાથે અટકાયત

ખબર ગુજરાત

પ્રકાશિત

on

જામનગર પેરોલફર્લો સ્કવોડએ જામનગર શહેરના નાગેશ્વર વિસ્તારમાંથી ઘોડીપાસા વડે જુગાર રમતા 16 ઇસમોને રૂા.2.10 લાખની રોકડ તથા વાહનો અને મોબાઇલ મળી કુલ રૂા.3,17,500ના મુદ્દામાલ સાથે ઝડપી પાડી કાયદેસરની કાર્યવાહી કરી હતી.

જામનગર પેરોલફર્લો સ્કવોડના પો.હેડ.કોન્સ. નિર્મલસિંહ જાડેજા તથા સલીમભાઇ નોયડા પેટ્રોલીંગમાં હતા તે દરમિયાન જામનગર શહેરના નાગેશ્વર વિસ્તારમાં જુગારનો અખાડો ચલાવતા ભીખુભાઇ ઉર્ફે ખોડાભાઇ રાઘવભાઇ ઢાપાના રહેણાંક મકાનમાંથી ઘોડીપાસાની કલબ પકડી પાડી હતી. જેમાં ભીખુભાઇ ઉર્ફે ખોડાભાઇ રાઘવભાઇ ઢાપા રહે. નાગેશ્વરપાર્ક રાજાવાડી જામનગર, દિનેશભાઇ ભગવાનજીભાઇ પરમાર રહે. નવા નાગના રામ મદીરવાળી શેરી જામનગર, અલ્તાફ્ભાઇ મામદભાઇ ઇબી રહે. યુનો મેડીકલ વાળી શેરી દરબાર ગઢ જામનગર, હશેનભાઇ ઞફારભાઇ કાસ રહે. લીંડી બજાર બીબોડીફળી જામનગર, સાલમ ઉર્ફે સમીર અબ્દુલરહેમાન મકવાણા રણજીતરોડ લંઘાવાડનો ઢાળીયો આરબફળી જામનગર, અલ્તાફભાઇ સતારભાઇ આંબલીયા રણજીતરોડ લંઘાવાડનો ઢાળીયો આરબફળી જામનગર, સોહીલભાઇ સલીમભાઇ સાટી રહે. મહારાજા સોસાયટી કાલાવડ નાકા બહાર જામનગર, વિપુલભાઇ ઉર્ફે મોદી વાલજીભાઇ પરમાર રહે. નાગેશ્વર કોલોની નાગના રોડ રાજાવાડી જામનગર, અબ્દુલ રજાક જુમાભાઇ ગજીયા રહે. વાઘેરવાડો મોટી આશાપુરા મંદીર બાલમંદીર પાસે જામનગર, રજાકભાઇ ઇસ્માઇલભાઇ મોગલ રહે. જુનો કુંભારવાડો જામનગર, હસનભાઇ ઉર્ફે બોદુ હાજીભાઇ આંબલીયા રહે. લંઘાવાડનો ઢાળીયો આરબફળી જામનગર, સુરેશભાઇ ઉર્ફે બેબન ખોડામલ અબવાણી રહે. રાજપાર્ક રમણપાર્ક શેરી.નં.6 જામનગર, કેતનભાઇ ઉર્ફે જેતશી ભીખુભાઇ હાપા રહે.નાગેશ્વાર કોલોની ભવાની માતાના મંદીર પાસે જામનગર, તેજસ પ્રવીણભાઇ પરમાર રહે. દેવુભાનો ચોક વીરભાણ ફળી જામનગર, ઇશ્વરભાઇ મનસુખભાઇ મકવાણા રહે.નવાગામધેડ હનુમાનચોક જામનગર, મુનાફ ઉર્ફે મુનો મહમદભાઇ આંબલીયા રહે.રણજીતરોડ લંઘાવાડનો ઢાળીયો આરબફળી જામનગર સહિતના 16 આરોપીઓને રૂા.2.10 લાખની રોકડ, રૂા.1,07,500ના વાહનો તથા મોબાઇલ મળી કુલ રૂપિયા 3,17,500ના મુદ્દામાલ સાથે અટક કરી કાયદેસરની કાર્યવાહી હાથ ધરી હતી.

આ કામગીરીમાં પેરોલ/ફર્લો સ્કવોડના પો.સ.ઈ એ.એસ.ગરચર તથા પો.હેડ.કોન્સ.ગજેન્દ્રસિંહ જાડેજા, સુરેન્દ્રસિંહ ચૌહાણ, રણજીતસિંહ પરમાર, સલીમભાઇ નોયડા, કાસમભાઈ બ્લોચ, મેહુલભાઇ ગઢવી. નિર્મળસિંહ જાડેજા, ભરતભાઇ ડાંગર, રાજેશભાઇ સુવા, ગિરીરાજસિંફ જાડેજા તથા પો.કો. ધર્મેન્દ્રભાઇ વૈષ્ણવ તથા એ.એસ.આઇ. ધર્મેન્દ્રસિંહ જાડેજાએ કરી હતી.

જાહેરાત
કમેન્ટ કરો

Leave a Reply

Your email address will not be published. Required fields are marked *

જાહેરાત

જામનગર

સ્વચ્છતા મામલે 5(ફાઇવ) સ્ટાર રેટીંગ મેળવવા જામ્યુકોનો દાવો

હાલ 3(થ્રી) સ્ટાર રેટીંગ ધરાવી રહ્યું છે જામનગર શહેર

ખબર ગુજરાત

પ્રકાશિત

on

સ્વચ્છ ભારત મિશન અંતર્ગત જામનગર શહેરનું રેટીંગ વધારવા જામ્યુકોએ કવાયત હાથ ધરી છે. હાલ 3(થ્રી) સ્ટાર રેટીંગ ધરાવતા શહેરને 5(ફાઇવ) સ્ટાર રેટીંગ અપાવવા માટે તેમજ શહેરને વોટર પ્લસ જાહેર કરવા દાવેદારી કરવામાં આવી છે. ભારત સરકારના પર્યાવરણ મંત્રાલય દ્વારા દર વર્ષે સ્વચ્છ ભારત મિશન અંતર્ગત દેશના જુદા-જુદા શહેરોને રેટીંગ્સ આપવામાં આવે છે. જે મુજબ સ્વચ્છતાની બાબતમાં જામનગર શહેર હાલ 3(થ્રી) સ્ટાર રેટીંગ ધરાવી રહ્યું છે. હવે સરકારના રેટીંગ પ્રોટોકોલ અંતર્ગત 5(ફાઇવ) સ્ટાર રેટીંગ મેળવવા માટે જામ્યુકો દ્વારા દાવેદારી નોંધાવવામાં આવી છે. આ માટે શહેરને ગાર્બેજ ફ્રી સીટી બનાવવાની કવાયત હાથ ધરવામાં આવી છે. તેમજ શહેરને વોટર પ્લસ ડીકલેર કરવા એટલે કે શહેરમાં આવેલા તમામ શૌચાલયોમાં પાણીની સુવિધા ઉપરાંત શૌચાલયમાંથી નીકળતા વેસ્ટનું ભૂગર્ભ ગટર સાથે જોડાણ તેમજ ભૂગર્ભ ગટરનું સુએજ ટ્રીટમેન્ટ પ્લાન્ટ સાથે જોડાણ કરવું આવશ્યક હોય છે. જામ્યુકોના અધિકારી અશોક જોશીના જણાવ્યા અનુસાર શહેરના તમામ શૌચાલયોમાં આ સુવિધાઓ ઉપલબ્ધ છે. જેને લઇને વોટર પ્લસ માટેની દાવેદારી કરવામાં આવી છે. કેન્દ્ર સરકાર દ્વારા રેટીંગ મામલે ડિસેમ્બર અથવા જાન્યુઆરીમાં ગમે ત્યારે સર્વે કરવામાં આવશે. જેના આધારે શહેરનુ રેટીંગ્સ જાહેર કરવામાં આવશે.

વધુ વાંચો

જામનગર

પાણી ચાર્જની સેટલમેન્ટ યોજનાનો લાભ લઇને 375 કરોડ બચાવશે જામ્યુકો

યોજના અંતર્ગત સરકારને 98 કરોડ ભરવા ઠરાવ: આ રકમ પણ આવશે ક્યાંથી તે એક મોટો સવાલ

ખબર ગુજરાત

પ્રકાશિત

on

સ્થાનિક સ્વરાજ્યની સંસ્થાઓ પાસે લાંબાસમયથી બાકી રોકાતી પાણીચાર્જની રકમ પર વ્યાજ તથા પેનલ્ટી માંડવાળ કરવા અંગે રાજ્ય સરકારે વન ટાઇમ સેટલમેન્ટ યોજના જાહેર કરી છે. આ યોજનાનો લાભ લઇને ભારે ભરખમ વ્યાજ અને પેનલ્ટીમાંથી છૂટકારો મેળવવા જામ્યુકોએ નિર્ણય કર્યો છે. આ અંગે પાણીચાર્જની બાકી રોકાતી મૂળ રકમ કે જે રૂા.98 કરોડ જેટલી થવા જાય છે, તે ભરપાઇ કરવા યોજનાનો સૈધ્ધાંતિક સ્વીકાર કરવામાં આવ્યો છે.
જામનગર મહાપાલિકા દ્વારા શહેરમાં પાણી પુરુ પાડવા માટે રાજ્ય સરકાર હસ્તકના જુદા-જુદા જળાશયોમાંથી વર્ષોથી પાણી ઉપાડવામાં આવે છે. આ પાણી અંગે રાજ્યસરકાર દ્વારા મહાપાલિકા પાસેથી ચાર્જ વસૂલવામાં આવે છે. ઘણા લાંબા સમયથી મહાપાલિકા રાજ્યસરકારની પાણીનો ચાર્જ ચૂકવી શકી ન હોય તેના પર વ્યાજ અને પેનલ્ટી સહિત અત્યારે આ રકમ 473 કરોડે પહોંચી ગઇ છે. જામ્યુકોની આર્થિક સ્થિતિ ખરાબ હોય આટલી મોટી રકમ ભરી શકે તેમ નથી. પરિણામે આ રકમમાં વ્યાજ અને પેનલ્ટીનો સતત ઉમેરો થતો રહે છે. દરમ્યાન રાજ્ય સરકાર દ્વારા પાણીચાર્જ પર વ્યાજ અને પેનલ્ટી માફ કરવા માટે એક વન ટાઇમ સેટલમેન્ટ યોજના જાહેર કરી છે. જે અન્વયે સ્થાનિક સ્વરાજ્યની સંસ્થાઓએ પાણીચાર્જની બાકી રોકાતી મૂળ રકમ ભરપાઇ કરવાની તક આપવામાં આવી છે. આ યોજના મુજબ જામનગર મહાપાલિકાને પાણીચાર્જની 98 કરોડની રકમ ચૂકવવાની થાય છે. આમ આ યોજના અન્વયે જામ્યુકોને 375 કરોડ જેવો તોતિંગ ફાયદો થતો હોય મહાપાલિકાએ આ યોજનાનો લાભ લેવાનું સ્વીકાર્યું છે. ગુરૂવારે યોજાયેલી જામ્યુકોની સ્થાયી સમિતિની બેઠકમાં કમિશનર દ્વારા આ અંગેની દરખાસ્ત રજૂ કરવામાં આવી હતી. જેને મંજૂરી આપવામાં આવી છે.

અત્રે ઉલ્લેખનીય છે કે, હાલ જામનગર મહાપાલિકાની આર્થિક સ્થિતિ જોતા યોજના મુજબની 98 કરોડની રકમ ભરપાઇ કરવી પણ મુશ્કેલ જણાય રહી છે. જામ્યુકોનું બજેટ પણ હાલ ખાધમાં ચાલી રહ્યું છે. એટલું જ નહીં, કર્મચારીઓના પગાર કરવા માટે પણ અન્ય સરકારી ગ્રાન્ટને ટ્રાન્સફર કરવાનો સહારો લેવો પડે છે. ત્યારે 98 કરોડની રકમ ભરપાઇ કઇ રીતે કરવામાં આવશે તે પણ એક મોટો પ્રશ્ર્ન છે. જો કે, જામ્યુકો શહેરમાં પોતાની માલિકીની કેટલીક જમીનો અને મિલ્કતો વેંચીને આ માટેના નાણા ઉભા કરી શકે છે.

વધુ વાંચો

જામનગર

જામનગર વીજતંત્રમાં આજે મોટું ઓપરેશન

પીજીવીસીએલની રાજકોટ કોર્પોરેટ ઓફિસથી ચીફ વિજીલન્સ ઓફિસર અને ચીફ ફાયનાન્સ મેનેજર જામનગરના બહુચર્ચિત વીજ કૌભાંડની તપાસ માટે નગરના આંગણે : સમગ્ર વીજતંત્ર સહિત લાગતાવળગતાઓમાં ‘શું થશે ?’ નો ઇન્તજાર

ખબર ગુજરાત

પ્રકાશિત

on

જામનગરના અન્ય કેટલાક સરકારી તંત્રોની માફક જામનગરનું વીજતંત્ર પણ અવારનવાર સમાચારોમાં ચમકે છે. વીજતંત્રની કામગીરી અને વીજતંત્રની લાલબંગલા સ્થિત કચેરીમાં થતાં ચોકકસ પ્રકારના ‘વહિવટ’ કાયમ ચર્ચામાં રહે છે. સૌ જાણે છે એમ તાજેતરમાં જામનગર વીજતંત્રનું એક તોતિંગ કૌભાંડ જાહેર થયું છે. આ કૌભાંડના એપી સેન્ટર એવા અધિકારીની રાજકોટ કોર્પોરેટ સુધી પહોંચ હોવાની અને કોર્પોરેટ ઓફિસને પણ ખુશ કરવાની તેઓની આવડત અંગે જામનગર શહેર-જિલ્લામાં ઘણા પ્રકારની ચર્ચાઓ ચાલે છે. પરંતુ પીજીવીસીએલના મહિલા મેનેજિંગ ડિરેકટર નોખી માટીના છે. આ કથિત કૌભાંડની તપાસમાં તેઓ ચમરબંધીની પણ શેહમાં આવે એમ નથી અને તપાસને નિર્ણાયક તબકકા સુધી પહોંચાડવા માટે તેઓ કટિબધ્ધ હોવાનું જાણવા મળે છે. તેઓની આ કટિબધ્ધતાના ભાગરૂપે કોર્પોરેટ ઓફિસના બે વડા અધિકારીઓને તેઓએ આ કથિત કૌભાંડની તપાસ માટે ખાસ સૂચનાઓ સાથે જામનગર મોકલ્યા છે. જેને પરિણામે જામનગરના વીજતંત્રમાં આંચકાઓ શરૂ થઇ ગયા છે. જે ગમે ત્યારે ધડાકાના રૂપમાં જાહેર થાય તેવી સંભાવનાઓ છે.

ઔદ્યોગિક વીજ જોડાણોને રહેણાંક વીજ જોડાણો દેખાડવા અને હાઇ ટેન્શન એટલે કે, ભારે વીજ દબાણવાળા વીજ જોડાણોને લો ટેન્શન એટલે કે, ઓછા વીજ દબાણવાળા જોડાણો દેખાડી વચ્ચેથી ‘મલાઇ’ તારવી લેવાની વીજતંત્રની પરંપરા સૌ કોઇ જાણે છે. તાજેતરમાં એક અધિકારી આ પ્રકારના કથિત કૌભાંડમાં મલાઇ તારવી લીધા પછી બધી બાજુથી ઘેરાયા છે. તેને બચાવવા માટે પણ મોટાપાયે કામગીરી ચાલી રહી છે. પરંતુ પીજીવીસીએલના એમ.ડી. આ પ્રકરણમાં દૂધનું દૂધ અને પાણીનું પાણી કરવાના મૂડમાં હોય આગામી દિવસોમાં જામનગરના વીજતંત્રમાં મોટો ધડાકો થાય તો નવાઇ નહીં લેખાય એમ વીજ કંપનીના અંતરંગ વર્તુળો જણાવે છે. વર્તુળોના જણાવ્યા પ્રમાણે રાજકોટ કોર્પોરટ ઓફિસથી જામનગર આવેલા આ બન્ને વડા અધિકારીઓએ ગુરૂવારની રાત્રિથી જ પોતાનું ઓપરેશન શરૂ કરી દીધું હોવાનું જાણવા મળે છે.

વધુ વાંચો
Advertisement
Advertisement

ટ્રેન્ડીંગ